Zyan 10:3 - Cebaara Bible 2010

³ Wee bee má bàkpoweeli wélefɔlɔ bàkpogi múru, a bǎbèle wɔ́ɔ̀ wi yákpoli cán. Wi i wi tiimaa bǎbèle yiri mɛ́ɛyɛ na ní i be kɔ́ri ni yirigi bàkpogi ni.

Zyan 10:3 Iomraidhean Croise

Ŋúnuyi 80:1

Ŋúnuŋùúbèle kùndigi wóʔo. «Séeraw nyàáfyɛɛnrɛ na.» Azafi ŋúnugi.

Yirile 33:17

A Yawe Mowizi pye: «Syɛ́ɛnri naa mɔ joo lè, mii a wɔ́ɔ di foro níì cán mɔ n kacànna taa mii ma, a mii wɔ́ɔ̀ mɔ cán mɔ mɛ́ɛgi na.»

Kàseegèle 27:23

Ŋàʔana mi mɔ yaweeyiligèle kánma cán, da mɔ yaweeri gboogéle kɔ̀rɔsíi.

Ŋúnudaangi 8:13

Mɔ wee wi nyɛ lè nángwɔɔbèle kòrofɔjaa! Tàannyɛ̀nnɛ i líiyi cáan ni mɔ yákpoli lúro. Li yaʔa mii í li lóʔo!

Ezayi 40:11

Wi a ra wi bàtogi nàʔá àmɛɛ bànaʔaɔ nyɛ lè, wi a ra bàpiigèle kpóʔoro ní wi kɔ́gi ní, sáā ge lée da taari wi fìcibigi na. Wi a ra bànɔɔbèle kɔ́ri bàā syée yɛ́rirɛ, bele má pìíbèle ŋɔri lè.

Ezayi 42:16

Mii a fúunbèle yaʔa paa táanri kologaa ni, gee gi lè pe da gi cán í, mii a be yɛ́ɛgi kíni kobiigèlē ni, gele pe da tée lè. Mii a yébilimi kàriga gbɛ̀ɛnmɛ pe yɛʔɛ̀ ma, si tɛɛ̀gbóʔolo-gboʔoloyi kàriga tɛɛ̀fála-falaya. Gee bee mii a tɔ̀nɔ́ kpéʔele, mii a tɔ̀nɔ́ be wáa yaʔa í.

Zyan 10:14

Mii si wi nyɛ bànaʔacǎnw. Mii n mii bǎbèle cán, a mii bǎbèle wɔ́ɔ̀ mii cán,

Zyan 10:16

Bǎbèle pèle si ní i yaà mii ma, pe o nyɛ bàkpogi naa wòolo í. Ki n yɛlɛ mii í wɔ́ɔ sa bele bee kɔ́ri pan. Poro a wɔ́ɔ ba mii yákpoli cán, lǎli bee ni pe myɛ a ba pínɛ pye bàtogo nibin, bànaʔaɔ nibin si wɔ́ɔ pye be na.

Zyan 10:4

Wi ga pe myɛ kɔ́ri n yirige n kwɔ́ɔ, wi n kíni pe yɛ́ɛgi na ni syée. Pe n taʔa wi na ni syée wi kurugo, níì cán pe n wi yákpoli cán.

Zyan 10:9

Mii si wi nyɛ bàkpoweeli. Wee faala wi ga jée mii ni lè, wee bee a syɔɔ. Woro a ra jǐn sáā lúrugu da yirigi, sáā nyàácànga taagi da káa.

Zyan 6:37

Bele Tofɔw kaangi mii ma lè, bele bee myɛ a ra maa mii ma, syɔ́ɔnwee wi ga pan mii ma lè, mii a tée wee bee nɛnɛ yirige kàfugi na í.

Zyan 6:45

Kanyaajoobèle maa syɛɛnraa sɛ́bɛ, a di jo: ‹Kolocɔlɔɔ a syɛ́ɛnbèle myɛ tama.› Syɔ́ɔnwee faala wi ga ni Tofɔw syɛ́ɛnrɛ lúro lè, níì fɔ̀lɔ wi tamani na, wee bee a pan mii ma.

