Zyan 1:12 - Cebaara Bible 2010

¹² Koro ní ki myɛ ní bele be fɔ̀lɔ wi na lè níì tága wi mɛ́ɛgi na, a wi séew kaan bele bee myɛ ma, poro í náa pye Kolocɔlɔɔ pìibēle.

Zyan 1:12 Iomraidhean Croise

2 Samyɛli 7:24

Mɔ n mɔ syɛ́ɛnbèle Isirayɛli ye báriga jàngó be pye mɔ syɛɛnnɛ làla o làla, á mɔ Yawe baa pye be Kolocɔlɔw.

Ezayi 56:5

mii a be kpéʔele fɛ̀ɛ mii kpáagi ni, ní mii gúnyi ni, si mɛ́ʔɛ le be na, gee gi sɔ̀lɔ lè nànbiigéle, ní calipiigèlē taala na. Mii a bàngwɔɔ mɛ́ʔɛ le be na, gee gi lè ki a tée kwɔ́ɔ bi yiri yaà í.

Zyeremii 3:19

Mii na, mii maa ni gi nyuu niyɛɛ ma níì jo: Kanmìí na mii a mɔ lége mii jáabèle ni si fundaanra kèlē tára kaan mɔ ma di pye kɔrigɔ, gee gi lè syɛɛnfeleyi fèrecàn-dèlere? Mii maa ni gi nyuu niyɛɛ ma níì jo: Mɔ a ra mii yiri: «Mii tóo!» Mɔ a tée wàli bi lúru mii kurugo í.

Matye 10:40

«Wee wi ga fɔ̀lɔ yele na lè, mii na wi wɔ́ɔ̀ fɔ̀lɔ. Wee si wi fɔ̀lɔ mii na lè, mii Tunvɔw na wi sèʔê fɔ̀lɔ.

Matye 12:21

Syɛɛnfeleyi a ba wi mɛ́ɛgi pye yi sɔ̀ngumi tɛɛtaʔaga.› »

Matye 18:5

Syɔ́ɔnwee faala wi ga pìíw naa wàa láa mii mɛ́ɛgi na lè, mii tiimaa wi láa.

Zyan 1:11

Wi maa pan wi tiimaa tári ma. Wi tári wòolo si ga baa fɔ̀lɔ wi na í.

Zyan 1:7

Wi maa pan n baa pye séera, koro ga pye bàā Gbɛ̀ɛ́nmi kéele nyuu, jàngó syɛ́ɛnbèle myɛ í tága wi jooli báriga ni.

Zyan 11:52

Kàjáa Zyefuugi yagana kéele na ban wi a kùu í, fwɔɔ gee bee a kpéʔele bi Kolocɔlɔɔ pìíbèle myɛ kpóʔoro peyɛɛ na, bele be nyɛ lè tɛʔɛ o tɛʔɛ ni.

Zyan 2:23

Lǎli ni Zyezu pye lè Zyerusalɛmi ni Sɔ̀lɔ-mí-yaʔali séri na, a syɛ̀ɛnnɛ saʔa ga wi kakpoloyi nyaa, a be fala n tága wi mɛ́ɛgi na.

Zyan 20:31

Kàjáa kérigèle naa n sɛ́bɛ koro ga pye yele í tága gi na, bi cán Zyezu wi nyɛ Kirisi, Kolocɔlɔɔ Jáaw, jàngó yele ga tága kánmi bee na, yele í sìi taa wi mɛ́ɛgi na.

Zyan 3:18

Wee wi ga tága lè wi na, wee bee tɔ́lɔgɔ o nyɛ kútiiw ni í. Wee si wi lè wi ga tága wi na í, kútiiw n kúun n kwɔ́ɔ wee bee na, níì cán wi ga tága Kolocɔlɔɔ Jáaw nibin mɛ́ʔɛ na í.

