Zyan 13:3 - Cebaara Bible 2010

³ Zyezu si maa gi cán Tofɔw Kolocɔlɔɔ n yáriri myɛ le woro kɔ́yi ni, ní wɔ́ɔ̀ gi cán Kolocɔlɔɔ má woro yìri yaà n pan, woro si a ní lúru kári wi ma.

Zyan 13:3 Iomraidhean Croise

Matye 11:27

Mii Tóow n yáriri myɛ le mii kɔ́yi ni. Wàa faala ga Jaafɔw cán n foro í, kapye Tofɔw ban í. Wàa faala si ga wɔ́ɔ̀ Tofɔw cán n foro í, kapye Jaafɔw ban í, ní wee na Jaafɔw caa bi wi tɛ̀ɛn lè, fwɔɔ woro.

Matye 28:18

A Zyezu ga nan be na, a wi gi joo be ma níì jo: «Nyɛ̀ʔɛni ní tári sée myɛ n kaan mii ma.

Luki 10:22

Mii Tóow n yáriri myɛ le mii kɔ́yi ni. Syɔɔn faala ga Jaafɔw cán í, kapye Tofɔw ban í. Syɔɔn faala si ga wɔ́ɔ̀ Tofɔw cán í, kapye Jaafɔw ban í, ní wee na Jaafɔw caa bi wi tɛ̀ɛn lè, fwɔɔ woro.»

Zyan 1:18

Syɔɔn ga tɔ̀nɔ n kɔ́ɔ̀ Kolocɔlɔɔ nyaa í, fwɔɔ Jaafɔw nibin wi nyɛ lè Kolocɔlɔɔ, ní i nyɛ ní Tofɔw ní làla o làla, woro wi Kolocɔlɔɔ kánmi tɛ̀ɛn wo na n fílige.

Zyan 13:1

Sáni Sɔ̀lɔ-mí-yaʔali séri làla í nan lè, Zyezu maa gi cán lǎli n nan woro í dulunyanw naa yaʔa si kári Tofɔw ma, wi wóbèle be nyɛ lè dulunyanw ni, be kéeli maa wi dɛ́nɛ, níì tɔ̀nɔ n wi dɛ́nɛ fwɔɔ n sáà nan ki tɛɛ̀laʔali na.

Zyan 17:2

àmɛɛ mɔ séew kaan wi ma lè wi syɛ́ɛnbèle myɛ jáa, koro ga pye bele mɔ kaan wi ma lè, wi sìibangwɔɔw kaan bele bee myɛ ma.

Zyan 3:13

Syɔɔn faala ga kɔ́ɔ̀ lúgu yaà nyɛ̀ʔɛni na í, kapye wee ban wi yìri lè nyɛ̀ʔɛni na n tìgi naa tári na í, woro wi nyɛ Syɔɔn-pya, wee wi nyɛ lè nyɛ̀ʔɛni wóo.

Zyan 3:35

Jaafɔw kéele n Tofɔw dɛ́nɛ, a wi yáriri myɛ le wi kɔ́yi ni.

Zyan 7:29

Mii si n wi cán. Níì cán woro má mii yìri, woro wi mii tun naa.»

Zyan 7:33

A pe ga sáà nan wi na, lǎli bee ni a Zyezu jo: «A mii i naa ní yele ní wii tɔ́ɔliw ni bi làlaa cɛɛri kwɔ́ɔ gbɛnʔɛnɛ, koro kàdoʔo ma si kári mii Tunvɔw ma.

Zyan 8:14

A Zyezu be yari: «Alí mii ga ni mii tiimaa séera kpéʔele, séeraw bee tɔ̀nɔ́ i nyɛ kányɛʔɛ, níì cán mii n mii tɛɛyìrigi cán ní wɔ́ɔ̀ mii tɛɛkárigi cán. Kàjáa yele ga mii tɛɛyìrige cán í, yele ga wɔ́ɔ̀ mii tɛɛkáriga cán í.

Zyan 8:42

A Zyezu be pye: «Kolocɔlɔɔ ga maa pye yele Tóow, mii kéeli mǎà dée yele dɛ́nɛ, níì cán Kolocɔlɔɔ ni mii yiri n pan. Mii ga pan niyɛɛ báriga ni í, woro tundunro na mii nyɛ.

Kapyegèle 2:36

Koro na yele Isirayɛli narigbaagi syɛ̀ɛnnɛ myɛ n yɛlɛ bi gi fílige cán bi cán Zyezuwee yele da kóri lè tiiparigi na, Kolocɔlɔɔ n wi kpéʔele Kàfɔw, ní wɔ́ɔ̀ wi kpéʔele Kirisi.»

1 Korɛnti ye 15:27

Koro na gi jo Kolocɔlɔɔ n yáriri myɛ le Jaafɔw kɔ́yɔ ni. Kàjáa àmɛɛ gi jo lè wi n yáriri myɛ le Jaafɔw kɔ́yɔ ni, ki n wɔ́ɔ̀ fílige ncan wee wi yáriri myɛ le lè wi kɔ́yi ni, woro tiimaa o nyɛ yáriri bee ni í.

Heburubèle 1:2

kàjáa wi n baa joo wolo ma wi jáaw ni cányi naa ni yi lè canzanyi. Woro bárigaw ni Kolocɔlɔɔ dulunyanw kpéʔele, níì wi télege wi pye yáriri myɛ kɔriliio.