Zyan 10:1 - Cebaara Bible 2010

¹ «Mii a tɔ̀nɔ́ gi joo yele ma kányɛʔɛ ni, syɔ́ɔnwee wi ga ni caa lè bi jée bàkpogi ni, wi si ga jée bàkpoweeli ma í, níì lúgu kàkɔlɔgi na n jée yaà, wee bee i nyɛ kàyuuo ní wɔ́ɔ i nyɛ kàyuu-fànʔafɔlɔ.

Zyan 10:1 Iomraidhean Croise

Zyeremii 14:15

Koro na Yawe syɛ́ɛnri naa joo kanyaajoobèle kéele na, poro bele be kérigèle nyaagi ni nyuu mii mɛ́ɛgi na lè, bi gi taa mii ga be tun í, pe i gi nyuu níì jo: Ŋɔsée, wàlá kateʔe a too tári naa na í, ŋɔséew, ní kateekpɔɔgi a kanyaajoobèle bee kpóo.

Zyeremii 23:21

«Mii ga kanyaajoobèle bee tun í, á be fàn n kári. Mii ga joo be ma í, á be sáà kérigèle nyaa n joo.

Zyeremii 23:32

«Mii i cáan ní bele ní pe jànvaa ŋúnɔyi kanyaajooro kpéʔele lè, poro bele be yi nyuu ni tèé lè ní i mii syɛ́ɛnbèle pùuní ní be jànvaaw, ní be nɛ̀ɛgbɔʔɔgi syɛ́ɛnrɛ ní,» Yawe wi jo nya. «Mii na, mii ban wi be tun í. Mii ga yafyɛn joo n gbàn be ma í, pe o nyɛ bi gbǎn yafyɛn nyɔɔ syɛ́ɛnbèle naa na í,» Yawe wi jo nya.

Zyowɛli 2:9

Pe i fùurí ni tɔ́ngi kěgi na, ni fé tǒw na ni lúru ni jǐn kpáayi ni, ni jǐn fɛ̀nɛtiribèle na àmɛɛ kàyuuo nyɛ lè.

Matye 7:15

«Ki n yɛlɛ yaa yeyɛɛ kɔ̀rɔsíi kanyaajoo-fáanabèle na, bele be bàsaliyi nii lè ni maa yele ma, bi gi taa be fúnyi i nyɛ àmɛɛ solomikaara fúnyo nyɛ lè, dee kateegi sámaga n jáa lè.

Zyan 10:7

Gee bee na Zyezu níì be pye: «Mii a tɔ̀nɔ́ gi joo yele ma kányɛʔɛ ni, mii wi nyɛ bàkpoweeli.

Zyan 3:3

A Zyezu wi pye: «Mii a tɔ̀nɔ́ gi joo mɔ ma kányɛʔɛ ni, kapye pe ga syɔ́ɔnwee séli n see lè kavɔn í, wee bee a gbǎn Kolocɔlɔɔ fǎngi nyaa í.»

Wɔrɔmi ye 10:15

Kapye wàa ga kanyaajoobèle tun í, mɛ̀ɛ́ pe a sa ra wi kéeli nyuu bi sɛ́ɛ? Amɛɛ gi sɛ́bɛ lè níì jo: «Bele be Syɛɛnjóocǎnri nyuu lè, bele bee nyɔ̌ndanʔana n tɔ̀nɔ n nyɔɔ.»

Wɔrɔmi ye 16:18

Níì cán syɛ́ɛnbèle bee félege o báara wolo Kàfɔw Kirisi ma í, pe tiimaa fícarigèle má be báara. Syɛ́ɛnbèle bele be nyɛ lè pe ga kɔ́ɔ̀ kapeegèle ní kacǎngèle cán n láʔala keyɛɛ na í, pe i bele bee fáana ni pùuní ní be lɛ́ɛlɛgi syɛ́ɛnrɛ, ní be jànvaaw syɛ́ɛnrɛ ní.

Tiiti 1:11

Fwɔɔ wo be nyɔ́ɔyi tɔ́n, níì cán pe i narigbaapoyaa nyáʔami àmɛɛ be yi syɛ́ɛnbèle tama lè kérigèle kèle na gele ge lè ke ga yɛlɛ í, pe i gee bee kpéʔele tɔ̀nɔw kánma na wee wi pee lè.

Heburubèle 5:4

Syɔɔn faala a gbǎn jée kpɔɔmɔ fáliw bee ni wiyɛɛ ma í, fwɔɔ Kolocɔlɔɔ ga wee yeri lè, àmɛɛ wi da Aarɔn yeri lè.

1 Pyɛri 1:10

Kanyaajoobèle bele pe da ni nyuu lè kpɔ́ʔɔri kéele na, dee Kolocɔlɔɔ baa kaan yele ma lè, bele bee maa ni syɔɔli bee kéele sɛʔɛ ni wéle gbanʔama, ní i li kɔ́rɔw caa ní lòmaana ní.

2 Pyɛri 2:1

Amɛɛ si kanyaajoo-fáanabèle da pye yaà lè syɛ́ɛnbèle nínge ni, kánmi bee na tamafɔ-váanabèle a wɔ́ɔ ba pye yele níngi ni. Pe a kálagili jànvaa tamana lége yele níngi ni làrama ni, si Kàfɔgbɔɔw cée, wee wi be syɔɔ lè, si pye peyɛɛ na sábabu kálagili si ba foó too be na.

2 Pyɛri 2:3

Pe a jànvaa syɛ́ɛnri tɛ́ʔɛ bi yele kpéʔele be jàgi-yárira be nyabɛɛnni kéele na. Kútiiw Kolocɔlɔɔ ceri be na lè nlaa yaà làridɔɔnnɔ ni, wee bee i nyɛ kólogi na n kwɔ́ɔ, pe kálagili si wɔ́ɔ i nyɛ̀nɛ na ni be sige.

1 Zyan 4:1

Mii syɛɛn-nidaanmabèle, ki ga yɛlɛ yele í da tági pìígèle myɛ syɛ́ɛnrɛ na í. Ki n yɛlɛ yaa pìígèle sɛʔɛ yaa wéle jàngó bi gi cán kapye Kolocɔlɔɔ má ge yìri, níì cán kanyaajoo-fáanabéle saʔa n cariga dulunyanw ni.