Zyan 1:7 - Cebaara Bible 2010

⁷ Wi maa pan n baa pye séera, koro ga pye bàā Gbɛ̀ɛ́nmi kéele nyuu, jàngó syɛ́ɛnbèle myɛ í tága wi jooli báriga ni.

Zyan 1:7 Iomraidhean Croise

Malasyii 3:1

«Wéle, mii a mii tundunw tun. Wi a sa kologo wòlo mii yɛ́ʔɛ ma. Kàfɔw a ba foo jée wi kpɔ̀ʔɔrɔli kpaʔa ni woro wee yele caa lè. Joogaanni tunduɔn kéele li nyɛ yele fúnyi ni lè, woro wi maa wee,» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Zyan 1:12

Koro ní ki myɛ ní bele be fɔ̀lɔ wi na lè níì tága wi mɛ́ɛgi na, a wi séew kaan bele bee myɛ ma, poro í náa pye Kolocɔlɔɔ pìibēle.

Zyan 1:15

Zyan wi da pye wi séeraw, ní i yákpoli wáa ni gi nyuu níì jo: «Wee kéele mii da joo lè níì jo wi i maa mii kàdoʔo ma lè, woro wi nyɛ wee naa, wi n kpɔ́ʔɔ n sɔ̀lɔ mii na, níì cán sáni pe mii see lè wi maa téè pye yaà.»

Zyan 1:19

Séeraw naa Zyan kpéʔele lǎli ni Zyefubèle da sáriga-wòlobèle pèle ní Levii ye wóbèle pèle yìrige lè Zyerusalɛmi ma n tun wi ma níì jo be sa wi yíbe, wee woro nyɛ lè.

Zyan 1:36

Lǎli ni wi Zyezu nyaa wi i sɔ̀lɔ́ lè, a wi i wi wéle ní kɔ́ɔ̀ jo: «Ye wéle, Kolocɔlɔɔ Bàpili li nyɛ lee naa.»

Zyan 1:9

Gbɛ̀ɛ́nmi wodelemɛ bi pye, bee bi pan lè dulunyanw ni, ní i nyín syɛ́ɛnbèle myɛ ma.

Kapyegèle 19:4

A Pɔli be pye: «Zyan maa ni syɛ́ɛnbèle batize àmɛɛ be kàdoʔo wáa lè be kapeegèle ma. Wi si maa ni gi nyuu be ma níì jo wee wi maa woro kàdoʔo ma lè pe tága wee bee na, gee bee n jo Zyezu na.»

Galasi ye 3:26

Níì cán àmɛɛ yele tága Kirisi Zyezu na lè, yele myɛ i nyɛ Kolocɔlɔɔ jàala tágali báriga ni.

Efɛzi ye 3:9

mii si wɔ́ɔ ra kalarali fáli kpéʔele bi li yirige gbɛ̀ɛ́nmi na, Kolocɔlɔwee wi yáriri myɛ faan lè, wi maa kalarali bee làriga wi fúngi ni nlaa yaà làridɔɔnnɔ ni,

1 Timɔte 2:4

Wi i caa syɛ́ɛnbèle myɛ í syɔɔ, si kányɛɛgi myɛ cán.

Tiiti 2:11

Kolocɔlɔɔ n wi kpɔ́ʔɔri tɛ̀ɛn jàngó syɛ́ɛnbèle myɛ í syɔɔli taa.

2 Pyɛri 3:9

Kàfɔw o mɔngi wi nyɔɔfaligi forolo na àmɛɛ pèle gi sɔ̀ngí lè í, kàjáa wi i kpàracogo kpéʔele yele kéeli na. Wi o caa wàa faala í kálagi í, níì cán wi i caa pe myɛ í ba kàdoʔo wáa be kapeegèle ma.