Kapyegèle 3:16

Woro mɛ́ɛgi gi fànʔa kaan nǎnw naa ma wee yele nyaa lè ní wɔ́ɔ̀ wi cán. Koro n kpéʔele tágali báriga ni wi mɛ́ɛgi na, níì cán tágali li nyɛ wo ma lè Zyezu na, loro li wi pɔʔɔ yele myɛ nyɛ́nɛ na.

Wɔrɔmi ye 8:14

Níì cán Kolocɔlɔɔ Pǐli ga pye bele yɛɛ̀kinio lè, bele bee i nyɛ Kolocɔlɔɔ pìibēle.

Wɔrɔmi ye 8:16

Pìicǎnni tiimaa li gi fíligi ni tèé wolo pìígèle na níì jo wolo i nyɛ Kolocɔlɔɔ pìibēle.

Wɔrɔmi ye 8:19

Kolocɔlɔɔ yasamagari myɛ wɔ́ɔ i wi jáabèle làridɛ̀ɛnnɛ yèʔerí.

Galasi ye 3:26

Níì cán àmɛɛ yele tága Kirisi Zyezu na lè, yele myɛ i nyɛ Kolocɔlɔɔ jàala tágali báriga ni.

Galasi ye 4:6

Amɛɛ si yele nyɛ lè Kolocɔlɔɔ jàala, koro na wi wi Jáaw Pìle tórigo a li baa jée wolo fúnyi ni. A li i gi nyuu ni yákpoli wáa níì jo: «Abaa! Mii Tóow!»

Kɔlɔsi ye 2:6

Koro na kánmee na yele da fɔ̀lɔ wolo Kàfɔw Kirisi Zyezu na lè, ki n yɛlɛ yaa táanri wi ni kánmi bee na.

2 Pyɛri 1:4

Wi nìjangbɔɔri bee ní wi nyɔɔ-mí-foroli báriga ni wi nyɔɔfaliyi kaan wolo ma, yee yi nyɔɔ lè níì kpólo gbanʔama, wi n nyɔɔfaliyi bee kaan koro ga pye yele í syɔɔ yi bárigaw ni dulunyanw kálagima ma, bee bi naa lè ki laànitaagi kèlē báriga ni, yele si wɔ́ɔ lɛɛlɛ taa kolocɔlɔmi ni.

1 Zyan 3:1

Amɛɛ Tofɔw Kolocɔlɔɔ tàmaga le ní wolo ní lè, ye gi wéle gee, níì cán wi i wolo yiri woro pìibēle! Anbée si wolo tɔ́ɔ̄ nyɛ. Gee bee gi gi kaan dulunyanw syɛ̀ɛnnɛ ga wolo cán í, níì cán pe ga Kolocɔlɔɔ cán í.

1 Zyan 3:10

Kánmi naa na Kolocɔlɔɔ pìíbèle ní Dazɔɔnw wòolo i cángi ni láʔala peyɛɛ na. Syɔ́ɔnwee faala wi nyɛ lè wi o kasingéle kpéʔele í, wàlá wee wi nyɛ lè wi ga tàmaga le ní wi senyɛnnɛ ní lè í, wee bee o nyɛ Kolocɔlɔɔ wóo í.

1 Zyan 3:2

Mii syɛɛn-nidaanmabèle, tɔ́ɔliw ni wolo i nyɛ Kolocɔlɔɔ pìibēle, kánmee na si wolo a ba pye lè, kánmi bee ga kɔ́ɔ̀ tɛ̀ɛn wolo na n kwɔ́ɔ í. Wolo si n gi cán Kirisi ga baa wiyɛɛ dɛ̀ɛn, wolo a ba pye àmɛɛ woro nyɛ lè, níì cán kánmee na wi nyɛ lè, wolo a ba wi nyaa kánmi bee na.

1 Zyan 3:23

Dee naa di nyɛ wi tundunri, wi n jo, ki n yɛlɛ wo tága woro Jáaw Zyezu Kirisi mɛ́ɛgi na, wó tàmaga le ní woyɛɛ ní àmɛɛ Kirisi da gi joo n gbàn wolo ma lè.