Zyan 10:4 - Cebaara Bible 2010

⁴ Wi ga pe myɛ kɔ́ri n yirige n kwɔ́ɔ, wi n kíni pe yɛ́ɛgi na ni syée. Pe n taʔa wi na ni syée wi kurugo, níì cán pe n wi yákpoli cán.

Zyan 10:4 Iomraidhean Croise

Ŋúnudaangi 2:8

Mii nànnidaanmaw yákpolo lii! Wi wéle wee, wi i maa, wi i yegi nyanbeleyi na ni maa, ni yegi ni yìrigí dǎndamayi na ni maa.

Ŋúnudaangi 5:2

Mii maa ni ŋúnɔ mii fúngi si i nyɛ nyɛ̀nɛ na, mii i kɔ̀rigi kólomɔ lúro mii nànnidaanmaw ma, a wi jo: «Ki múgu mii ma, ni senyɛnjaà, ní ni pínɛnyɛnjaa, mii kàtoli, ní mii wonyɔɔ-mí-forow! Níì cán kásagi n mii nyúngi tɔ́n, yébiligi lòsɔ̄lɔgéle n mii ǹjoori nyíngi.»

Matye 16:24

Lǎli bee ni a Zyezu gi joo wi pìitamabèle ma níì jo: «Syɔ́ɔnwee faala wi ga ni caa bi taʔa mii na lè, ki n yɛlɛ wi wi nyɛnɛ kérigèle yaʔa wi wi tiiparigi láa waa maa mii kurugo.

Zyan 10:16

Bǎbèle pèle si ní i yaà mii ma, pe o nyɛ bàkpogi naa wòolo í. Ki n yɛlɛ mii í wɔ́ɔ sa bele bee kɔ́ri pan. Poro a wɔ́ɔ ba mii yákpoli cán, lǎli bee ni pe myɛ a ba pínɛ pye bàtogo nibin, bànaʔaɔ nibin si wɔ́ɔ pye be na.

Zyan 10:27

Mii bǎbèle n mii yákpoli cán, a mii wɔ́ɔ̀ be cán. Pe i taari mii na.

Zyan 10:3

Wee bee má bàkpoweeli wélefɔlɔ bàkpogi múru, a bǎbèle wɔ́ɔ̀ wi yákpoli cán. Wi i wi tiimaa bǎbèle yiri mɛ́ɛyɛ na ní i be kɔ́ri ni yirigi bàkpogi ni.

Zyan 10:5

Pe o téē taari nibɔɔn na í. Alí pe i fé nibɔnbèle na, níì cán pe ga be yákpogèle cán í.»

Zyan 10:8

Bele be pan lè mii yɛ́ʔɛ na, poro myɛ i nyɛ kàyuubēle, ní wɔ́ɔ i nyɛ kàyuu-fànʔafɔɔlɔ. Kàjáa bǎbèle da ni lúro bele bee wàa ma í.

Zyan 12:26

Syɔ́ɔnwee faala ga ni caa lè bàā mii fáliw kpéʔele, ki n yɛlɛ wi taʔa mii na, tɛ́ɛgee ni mii ga pye lè, mii falipyew a wɔ́ɔ pye nɛɛ bee. Syɔ́ɔnwee wi mii fáliw kpéʔele lè, mii Tóow a ra wee bee wɔ̀ʔɔrɔ́.»

Zyan 13:15

Níì cán gee mii kpéʔele lè, a mii gi kpéʔele n tɛ̀ɛn yele na wii, koro ga pye yele í wɔ́ɔ ra gi kpéʔele yeyɛɛ na, àmɛɛ mii gi kpéʔele lè yele na.

Zyan 18:37

A Pilati wi pye: «Ba fànʔafɔlɔ lé mɔ nyɛ?» A Zyezu wi yari: «Amɛɛ mɔ gi joo lè, ànbée gi nyɛ, mii i nyɛ fànʔafɔlɔ. Mii seeli nyúngo, ní mii kapanni nyúngo gi nyɛ dulunyanw ni bi ba ra kányɛɛgi séera kpéʔele. Syɔɔn o syɔɔn wi nyɛ lè kányɛʔɛfɔlɔ, wee bee i lúro mii ma.»

Zyan 3:29

Wee má cefɔnw nyɛ lè, woro wi céw fɔ́lɔ. Kàjáa céw bee fɔ́lɔ tàannyɛnnɛ wi nyɛ wi taana lè, ní i líiyi cáan wi ma, fundaangbɔɔrɔ i nyɛ wee bee ma cefɔnw fɔ́lɔ syɛɛnjóoro báriga ni. Fundaanri bee si di nyɛ mii ni n foro.

1 Korɛnti ye 11:1

Yaa mii tɛ́ɛlɛ àmɛɛ mii tiimaa Kirisi tɛ́ɛlɛ lè.

Efɛzi ye 5:1

Ki n yɛlɛ yele í da Kolocɔlɔɔ tɛ́ɛlɛ àmɛɛ yele nyɛ lè wi pìinidaanmabéle,

Làlwaw Kaanziin 1:30

Yawe yele Kolocɔlɔw wi syée yele yɛ́ɛgi na lè, woro tiimaa wi a kapɛɛnni kpúmɔn kaan yele ma, bi yɛlɛ ní gee myɛ ní wi kpéʔele yele ma lè yele nyɛ́nɛ na, Ezyipiti ni,

Heburubèle 12:2

Ki n yɛlɛ wolo í wolo nyapiigèle le Zyezu ni wi lè wolo tágali sélimɛfɔlɔ ní li forofɔw. Amɛɛ wi nyɛnɛ da pye lè fundaanri na, dee Kolocɔlɔɔ da tɛ́ʔɛ wi yɛʔɛ̀ ma lè, koro na wi kpàraco níì kùu tiiparigi na, wi ga gi córo fɛ̀ɛrɛ kéele í, koro kàdoʔo ma a wi sáà tɛ́ɛn Kolocɔlɔɔ fàngoli kàliige ma.

Heburubèle 6:20

beè yɛɛ̀kiniw jée lè wolo kéeli na, wi lè Zyezu, woro wee wi baa pye lè kwɔ́ɔmɔ fun sáriga-wòlobèle kàfɔlɔ n yɛlɛ ní Mɛlikizedɛki félegi ní.

1 Pyɛri 2:21

Gee bee kánma na Kolocɔlɔɔ da yele yeri, níì cán Kirisi n wɔ́ɔ̀ wɔʔɔ yele sìndɛɛgi ni jàngó gee bee í pye yele ma fɛ̀ɛ, koro ga pye yele í da táanri wi tùluyi ni.

1 Pyɛri 4:1

Koro na àmɛɛ Kirisi da wɔʔɔ lè céri ni, ki n yɛlɛ yele í sɔ̀nguri bee wonijanra yaʔa di pye yele kapɛɛnkpumɔn-yáriri. Níì cán syɔ́ɔnwee wi wɔʔɔ lè céri ni, wee bee n láʔa kapeegèle na,

1 Pyɛri 5:3

Bele Kolocɔlɔɔ kàlifáa yele ma lè yele a kɔ́ ra fànʔa cáan be na í, fwɔɔ yele í pye fɛ̀ɛ bàtogi ma.