Zyan 1:4 - Cebaara Bible 2010

⁴ Woro ni sìíw da pye, á sìíw pye gbɛ̀ɛnmɛ syɛ́ɛnbèle ma.

Zyan 1:4 Iomraidhean Croise

Ŋúnuyi 49:6

Nyàʔá na mii a ra fɛ̀ɛgí wɔʔɔgi canya na, lǎli ni mii kàsiitun-nyɛ́nbèle kolomɔ ga mii le nínge lè?

Ŋúnuyi 84:11

Bi canʔa nibin kwɔ́ɔ mɔ kpɔʔɔrɔli kpaʔa kàcoolo kadàagēle na, koro n pɔ́rɔ n sɔ̀lɔ canya saala kagunɔ kwɔ́ɔlɔ na tɛɛgaa nikwɔɔ ni. Bi yére mii Kolocɔlɔw kpaʔa kpaaweele na, mii n koro fúngo cán n sɔ̀lɔ tɛ́ɛnni na syɛɛnpeebèle fànikpaaya ni.

Ezayi 42:16

Mii a fúunbèle yaʔa paa táanri kologaa ni, gee gi lè pe da gi cán í, mii a be yɛ́ɛgi kíni kobiigèlē ni, gele pe da tée lè. Mii a yébilimi kàriga gbɛ̀ɛnmɛ pe yɛʔɛ̀ ma, si tɛɛ̀gbóʔolo-gboʔoloyi kàriga tɛɛ̀fála-falaya. Gee bee mii a tɔ̀nɔ́ kpéʔele, mii a tɔ̀nɔ́ be wáa yaʔa í.

Matye 4:16

syɛ́ɛnbèle be nyɛ lè wodɛ́ɛnbéle ní yébilimi ni, pe n gbɛ̀ɛngbɔɔmɔ nyaa. Ní bele be tɛ́ɛn lè kùúw tɛ́ʔɛ ni, ní wi nyínmi láara ni, gbɛ̀ɛ́nmi n yiri n nan bele bee na.»

Luki 2:32

Li a pye gbɛ̀ɛnmɛ bàā kányɛɛgi tèé dulunyanw syɛɛnfeleye na. Si nìjangbɔɔrɔ kaan mɔ syɛ́ɛnbèle ma be nyɛ lè Isirayɛli ye.»

Zyan 11:25

A Zyezu wi pye: «Jo mii tiimaa si wi nyɛ nyán-yirili ní sìíw fɔ́lɔ. Syɔ́ɔnwee wi ga tága mii na lè, àlí wi ga wírè kùu, wi a nyán.

Zyan 12:35

A Zyezu be pye: «Gbɛ̀ɛ́nmi sèʔé i naa yele níngi ni bi làla cɛɛri kwɔ́ɔ. Amɛɛ si gbɛ̀ɛ́nmi nyɛ lè yele ma lǎli naa ni, ki n yɛlɛ yaa táanri bi na, koro ga pye yébilimi a kɔ́ yele nɛnɛ taa í. Níì cán syɔ́ɔnwee wi táanri lè yébilimɛ ni, wi o wi kàbangárigi cángi í.

Zyan 12:46

Mii i nyɛ gbɛ̀ɛnmɛ, níì pan dulunyanw ni, koro ga pye syɔ́ɔnwee faala wi ga tága mii na lè, wee bee a ní kòro yébilimɛ ni í.

Zyan 14:6

A Zyezu wi yari: «Jo mii si wi nyɛ kólogi, ní kányɛɛgi, ní sìíw. Syɔɔn faala a gbǎn nan Tofɔw na mii kàdoʔo ma í.»

Zyan 3:19

Wee naa wi nyɛ kútiiw, gbɛ̀ɛ́nmi n pan dulunyanw ni, koro ní ki myɛ ní a yébilimi baa syɛ́ɛnbèle dɛ́nɛ n sɔ̀lɔ gbɛ̀ɛ́nmi na, níì cán be kapyegèle ga nyɔɔ í.

Zyan 5:21

Amɛɛ Tofɔw kúbèle nyángi ni wéegi kánmee na lè, ànbée Jaafɔw wɔ́ɔ̄ sìíw kaangi wi nyɛnɛ wóbèle ma.

