Zyan 13:1 - Cebaara Bible 2010

¹ Sáni Sɔ̀lɔ-mí-yaʔali séri làla í nan lè, Zyezu maa gi cán lǎli n nan woro í dulunyanw naa yaʔa si kári Tofɔw ma, wi wóbèle be nyɛ lè dulunyanw ni, be kéeli maa wi dɛ́nɛ, níì tɔ̀nɔ n wi dɛ́nɛ fwɔɔ n sáà nan ki tɛɛ̀laʔali na.

Zyan 13:1 Iomraidhean Croise

Kàseegèle 8:31

ni kɔ̀nʔɔ́ wi tári na. Mii fundaanri di pye mii í pye syɔɔn ye níngi ni.

Zyeremii 31:3

Yawe i wiyɛɛ dèé mii na léelige, níì jo: «Mii n bàngwɔɔ tàmaga le ní mɔ ní. Koro na mii mii funjǎngi kɔn mɔ kabangi na.

Matye 26:45

A wi ga lúru n pan pìitamabèle ma a wi baa be pye: «Yaa ŋúnɔ tɔ́ɔliw ni, ye ŋɔ́n ye daa! Ye wéle, lǎli n nan, pe n Syɔɔn-pya le kapeebyebèle kɔ́yɔ ni.

Matye 28:20

yáā be tama paa kérigèle myɛ kpéʔele gele mii joo n gbàn yele ma lè. Ye wéle, mii i nyɛ ní yele ní canʔa o canʔa bi taa sa nan gi kwɔ́ɔmi na.»

Luki 22:53

Lǎli ni mii da pye lè yele níngi ni kpɔ̀ʔɔrɔli kpaʔa ni canʔa o canʔa, yele ga taa si mii cò í. Kàjáa yele lǎli si li tɔ́ɔ̄ nyɛ lee naa ní yébilimi fànʔa làla.»

Luki 9:51

Amɛɛ lǎli da nùuni lè Zyezu í yiri dulunyanw ni bi lúgu kári nyɛ̀ʔɛni na, a wi sɔ̀ngumi kòro Zyerusalɛmi gàriw kéele na.

Zyan 11:55

Zyefubèle Sɔ̀lɔ-mí-yaʔali séri canʔa maa nùuni, a syɛ̀ɛnnɛ saʔa yìri tári bee tɛ́ɛyɛ myɛ ma n kári Zyerusalɛmi ma sa peyɛɛ jéemununi fáli kpéʔele sáni sériw canʔa í nan lè.

Zyan 12:23

A Zyezu be yari: «Lǎli n nan, lee ni Syɔɔn-pya a wi nìjangbɔɔri taa lè.

Zyan 13:29

A poro pèle i sɔ̀ngí àmɛɛ wáliw yalege nyɛ Zyudasi ma lè, a Zyezu caa wi sa yarira syɔɔ wii, dee màko wi nyɛ be na lè fɛ́tiiw ni, koro ga jáa a wi jo wi sa yarigaa kaan foomɔfɔbèle ma wii.

Zyan 13:3

Zyezu si maa gi cán Tofɔw Kolocɔlɔɔ n yáriri myɛ le woro kɔ́yi ni, ní wɔ́ɔ̀ gi cán Kolocɔlɔɔ má woro yìri yaà n pan, woro si a ní lúru kári wi ma.

Zyan 13:34

Mii a tundunvɔ́nrɔ joo yele ma. Tundunri bee di nyɛ: Ye tàmaga le ní yeyɛɛ ní. Amɛɛ mii tàmagi le ní yele ní lè, ki n yɛlɛ yele í wɔ́ɔ gi le ní yeyɛɛ ní.

Zyan 14:28

Yele n gi lóʔo mii ma n kwɔ́ɔ, àmɛɛ mii gi joo yele ma lè níì jo: Mii a kári, mii si a ní lúru pan yele ma. Kapye yele maa tàmaga le ní mii ní, fundaanra mǎà dée pye yele ni àmɛɛ mii syée lè Tofɔw ma, níì cán Tofɔw n kpɔ́ʔɔ n sɔ̀lɔ mii na.

Zyan 14:31

Koro ní ki myɛ ní gee Tofɔw joo mii í kpéʔele lè, gee bee mii a tɔ̀nɔ́ kpéʔele, koro ga pye dulunyanw syɛ̀ɛnnɛ í gi cán mii n tàmaga le ní Tofɔw ní. Ye yìri wo núngo nɛɛ naa wo kári.»

Zyan 16:28

Tofɔw má mii yìri n pan dulunyanw ni. Tɔ́ɔliw ni mii si a ní yiri dulunyanw ni bi lúru kári Tofɔw ma.»

Zyan 17:1

Kérigèle bee joolo kadoʔo ma, a Zyezu wi yɛ́ɛgi yìrige ni wéle nyɛ̀ʔɛni na níì jo: «Mii Tóow, lǎli n nan, nìjangbɔɔri taʔa mɔ Jáaw na, koro ga pye Jaafɔw si wɔ́ɔ nìjangbɔɔri taʔa mɔ na,

Zyan 17:16

Pe o nyɛ dulunyanw wòolo í, àmɛɛ mii nyɛ lè mii o nyɛ dulunyanw wóo í.

