Zyan 16:3 - Cebaara Bible 2010

³ Pe a ba ra kérigèle bee kpéʔele yele na níì cán pe ga Tofɔw cán í, pe ga wɔ́ɔ̀ mii cán í.

Zyan 16:3 Iomraidhean Croise

Luki 10:22

Mii Tóow n yáriri myɛ le mii kɔ́yi ni. Syɔɔn faala ga Jaafɔw cán í, kapye Tofɔw ban í. Syɔɔn faala si ga wɔ́ɔ̀ Tofɔw cán í, kapye Jaafɔw ban í, ní wee na Jaafɔw caa bi wi tɛ̀ɛn lè, fwɔɔ woro.»

Zyan 15:21

Kàjáa pe a gee bee myɛ kpéʔele yele na mii mɛ́ɛgi kéele na, níì cán pe ga mii Tunvɔw cán í.

Zyan 15:23

Syɔ́ɔnwee mii kéeli bɛɛn lè, mii Tóow kéele li wee bee bɛɛn.

Zyan 17:25

Tofɔzinw, dulunyanw syɛ̀ɛnnɛ ga mɔ cán í, kàjáa mii si n mɔ cán, a bele naa wɔ́ɔ̀ gi cán ncan mɔ wi mii tun.

Zyan 17:3

Pe ga mɔ cán ncan mɔ nibin wi nyɛ Kolocɔlɔw wodeleo, ní wɔ́ɔ̀ mɔ Tundunw cán wi lè Zyezu Kirisi, koro gi nyɛ be ma sìibangwɔɔw.

Zyan 8:19

A be fala n wi pye: «Sán mɔ tóow nyɛ?» A wi be yari: «Yele ga mii cán í, yele ga wɔ́ɔ̀ mii Tóow cán í. Yele ga maa mii cán, yele mǎà dée wɔ́ɔ mii Tóow cán.»

Zyan 8:55

Koro ní ki myɛ ní yele si ga sèʔê wi cán í, á mii si wi cán. Mii ga maa jo mii ga wi cán í, mii mǎà dée wɔ́ɔ pye jànvaafɔlɔ àmɛɛ yele nyɛ lè. Kàjáa mii n wi cán, ní i gi kpéʔele àmɛɛ wi jo lè.

Kapyegèle 3:17

Ni senyɛ̀nnɛ, mii si n gi cán yele ní yele kùndigibèle maa gi kpéʔele kateemɛ na.

1 Korɛnti ye 2:8

Dulunyanw naa fànʔafɔwaa faala ga bi cán í. Níì cán pe ga maa bi cán, pe mǎà dée fɔ̀lɔ bi Kàfɔgbɔɔw kpóo tiiparigi na í.

2 Tesaloniki ye 1:8

pe a tìgi ní naanyìnge ní bi ba Kolocɔlɔɔ téefɔbèle ní wo Kàfɔw Zyezu Syɛɛnjóocǎnri céefɔɔlɔ wɔʔɔ.

1 Timɔte 1:13

mii wee wi pye lè Kolocɔlɔɔ mɛ́ɛkalagiɔ booma ni, níì pye syɛɛnwɔʔɔɔ, ní wɔ́ɔ̀ pye kateerefɔlɔ. Kàjáa Kolocɔlɔɔ n nyinimɛ taa mii na, níì cán mii maa ni gee bee kpéʔele kateemɛ na mii sìndagali làla ni.

1 Zyan 2:23

Syɔ́ɔnwee faala wi Jaafɔw cée lè, Tofɔw o nyɛ wee bee wóo í. Wee si wi fɔ̀lɔ lè Jaafɔw na, Tofɔw wɔ́ɔ i nyɛ wee bee wóo.

1 Zyan 3:1

Amɛɛ Tofɔw Kolocɔlɔɔ tàmaga le ní wolo ní lè, ye gi wéle gee, níì cán wi i wolo yiri woro pìibēle! Anbée si wolo tɔ́ɔ̄ nyɛ. Gee bee gi gi kaan dulunyanw syɛ̀ɛnnɛ ga wolo cán í, níì cán pe ga Kolocɔlɔɔ cán í.

1 Zyan 4:8

Wee si wi lè wi o tàmaga nii í, wee bee ga Kolocɔlɔɔ cán í, níì cán Kolocɔlɔɔ wi nyɛ tàmagi.

1 Zyan 5:20

Wolo n wɔ́ɔ̀ gi cán Kolocɔlɔɔ Jáaw n pan n baa sícilimɛ kaan wolo ma koro ga pye wolo í Wodelew cán. Wolo i nyɛ Wodelew ni wi Jáaw Zyezu Kirisi bárigaw ni. Woro wi nyɛ Kolocɔlɔɔ wodelew, ní wɔ́ɔ i nyɛ sìibangwɔɔw.