Zyan 5:26

Níì cán àmɛɛ Tofɔw Kolocɔlɔɔ nyɛ lè sìi na wiyɛɛ ma, ànbée wi wɔ́ɔ̀ gi kpéʔele Jaafɔw ma wi wɔ́ɔ pye sìi na wiyɛɛ ma,

Zyan 8:12

Lǎli bee ni a Zyezu níì séli ni nyuu ní syɛ́ɛnbèle ní níì jo: «Mii wi nyɛ dulunyanw gbɛ̀ɛnmɛ. Syɔ́ɔnwee wi ga taʔa mii na lè, wee bee a tée tánʔa yébilimɛ ni í, níì cán wi a sìíw gbɛ̀ɛnmɛ taa.»

Zyan 9:5

Amɛɛ mii naa lè dulunyanw ni lǎli naa ni, mii i nyɛ dulunyanw gbɛ̀ɛnmɛ.»

Kapyegèle 26:23

Pe maa jo Kirisi a ba wɔʔɔ bi kùu si nyán yiri kúbèle nínge ni wozeliw, sáā gbɛ̀ɛ́nmi kéele nyuu da tèé wolo syɛ́ɛnbèle ní syɛɛnfeleyi wozanya na.»

1 Korɛnti ye 15:45

Gee bee na gi sɛ́bɛ níì jo: «Syɛɛnseliw wi lè Adami, wi n baa pye syɛɛnweeo,» Adami wozanw si i nyɛ pìle, ní i nyɛ sìíw kaanfɔlɔ.

Efɛzi ye 5:14

Níì cán keele o keele li yiri lè gbɛ̀ɛ́nmi na, li n kàri gbɛ̀ɛnmɛ. Gee bee na gi jo: «Yìri, mɔ wi ŋúnɔ lè, mi nyán mi yiri kúbèle nínge ni, koro ga pye Kirisi a gbɛ̀ɛnmɛ yirige mɔ ma.»

Kɔlɔsi ye 3:4

Kirisi wi nyɛ yele sìíw, wi ga baa wiyɛɛ dɛ̀ɛn lǎlee ni lè, lǎli bee ni wi a wɔ́ɔ yele tɛ̀ɛn ní wiyɛɛ ní nìjangbɔɔri ni.

1 Zyan 1:1

Sìíw syɛ́ɛnrɛ ti da téè pye yaà lè nlaa gi sélimi na, wolo n baa di lóʔo, ní wɔ́ɔ̀ di nyaa ní wolo nyapiigèle ní, níì di sámaga n wéle, á wolo kɔ́yi wɔ́ɔ̀ tánga di na,

1 Zyan 1:2

sìíw bee si maa baa wiyɛɛ dɛ̀ɛn, a wolo wi nyaa, koro na wolo wi séeraw kpéʔele ní i wi kéeli nyuu yele ma wi lè bàngwɔɔw wóo, woro wee wi da pye yaà lè ní Tofɔw ní, ní baa wiyɛɛ dɛ̀ɛn wolo na,

1 Zyan 5:11

Ye séeraw bee wéle wee, wi n jo, Kolocɔlɔɔ n sìibangwɔɔw kaan wolo ma, sìíw bee si i nyɛ wi Jáaw ni.

Tɛ̀ɛnnɛ 22:1

A nyɛ̀ʔɛni tunduɔn fala n sìíw lɔ́ʔɔ cábiga tɛ̀ɛn mii na, ki maa ni nyɛ́ʔɛnɛ àmɛɛ kirisitali nyɛ lè, ní i yirigi Kolocɔlɔɔ ní Bàpili fàngolo ni,

Tɛ̀ɛnnɛ 22:16

Mii Zyezu wi mii nyɛ̀ʔɛni tunduɔn tun jàngó wi sa kérigèle bee séera joo Egilizibèle ma. Mii wi nyɛ Davidi nǐnri, ní wi yòdaʔagi, mii wi nyɛ Nyǐndaliŋɔni, lee li nyín lè gbanʔama.»