Zyan 1:1 - Cebaara Bible 2010

¹ Sáni dulunyanw í séli lè, Syɛ́ɛnri maa téè pye yaà, Syɛ́ɛnri bee maa pye ní Kolocɔlɔɔ ní, wee wi nyɛ lè Syɛ́ɛnri, wi maa wɔ́ɔ̀ pye Kolocɔlɔɔ.

Zyan 1:1 Iomraidhean Croise

Sélimɛ 1:1

Làrizelili ni Kolocɔlɔɔ maa nyɛ̀ʔɛni ní tári yirige.

Ŋúnuyi 45:6

Pe n mɔ ŋáayi fìrige, syɛɛnfeleyi a ra tuun mɔ láari ni. Yi a ra jǐn fànʔafɔw nigoolo zɔnbéle ni.

Ezayi 7:14

Gee bee na Kàfɔw tiimaa a fɛ̀ɛ kaan yele ma: Wéle, pìcaaw a fícɛnnɛ taa, wi a pyà see nàɔn, si wi mɛ́ɛgi le paa wi yiri Emanuwɛli.

Ezayi 9:6

Fǎngi a ra caragi da syée, bàngwɔɔ yɛɛ̀nyinge si kaan Davidi fàngoli, ní wi fǎngi ma, bi gi báriga, si gi sígi yérige kányɛɛgi, ní sínni báriga ni, bi séli lǎli naa na bàā syée yaà làla o làla. Koro gi nyɛ Nyɛ̀ʔɛni Sùlasiibéle Kafɔlɔ Yawe fúngi ni, wi a gi kpéʔele.

Matye 1:23

«Wéle, nàngeele sinján pìcaaw a ba fícɛnnɛ taa bi pyà see nàɔn, pe si a ra wi mɛ́ɛgi yiri Emanuwɛli. Ki kɔ́rɔw wi nyɛ, Kolocɔlɔɔ i nyɛ ní wolo ní.»

Luki 24:53

A be sáà kòro ni Kolocɔlɔɔ kpɔ̀ʔɔrɔ́ wi kpɔ̀ʔɔrɔli kpaʔa ni làrigèle myɛ ni.

Zyan 1:14

Syɛ́ɛnri bee maa baa kàri syɔɔn n tɛ́ɛn wolo níngi ni, a wolo wi nìjangbɔɔri sámaga n nyaa, nìjangbɔɔri bee i nyɛ Jaafɔw wóro, dee Tofɔw Kolocɔlɔɔ kaan lè wi Pìinibingi ma, àmɛɛ wi yìri yaà woro ma lè. Kpɔ́ʔɔri ní kányɛɛgi saʔa maa tɔ̀nɔ n pye wi ma.

Zyan 1:18

Syɔɔn ga tɔ̀nɔ n kɔ́ɔ̀ Kolocɔlɔɔ nyaa í, fwɔɔ Jaafɔw nibin wi nyɛ lè Kolocɔlɔɔ, ní i nyɛ ní Tofɔw ní làla o làla, woro wi Kolocɔlɔɔ kánmi tɛ̀ɛn wo na n fílige.

Zyan 1:2

Wi maa pye yaà ní Kolocɔlɔɔ ní sáni dulunyanw í séli lè.

Zyan 16:28

Tofɔw má mii yìri n pan dulunyanw ni. Tɔ́ɔliw ni mii si a ní yiri dulunyanw ni bi lúru kári Tofɔw ma.»

Zyan 17:5

Abaa, tɔ́ɔliw ni nìjangbɔɔri ti da pye yaà mii na mɔ taana lè sáni dulunyanw í séli lè, di taʔa mii na.

Zyan 20:28

A Toma wi yari: «Mii Kàfɔw, ní mii Kolocɔlɔw!»

Zyan 8:58

A Zyezu be pye: «Mii a tɔ̀nɔ́ gi joo yele ma kányɛʔɛ ni, sáni pe Abirahami see lè, mii maa téè pye yaà.»

Wɔrɔmi ye 9:5

Booma tofɔlɛɛbèle wɔ́ɔ i nyɛ be wòolo, poro ni Kirisi wɔ́ɔ̀ yiri céri kàbaan na, woro wee wi lè yáriri myɛ nyúngo na ní i nyɛ Kolocɔlɔɔ, wee má dùbaw nyɛ lè làrigèle myɛ ni. Amiina!

Efɛzi ye 3:9

mii si wɔ́ɔ ra kalarali fáli kpéʔele bi li yirige gbɛ̀ɛ́nmi na, Kolocɔlɔwee wi yáriri myɛ faan lè, wi maa kalarali bee làriga wi fúngi ni nlaa yaà làridɔɔnnɔ ni,

Filipikaʔa ye 2:6

Wee wi da téè pye yaà lè sèjira ní Kolocɔlɔɔ ní, wi da gi ŋàʔana n jo fwɔɔ woro í kòro kánmi bee na sèjira ní Kolocɔlɔɔ ní í.

Kɔlɔsi ye 1:15

Kolocɔlɔɔ wi lè syɔɔn o wi nyaagi í, wi Jáaw wi nyɛ wi niwiriw, woro wi nyɛ Kolocɔlɔɔ pìiseliw wi yakpéʔeleri myɛ yɛ́ʔɛ na.

Kɔlɔsi ye 1:17

Jaafɔw maa téè pye yaà yáriri myɛ yɛ́ʔɛ na, ti myɛ n tiyɛɛ cò n yére wi bárigaw ni.

