Zyan 10:2 - Cebaara Bible 2010

² Wee si wi jǐn bàkpoweeli ni lè, woro wi nyɛ bànaʔaw.

Zyan 10:2 Iomraidhean Croise

Ŋúnuyi 23:1

Davidi ŋúnugi. Yawe wi nyɛ mii nàʔafɔw mii a tée fɔ̀n yafyɛn ni í.

Ŋúnuyi 80:1

Ŋúnuŋùúbèle kùndigi wóʔo. «Séeraw nyàáfyɛɛnrɛ na.» Azafi ŋúnugi.

Syɛɛnjóow 12:11

Sícilibèle syɛ́ɛnrɛ i nyɛ àmɛɛ ŋaafirigeye nyɛ lè, kérigèle sɛ́bɛfɔɔlɔ i nyɛ àmɛɛ ŋaaya nyɛ, yee be sámaga n kóri lè. Bànaʔaɔ nibin yakanʔa gii.

Ezayi 40:11

Wi a ra wi bàtogi nàʔá àmɛɛ bànaʔaɔ nyɛ lè, wi a ra bàpiigèle kpóʔoro ní wi kɔ́gi ní, sáā ge lée da taari wi fìcibigi na. Wi a ra bànɔɔbèle kɔ́ri bàā syée yɛ́rirɛ, bele má pìíbèle ŋɔri lè.

Ezayi 63:11

Lǎli bee ni a wi syɛ́ɛnbèle sɔ̀ngi n taa booma cányi kéele na, ní Mowizi kéeli na wi pye lè wi falipyew, níì jo: «Sán wi nyɛ, wee wi wi bàtogi ní gi nàʔafɔbèle kíle n yirige sólomi lɔ̀ʔɔ ni lè? Sán wi nyɛ, wee wi wi Pìicǎnni lége be níngi ni lè?

Ezekyɛli 34:23

Mii a bànaʔaɔ nibin télege be na, wi a ra be nàʔá, woro wi nyɛ mii falipyew Davidi, woro wi a ra be nàʔá, wi a pye be bànaʔaw.

Misye 5:5

Pe a ra Asirii tári kàragí ní ŋɔséew ní, ní Nimurɔdi tári ní, di fungomaw kpàánweegéle ni. Kánmi bee na lǎli ni Asirii ye wów ga pan n baa jée wolo tári ni lè, wi a wolo syɔɔ wi ma.

Zakarii 11:3

Bànaʔabèle cɛ́ɛnmɛ i lúro, níì cán pe nìjanri n kálagi. Càarabiiyi kaanama i lúro, níì cán Zyuridɛn nɛ̀ɛnyɛnɛgi n kálagi.

Zakarii 11:5

Bele be be syoo lè, pe i be kɔnɔgi, wɔʔɔlɔ si o nangi be na í. Bele be be pára lè, pe myɛ nibin nibin i gi nyuu níì jo: ‹Yawe n yɛlɛ waa wi kpɔ̀ʔɔrɔ́ níì cán mii n lɔrɔ taa!› Pe nyínimi ga téè be nàʔafɔwaa taa í.

Zakarii 11:8

Mii n bànaʔabèle taanri láʔa yaà yeʔe nibin fúngo ni. Mii da níì pye bi gbǎn be kpàraco í, mii láagi maa wɔ́ɔ̀ wòlo be ni.

Zakarii 13:7

«Ŋɔsée, yìri mii bànaʔaw kánma na, ní nǎnw kánma na wi lè mii pínɛnyɛnw!» Yawe wi lè Nyɛ̀ʔɛni Sùlasiibéle Kafɔlɔ woro wi jo nya. «Bànaʔaw kpúmɔn mi kpóo bǎbèle si cariga fala. Mii si a mii kɔ́gi kàriga wobiigèle kàbaan na.»

Matye 15:11

Toro di nyɛ ncan yarigaa a gbǎn jée syɔɔn nyɔ́ɔgi ni bi wi nɔ́nʔɔ í. Fwɔɔ gee gi yirigi lè wi nyɔ́ɔgi ni, gee bee gi wi nɔ́ɔnri.»

Zyan 10:14

Mii si wi nyɛ bànaʔacǎnw. Mii n mii bǎbèle cán, a mii bǎbèle wɔ́ɔ̀ mii cán,

Zyan 10:7

Gee bee na Zyezu níì be pye: «Mii a tɔ̀nɔ́ gi joo yele ma kányɛʔɛ ni, mii wi nyɛ bàkpoweeli.

Zyan 10:9

Mii si wi nyɛ bàkpoweeli. Wee faala wi ga jée mii ni lè, wee bee a syɔɔ. Woro a ra jǐn sáā lúrugu da yirigi, sáā nyàácànga taagi da káa.

Kapyegèle 20:28

Yaa yeyɛɛ kɔ̀rɔsíi, ye wɔ́ɔ yaa bǎbèle myɛ kɔ̀rɔsíi, bele yɛ́ʔɛ na Pìicǎnni yele kínige lè, jàngó yele í pye Kolocɔlɔɔ Egiliziw nàʔafɔɔlɔ, wee wi syɔɔ lè wi tiimaa sìsyaanw báriga ni.

1 Timɔte 4:14

Fundoori Pìicǎnni kaan mɔ ma lè, ki ga yɛlɛ mɔ í di faʔa í. Mɔ n di taa kanyaajoori báriga ni, lǎlee ni yɛɛ̀kinibèle da kɔ́yi taʔa mɔ nyúngi na lè.

Tiiti 1:5

Kéelee na mii mɔ yaʔa lè Kirɛti ni, loro li nyɛ kasangèle ke da kòro lè sìnjɔɔnri ni, mɔ í da gele bee cɔɔnri, si wɔ́ɔ Egilizibèle wólɛɛbéle télege télege kěyi myɛ ni, àmɛɛ mii da gi joo n gbàn mɔ ma lè níì jo,

Heburubèle 13:20

Kolocɔlɔɔ wi nyɛ lè fûnnyingi kaanfɔlɔ, woro wee wi wolo Kàfɔw Zyezu nyán n yirige kúbèle nínge ni lè, jàngó wi pye bǎbèle nàʔafɔgbɔɔɔ kwɔ́ɔmɔ fun joogaanni sìsyaan báriga ni,

1 Pyɛri 2:25

Níì cán yele maa ni curugu ni máari àmɛɛ bàala nyɛ lè, kàjáa tɔ́ɔliw ni yele n lúru n pan yele pìígèle Nàʔafɔlɔ, ní ge Kɔ̀rɔsiifɔw ma.

1 Pyɛri 5:4

Lǎli ni bànaʔabèle Kàfɔlɔ ga baa wiyɛɛ dɛ̀ɛn lè, wi a bàngwɔɔ nìjangbɔɔrɔ taʔa yele na, ti pye yele ma kpɔʔɔrɔ.

Tɛ̀ɛnnɛ 1:20

Ŋɔripiigèle kɔrɔsiin mɔ nyaa lè mii kàliige kɔ́gi ni, ní tɛ́ɛw fètindaʔagéle kɔrɔsiin ní, ke kalarali wéle lee, ŋɔripiigèle kɔrɔsiin i nyɛ Egilizibèle kɔrɔsiin tundunbéle, fètindaʔagèle kɔrɔsiin si i nyɛ Egilizibèle kɔrɔsiin.