Wɔrɔmi ye 8:30

Bele kéele wi da kɔ̀rirɔ n tímana lè, a wi bele bee yeri. Bele si wi yeri lè, a wi wɔ́ɔ̀ sínni kaan be ma, bele má wi sínni kaan lè, a wi wɔ́ɔ̀ nìjangbɔɔri taʔa be na.

1 Korɛnti ye 16:9

Níì cán Kolocɔlɔɔ n kɔ̀rikpɔʔɔ sámaga n múgu mii ma fáliw kéele na, á kàsiitun-nyɛ́nbèle si nɛʔɛ.

Filipikaʔa ye 4:3

Mii wɔ́ɔ i mɔ nyɛ́ɛri, mii falipyenyɛnw, mɔ wi lè tágala syɔ́ɔn, maa cébèle bee dɛ̀ɛmɛ́. Níì cán pe maa pínɛ ní mii ní Syɛɛnjóocǎnri kapɛɛnkpumɔnrɔ na, n fàra Kilema, ní mii falipyenyɛn-zanbèle na, bele mɛ́ɛyɛ yi sɛ́bɛ lè sìíw sɛ́bɛ ni.

Kɔlɔsi ye 4:3

Ki n yɛlɛ ye wɔ́ɔ yaa nyɛ́ɛri wolo kéeli na, koro ga pye Kolocɔlɔɔ í kpàánweele múgu wolo ma syɛ́ɛnri joolo kéele na, jàngó wolo í da Kirisi kalarali kéele nyuu, loro lee kéele na pe mii pwɔɔ lè,

2 Timɔte 2:19

Koro ní ki myɛ ní kàpɔɔnwee Kolocɔlɔɔ sámaga n le lè, wee bee sèʔé i yaà. Pe n fɛ̀ɛ taʔa wi na. Fɛ̀ɛ́w bee syɛ́ɛnrɛ n jo: «Kàfɔw n wi wóbèle cán,» ní níì jo: «Syɔɔn o syɔɔn wi Kàfɔw mɛ́ʔɛ yiri lè, ki n yɛlɛ wee bee í láʔa kakolobyeri na.»

1 Pyɛri 1:12

Kolocɔlɔɔ si maa gi tɛ̀ɛn be na ncan kérigèle bee pe da ni nyuu lè, pe da ni ge nyuu peyɛɛ kéeli na í, fwɔɔ yele kéeli na. Syɛɛnjóocǎnri joofɔɔlɔ si n náa baa kérigèle bee joo yele ma tɔ́ɔliw ni Pìicǎnni báriga ni, lee Kolocɔlɔɔ yìrige lè nyɛ̀ʔɛni na n tórigo naa, ki láagi i nyɛ nyɛ̀ʔɛni tundunbéle na gbanʔama bi kérigèle bee fílige cán.

1 Zyan 4:6

Wolo si na, wolo i nyɛ Kolocɔlɔɔ wòolo. Wee wi Kolocɔlɔɔ cán lè, wee bee i lúro wolo ma. Wee si wi lè wi o nyɛ Kolocɔlɔɔ wóo í, wee bee o lúro wolo ma í. Kánmi bee na wolo kányɛɛgi Pìle ní pùununi pìle cángi ni láʔala keyɛɛ na.

3 Zyan 1:14

Mii i sɔ̀ngí cɛɛri ga pye mii í sa mɔ nyaa wo pínɛ wo joo ní woyɛɛ ní.

Tɛ̀ɛnnɛ 20:15

Syɔ́ɔnwee mɛ́ʔɛ ga pye ki ga nyaa wozɛbɛgɛ ní sìíw sɛ́bɛ ni lè í, pe n wee bee fɔ́lɔ wáa naakpɔɔgi ni.

Tɛ̀ɛnnɛ 3:20

Wéle, mii n yére kpaaweeli taana ní i li kólo. Wee wi ga mii yákpoli lóʔo lè níì kpaaweeli múgu, mii a jée woro ma sa lìi ní wi ní, woro si wɔ́ɔ lìi ní mii ní.

Tɛ̀ɛnnɛ 7:17

Níì cán Bàpilee li nyɛ lè fàngoli nínge ni, loro li a ra be nàʔá, sáā syée ní be ní sìíw pùnweegéle ma, Kolocɔlɔɔ si a nyatinmi myɛ tùuni bi láʔa pe yɛ́ɛyi na.»