Zyan 1:16 - Cebaara Bible 2010

¹⁶ Kpɔ́ʔɔree ti da pye wi ma lè, wo myɛ n tàa taa di ni, wi i di kaangi wolo ma ni taʔala tiyɛɛ na.

Zyan 1:16 Iomraidhean Croise

Ŋúnuyi 84:7

Pe ga tánʔa n sɔ̀lɔ Baka jǐnlɔgi ni, pe n gi kàriga pùnweegéle tɛ́ʔɛ, zěseligi n wɔ́ɔ̀ dùbaw tɛ́ʔɛ n gi tɔ́n.

Zakarii 4:7

Nyanbe-nyundɔnɔgɔ, mɔ wi nyɛ wìí? Mɔ a tìgi bi pye fála fála Zorobabɛli yɛ́ʔɛ ma. Nɛɛ bee wi a kàdɛnɛzeligi kíle yirige fundaanra yakpowáara nínge ni, pe a ra gi nyuu si jo: ‹Kpɔ́ʔɔri n tɔ̀nɔ n yɛlɛ gi na.› »

Matye 13:12

Níì cán wee wi taa lè, pe a ní wi kaan taʔa, jàngó wi taa saʔa. Wee si wi fɔ̀n lè, àlí cɛɛriwee wi nyɛ wi ma lè, pe a wee bee syɔɔ wi ma.

Matye 3:11

Mii tɔ̀nɔ́ i yele batize lǒgi ni kàdowaari kéele na kapeegèle ma. Kàjáa wee wi maa mii kàdoʔo ma lè, wi séew n kpɔ́ʔɔ n sɔ̀lɔ mii wów na. Mii ga caa wɔ́ɔ̀ nyɔɔ n yɛlɛ bàā wi taʔalayi có í. Woro wi a ba ra yele batize ní Pìicǎnni, ní náagi ní.

Matye 3:14

Kàjáa Zyan ga fɔ̀lɔ gi na í, níì jo: «Mɔ wi yɛlɛ bi mii batize, á mɔ si níì pan mii ma!»

Luki 21:15

Níì cán mii tiimaa wi a nyɔɔsyɛɛnri kaan yele ma n fàra sícilimi na, koro ga pye yele nígoowaa faala a fànʔa taa yele na bi joo yele jáa í, wàlá bàā yele kábala ní wi syɛ́ɛnri ní í.

Zyan 3:34

Wee Kolocɔlɔɔ tun lè, woro wi Kolocɔlɔɔ syɛ́ɛnri nyuu, níì cán Kolocɔlɔɔ i Pìicǎnni kaangi tɛɛ̀laʔala fun.

Wɔrɔmi ye 5:17

Níì cán syɔɔn nibin kapeele li gi kaan a kùúw baa fànʔa taa syɛ́ɛnbèle na syɔ́ɔnw bee nibin báriga ni, ki ga pye nya, bele be kpɔʔɔnɛʔɛri taa lè ní yakaangi ní ki nyɛ lè sínni, bele bee a ba pye fànʔafɔɔlɔ sìíw ni syɔɔn nibin báriga ni wi lè Zyezu Kirisi.

Wɔrɔmi ye 5:2

Níì cán kpɔ́ʔɔri naa ni wolo nyɛ lè woro wi gi kaan a wolo tɛɛ̀jeʔe taa di ni tágali báriga ni. Wolo si wɔ́ɔ i nyɔ̌ngbɔɔlɔ táanri àmɛɛ wolo wolo sɔ̀ngumi taʔa gi na lè, ncan wolo a lɛɛlɛ taa Kolocɔlɔɔ nìjangbɔɔri ni.

Wɔrɔmi ye 5:20

Mowizi làlwaw si n pan jàngó kolomi í da nɛʔɛgi. Kàjáa tɛ́ɛgee ni kapeebyeri ga nɛʔɛ lè, Kolocɔlɔɔ kpɔ́ʔɔri n wɔ́ɔ̀ pye nɛɛ bee wonɛʔɛrɛ ní n sɔ̀lɔ,

Wɔrɔmi ye 8:9

Yele si na, yele o nyɛ céri kôdanʔabéle í, fwɔɔ Pìicǎnni kôdanʔabéle àmɛɛ Kolocɔlɔɔ Pǐli tɛ́ɛn lè yele fúnyi ni. Kirisi Pǐli ga pye li o nyɛ syɔ́ɔnwee fúngo ni lè í, wee bee o nyɛ Kirisi wóo í.

Efɛzi ye 1:23

Egiliziw i nyɛ Kirisi céri. Woro wee wi yáriri myɛ foro lè kánmi myɛ na, Egiliziw wi nyɛ woro foroli.

Efɛzi ye 3:19

jàngó yele í wi tàmagi bee cán bi gi taa ki n kpɔ́ʔɔ n sɔ̀lɔ syɔɔn cánni na, yele fúnyi si nyìn Kolocɔlɔɔ nyìnganmi myɛ na.

Kɔlɔsi ye 1:19

Níì cán kánmee na Kolocɔlɔɔ nyɛ lè, ki n wi dɛ́nɛ, a wi kánmi bee myɛ yaʔa bi kòro woro Jáaw ni.

Kɔlɔsi ye 2:3

woro wee ni lɔnɛʔɛri nyɛ lè làrama ni, ti lè sícilimi ní kérigèle cánna.

1 Pyɛri 1:11

Kirisi Pǐli li da pye be fúnyi ni lè, lee bee maa téè séeraw kpéʔele booma ni Kirisi wɔʔɔli ní wi nìjangbɔɔri kéele na, dee ti a kɔ́ ba pye lè wi wɔʔɔli kàdoʔo ma, a pe i ŋàʔaná bi gi cán lǎlee ni ki a ba kpéʔele lè, ní kánmee na ki a wɔ́ɔ ba kpéʔele lè.

1 Pyɛri 1:2

Tofɔw Kolocɔlɔɔ maa téè yele nyɛ́nɛ n wòlo booma ni n yɛlɛ ní wi kakɔrirɔli ní jàngó Pìicǎnni í yele sámaga yaʔa woro ma, koro ga pye yele í da lúro Zyezu Kirisi ma, wi sìsyaanw nyari-nyarila sáā yele mùú. Ki n yɛlɛ Kolocɔlɔɔ í da kàa fàrá yele ma kpɔ́ʔɔri ní fûnnyingi na.