Zyan 17:26

Mii n mɔ mɛ́ɛgi tɛ̀ɛn be na, mii si a ní gi tɛ̀ɛn be na, koro ga pye tàmagee mɔ le ní mii ní lè, ki wɔ́ɔ pye be ni, mii si wɔ́ɔ pye be ni.»

Zyan 17:5

Abaa, tɔ́ɔliw ni nìjangbɔɔri ti da pye yaà mii na mɔ taana lè sáni dulunyanw í séli lè, di taʔa mii na.

Zyan 18:4

Zyezu si maa gi cán gee myɛ ki a ba kpéʔele woro na lè, koro na wi sɛ̀ʔɛrɛ yaà be ma n sáà be yíbe níì jo: «Wìí yele caa?»

Zyan 19:28

Koro kàdoʔo ma àmɛɛ Zyezu gi cán lè ncan kérigèle myɛ n kpéʔele n kwɔ́ɔ, a wi syɛ́ɛnri naa joo koro ga pye Kolocɔlɔɔ syɛɛnsɛbɛri í foro, wi n jo: «Lògbaʔa n mii jáa.»

Zyan 2:13

A Zyefubèle Sɔ̀lɔ-mí-yaʔali séri canʔa ga nùuni, a Zyezu kári Zyerusalɛmi ma.

Zyan 6:4

Ki si maa kòro cɛɛri, Zyefubèle Sɔ̀lɔ-mí-yaʔali séri canʔa si nan.

Zyan 7:30

Lǎli bee ni a be i sɔ̀ngí bi wi cò, koro ní ki myɛ ní syɔɔn faala ga kɔlɔ̀ taʔa wi na í, níì cán wi lǎli da kɔ́ɔ̀ nan í.

Zyan 7:6

A Zyezu be pye: «Mii lǎli ga kɔ́ɔ̀ nan í. Yele si na, làrigèle myɛ i nyɛ yele ma sèjira.

Zyan 8:20

Lǎli ni Zyezu da ni syɛ́ɛnbèle tama lè kpɔ̀ʔɔrɔli kpaʔa ni, tɛ́ɛgee ni be wáliw kaangi lè, nɛɛ bee wi da yére níì syɛ́ɛnri naa joo. Kàjáa syɔɔn faala ga wi cò lǎli bee ni í, níì cán wi lǎli da kɔ́ɔ̀ nan í.

Wɔrɔmi ye 8:37

Kàjáa wolo si n gbàn n yáriri bee myɛ jáa wi bárigaw ni woro wee wi tàmaga le ní wolo ní lè.

1 Korɛnti ye 1:8

Woro wi a wɔ́ɔ ra fǎngi nii yele ni fwɔɔ bi ba nan canzangi na, jàngó yele í pye dìgire fun wolo Kàfɔw Zyezu Kirisi cángi na.

Heburubèle 3:14

Níì cán tágali li da sélì pye wolo ma lè, wolo ga li sámaga n cò n taa n sáà nan gi kwɔ́ɔmi na, wolo i nyɛ Kirisi pínɛnyɛ̀nnɛ,

Heburubèle 3:6

Kàjáa Kirisi i nyɛ Jaafɔlɔ, wi i nyɛ tágala syɔ́ɔn Kolocɔlɔɔ kpáagi nyúngo na. Wolo si i nyɛ wi kpáagi, kapye wolo n tágali sámaga n cò, ní i nyɔ̌ngbɔɔlɔ táanri wolo sɔ̀ngumi tɛɛtaʔaga báriga ni.

Heburubèle 6:11

Wolo si i caa yele myɛ nibin nibin í pínɛ da ŋàʔaná gbanʔama bi taa sa nan ki kwɔ́ɔmi na, jàngó gee na yele yele sɔ̀ngumi taʔa lè, yele í ki myɛ taa.

1 Pyɛri 1:13

Koro na ye nìrimɛ le yeyɛɛ ni, yé yeyɛɛ cǒmi cán, yé wɔ́ɔ yele sɔ̀ngumi myɛ taʔa kpɔ́ʔɔri na, dee yele a ba taa lè Zyezu Kirisi tɛ̀ɛ́nni làla ni.

1 Zyan 4:19

Wolo si na, wolo i tàmaga nii, níì cán woro wi sélì tàmagi le ní wolo ní.

Tɛ̀ɛnnɛ 1:5

Zyezu Kirisi í wɔ́ɔ di kaan yele ma, wi nyɛ lè séerafɔjǎnw, woro wee wi nyán n yiri kúbèle nínge ni lè wozeliw, ní wɔ́ɔ i nyɛ dulunyanw fànʔafɔɔlɔ Fanʔafɔlɔ! Woro wee wi tàmaga le ní wolo ní lè níì wolo kapeegèle yapwɔɔrɔ sánʔana wolo na wi sìsyaanw wolo báriga ni,