Zyan 1:11 - Cebaara Bible 2010

¹¹ Wi maa pan wi tiimaa tári ma. Wi tári wòolo si ga baa fɔ̀lɔ wi na í.

Zyan 1:11 Iomraidhean Croise

Matye 15:24

A wi be yari: «Pe ga mii tun pèle faala ma í, kapye Isirayɛli narigbaagi bàala má ban í, poro bele be pùuni lè.»

Luki 19:14

Kàjáa wi kéeli maa wi tári wòolo bɛɛn. Koro na wi kárigwɔɔli kàdoʔo ma a be tundunbèle pèle tórigo yaà níì jo pe sa jo: ‹Wolo o caa nǎnw naa í pye wolo fànʔafɔlɔ í.›

Zyan 1:10

Wi maa pye dulunyanw ni, woro wi dulunyanw yárira myɛ faan. Koro ní ki myɛ ní dulunyanw syɛ̀ɛnnɛ ga baa wi cán í.

Zyan 1:12

Koro ní ki myɛ ní bele be fɔ̀lɔ wi na lè níì tága wi mɛ́ɛgi na, a wi séew kaan bele bee myɛ ma, poro í náa pye Kolocɔlɔɔ pìibēle.

Zyan 19:27

Ní náà gi joo pìitamaw bee ma níì jo: «Mɔ nɔ́ɔw wi wee.» Nlaʔa lǎli bee na a pìitamaw bee wi kɔ́ri n sáà lége woro tiimaa kpáagi ni.

Zyan 3:32

gee wi nyaa lè ní gee wi lóʔo lè, gee bee séera wi kpéʔele, koro ní ki myɛ ní syɔɔnwaa faala o fɔ̀lɔ́ wi séeraw na í.

Kapyegèle 13:26

Ni senyɛ̀nnɛ, yele bele ye nyɛ lè Abirahami yòdaʔayi, n fàra yele bele na ye wɔ́ɔ̄ fɛ̀ɛgí lè Kolocɔlɔɔ na, ye gi cán wolo má pe da syɛ́ɛnri naa tórigo di nyɛ lè syɔɔli wóro.

Kapyegèle 13:46

A Pɔli ní Barinabasi soro n yére n gi joo be ma níì jo: «Ŋàʔanaga ki da pye Kolocɔlɔɔ syɛ́ɛnri í dée séli joo yele ma, kàjáa àmɛɛ yele tɔ̀nɔ n di cée lè níì gi tímana yele fúnyi ni n gi nyaa yele ga yɛlɛ ní sìibangwɔɔw ní í, gee bee na wolo a kári syɛɛnfeleyi wozanya ma.

Kapyegèle 21:6

Koro kàdoʔo ma a wolo wòsiiw kaan woyɛɛ ma níì jée bàtow ni, á poro lúru n jée kěgi ni.

Wɔrɔmi ye 15:8

Níì cán mii n gi joo níì jo Kirisi n baa pye kɛ́nɛw fɔ̀ɔlɔ falipyeo Kolocɔlɔɔ kányɛɛgi kéele na jàngó bi nyɔɔfaliyi foro yee Kolocɔlɔɔ da kpéʔele lè be toolɛɛbèle ma,

Wɔrɔmi ye 9:1

Kányɛɛgi mii nyuu Kirisi ni, mii o finɛ í, mii fúngi tiimaa i nyɛ mii séera Pìicǎnni báriga ni.

Wɔrɔmi ye 9:5

Booma tofɔlɛɛbèle wɔ́ɔ i nyɛ be wòolo, poro ni Kirisi wɔ́ɔ̀ yiri céri kàbaan na, woro wee wi lè yáriri myɛ nyúngo na ní i nyɛ Kolocɔlɔɔ, wee má dùbaw nyɛ lè làrigèle myɛ ni. Amiina!

Galasi ye 4:4

Kàjáa àmɛɛ lǎli baa foro lè, a Kolocɔlɔɔ wi Jáaw tórigo, a cɔlɔɔ baa wi see, wi n see Mowizi làlwaw làla ni,