Zyan 1:10 - Cebaara Bible 2010

¹⁰ Wi maa pye dulunyanw ni, woro wi dulunyanw yárira myɛ faan. Koro ní ki myɛ ní dulunyanw syɛ̀ɛnnɛ ga baa wi cán í.

Zyan 1:10 Iomraidhean Croise

Sélimɛ 16:13

A Agari mɛ́ʔɛ le Yawe na, woro wee wi da ni nyuu ní wi ní lè, wi n jo: «Ata-Ɛli-Woroyi.» Níì cán wi maa jo: «Kányɛʔɛ gii lé wee wi mii nyaagi lè, woro mii nyaa nɛɛ naa?»

Sélimɛ 17:1

Lǎli ni Abirami taa lè yɛ̀ʔɛlɛ dabata nibin fɔ̀n, a Yawe wiyɛɛ dɛ̀ɛn wi na níì wi pye: «Mii wi nyɛ Kolocɔlɔɔ, wee wi nyɛ lè Séew Myɛ Kàfɔlɔ. Ki n yɛlɛ mi kòro maa táanri mii yɛ́ʔɛ ma mí pye dìgire fun.

Sélimɛ 18:33

Lǎli ni Yawe joo n kwɔ́ɔ ní Abirahami ní lè, a wi kári, á Abirahami lúru n pan wi kpaʔa ma.

Ezayi 53:3

Syɛ́ɛnbèle n wi faʔa, níì wi cée n yaʔa, funnyɛnigɛ syɔ́ɔn wi pye, wee wi tàli wɔʔɔgi na lè, wi n pye àmɛɛ wàa nyɛ, wee na syɔɔn wiyɛɛ yɛ́ɛgi tɔ́ngi lè, pe maa ni wi faari, wolo da wi córo í.

Matye 11:27

Mii Tóow n yáriri myɛ le mii kɔ́yi ni. Wàa faala ga Jaafɔw cán n foro í, kapye Tofɔw ban í. Wàa faala si ga wɔ́ɔ̀ Tofɔw cán n foro í, kapye Jaafɔw ban í, ní wee na Jaafɔw caa bi wi tɛ̀ɛn lè, fwɔɔ woro.

Zyan 1:11

Wi maa pan wi tiimaa tári ma. Wi tári wòolo si ga baa fɔ̀lɔ wi na í.

Zyan 1:18

Syɔɔn ga tɔ̀nɔ n kɔ́ɔ̀ Kolocɔlɔɔ nyaa í, fwɔɔ Jaafɔw nibin wi nyɛ lè Kolocɔlɔɔ, ní i nyɛ ní Tofɔw ní làla o làla, woro wi Kolocɔlɔɔ kánmi tɛ̀ɛn wo na n fílige.

Zyan 1:3

Woro bárigaw ni yáriri myɛ faan, yáriri myɛ di faan lè, di tàa faala ga faan wi kàdoʔo ma í.

Zyan 1:5

Gbɛ̀ɛ́nmi i nyín yébilimi ni, yébilimi si ga fɔ̀lɔ bi na í.

Zyan 17:25

Tofɔzinw, dulunyanw syɛ̀ɛnnɛ ga mɔ cán í, kàjáa mii si n mɔ cán, a bele naa wɔ́ɔ̀ gi cán ncan mɔ wi mii tun.

Zyan 5:17

Kàjáa a Zyezu be yari: «Mii Tóow sèʔé i báara n baa nan níjanʔa na, a mii wɔ́ɔ i báara.»

Kapyegèle 14:17

Koro ní ki myɛ ní wi ga wi séeraw kpéʔelele yaʔa í, wi i kacǎngèle kpéʔele, àmɛɛ wi zěgi yaari ki i yìrigí nyɛ̀ʔɛni na ni tuun yele ma lè, ní wɔ́ɔ i yaliiri làrilaala kaangi yele ma, koro ga pye yele í da yaliire saʔa taagi, fundaanra si pye yele ni.»

1 Korɛnti ye 1:21

Níì cán dulunyanw syɛ̀ɛnnɛ sícilimɛ ga gbàn n be kaan a be Kolocɔlɔɔ cán í, Kolocɔlɔɔ wi koro kpéʔele nya wi sícilimi báriga ni, ki si n Kolocɔlɔɔ dɛ́nɛ bi tágafɔbèle syɔɔ wi syɛ́ɛnri joolo báriga ni, dee joolo dulunyanw syɛ̀ɛnnɛ córo lè labalama kéele.

1 Korɛnti ye 2:8

Dulunyanw naa fànʔafɔwaa faala ga bi cán í. Níì cán pe ga maa bi cán, pe mǎà dée fɔ̀lɔ bi Kàfɔgbɔɔw kpóo tiiparigi na í.

1 Korɛnti ye 8:6

koro ní ki myɛ ní wolo má, Kolocɔlɔɔ i nyɛ nibin, woro wi nyɛ wolo Tóow, woro wee má yáriri myɛ yìri lè, wolo i nyɛ woro wòolo, Kàfɔw wɔ́ɔ i nyɛ nibin, woro wi nyɛ Zyezu Kirisi, woro wee báriga ni yáriri myɛ nyɛ lè n fàra wolo myɛ na.

Kɔlɔsi ye 1:16

Níì cán woro bárigaw ni Kolocɔlɔɔ yáriri myɛ faan, nyɛ̀ʔɛni wóro, ní tári wóro yoo, yanyaari, ní dee di lè syɔɔn a gbǎn di nyaa í yoo, kàfɔbèle, ní kùndigibèle, ní fànʔafɔbèle, ní séekpɔɔw fɔ̀ɔlɔ yoo, woro bárigaw ni, ní woro kéeli na Kolocɔlɔɔ ti myɛ faan.

Heburubèle 11:3

Tágali báriga ni wolo gi cán ncan Kolocɔlɔɔ n dulunyanw sámaga wi nyɔɔsyɛɛnri báriga ni, kánmi bee na yáriree wolo nyaagi lè, yanyaara ban wi tɛ́ʔɛ n di sámaga í.

1 Zyan 3:1

Amɛɛ Tofɔw Kolocɔlɔɔ tàmaga le ní wolo ní lè, ye gi wéle gee, níì cán wi i wolo yiri woro pìibēle! Anbée si wolo tɔ́ɔ̄ nyɛ. Gee bee gi gi kaan dulunyanw syɛ̀ɛnnɛ ga wolo cán í, níì cán pe ga Kolocɔlɔɔ cán í.