1 Timɔte 3:16

Kolocɔlɔɔ yɛ́ɛgi fyáara kalarala n kpɔ́ʔɔ gbanʔama, kàkabalaga o nyɛ gi ni í, wi maa wiyɛɛ dɛ̀ɛn syɔɔn, wi maa tànʔa taa Pìicǎnni báriga ni, nyɛ̀ʔɛni tundunbéle maa wi nyaa, syɛ́ɛnbèle pèle maa sa ni wi kéeli nyuu syɛɛnfeleyaa nínge ni, pèle maa tága wi na dulunyanw ni, Kolocɔlɔɔ maa wi yìrige n lúrugo ǹjogi ni nìjangbɔɔri tɛ́ʔɛ ma.

Tiiti 2:13

àmɛɛ wolo wo sɔ̀ngumi tɛɛtaʔajanga sige lè, gi lè Zyezu Kirisi lúrubanni àmɛɛ wi a ba wiyɛɛ dɛ̀ɛn lè wi nìjangbɔɔri ni, woro wee wi lè Kolocɔlɔɔ Wogbɔɔw ní wolo Syɔɔfɔw.

Heburubèle 13:8

Zyezu Kirisi i nyɛ kanijanma na cànʔaniw yoo, níjanʔa yoo, fwɔɔ làla o làla.

Heburubèle 7:3

Tofɔlɔ o wi na í, nafɔlɔ o wi na í, àlí tofɔlɛɛbèlē o wi na í. Sélimɛ o nyɛ wi sìíw na í, kwɔ́ɔmɔ wɔ́ɔ o nyɛ wi na í. Wi i nyɛ kwɔ́ɔmɔ fun sáriga-wòloo, Kolocɔlɔɔ n wi kpéʔele àmɛɛ woro Jáaw nyɛ lè.

2 Pyɛri 1:1

Mii Siimɔn Pyɛri wi lè Zyezu Kirisi púlo, ní wɔ́ɔ i nyɛ wi pìituɔn, mii a sɛ́bɛw naa tórigo yele ma, yele bele ye tágali taa Zyezu Kirisi sínni báriga ni lè, wi lè wolo Kolocɔlɔw ní wolo Syɔɔfɔw, tágali bee n nyɔɔ n sɔ̀lɔ yáriri myɛ na, loro wonijanni li wɔ́ɔ̄ nyɛ wolo ma.

1 Zyan 5:20

Wolo n wɔ́ɔ̀ gi cán Kolocɔlɔɔ Jáaw n pan n baa sícilimɛ kaan wolo ma koro ga pye wolo í Wodelew cán. Wolo i nyɛ Wodelew ni wi Jáaw Zyezu Kirisi bárigaw ni. Woro wi nyɛ Kolocɔlɔɔ wodelew, ní wɔ́ɔ i nyɛ sìibangwɔɔw.

1 Zyan 5:7

Bele be gi séeraw kpéʔele lè pe i nyɛ taanri.

Tɛ̀ɛnnɛ 1:11

a li jo: «Gee mɔ nyaagi lè, ki sɛ́bɛ sɛ́bɛ ni mi tórigo Egilizibèle kɔrɔsiin ma be nyɛ lè Efɛzi, ní Simiirini, ní Pɛrigami, ní Tyatiiri, ní Saridi, ní Filadelifii ni n fàra Lawodise na.»

Tɛ̀ɛnnɛ 1:17

Lǎli ni mii wi nyaa lè, a mii fala n too wi láari ni n pye àmɛɛ kpóo nyɛ lè. A wi wi kàliige kɔ́gi taʔa mii na níì jo: «Mɔ a kɔ́ ra fɛ̀ɛgí í! Mii wi nyɛ Yɛɛ̀kiniw ní Kàdotɔnw,

Tɛ̀ɛnnɛ 1:2

a Zyan Kolocɔlɔɔ syɛ́ɛnri séera kpéʔele wi kanyaagèle myɛ ni ge nyɛ lè Zyezu Kirisi séeraw.

Tɛ̀ɛnnɛ 1:8

Kàfɔw Kolocɔlɔɔ wi gi joo níì jo: «Mii wee wi nyɛ lè, ní mii wee wi da pye yaà lè, ní mii wee wi maa lè, mii wi nyɛ Alifa ní Omega, mii wi lè Séew Myɛ Kàfɔlɔ.»

Tɛ̀ɛnnɛ 19:13

burogo si i nyɛ wi na, gee be cáan n yoro lè sìsyaan ni. Wi mɛ́ɛgi gi nyɛ Kolocɔlɔɔ Syɛ́ɛnri.

Tɛ̀ɛnnɛ 2:8

«Dee naa sɛ́bɛ mi tórigo Simiirini Egiliziw tunduɔn ma, mí wi pye: ‹Wee wi lè yɛɛ̀kiniw ní kàdotɔnw, woro wee wi baa kùu ní níì nyán n pye sìi na lè, woro wi kérigèle naa joo níì jo:

Tɛ̀ɛnnɛ 21:6

A wi níì mii pye: «Ki n kpéʔele! Mii wi nyɛ Alifa ní Omega, gi Sélimi ní gi Kwɔ́ɔmi. Lògbaʔa ga wee jáa lè, mii a wi kaan wi gbaa sìíw lɔ́ʔɔ pùnweele ni kawaʔa na.

Tɛ̀ɛnnɛ 22:13

Mii wi nyɛ Alifa ní Omega, Yɛɛ̀kiniw ní Kàdotɔnw, Sélimi ní Kwɔ́ɔmi.

Tɛ̀ɛnnɛ 3:14

«Dee naa sɛ́bɛ mi tórigo Lawodise Egiliziw tunduɔn ma, mí wi pye: ‹Wee be yiri lè Amiina, wi lè séerafɔjǎnw, woro wee wi nyɛ lè wodelew, ní i nyɛ Kolocɔlɔɔ yakpéʔeleri myɛ sélifɔlɔ, woro wi kérigèle naa joo níì jo: