Yirile 7:5 - Cebaara Bible 2010

⁵ Lǎli ni mii ga mii kɔ́gi sánʔa Ezyipiti ye kánmi na lè, níì Isirayɛli ye yirige be níngi ni lè, lǎli bee ni Ezyipiti ye a gi cán bi cán mii wi nyɛ Yawe.»

Yirile 7:5 Iomraidhean Croise

Ŋúnuyi 138:7

Alí mii ga ni táanri wɔʔɔgi nínge ni, mɔ i mii sìíw kpáa wéle, mɔ i mɔ kɔ́gi sáanri mii nigoobèle fundanʔara kánma na, mɔ kaliigi si i mii syoo.

Ŋúnuyi 9:16

Wéegee tári syɛɛnfeleye da túgu lè, yi tiimaa n too gi ni, cɔ̀ɔ́wee yi cáan làrama ni lè, yi tiimaa tɔ́lɔyi n cò wi na.

Yirile 10:2

jàngó mɔ í gbǎn kɔ́ ba ra gi nyuu da tèé mɔ piibèle, ní mɔ piibèle pìibēle na pe gi cán gee mii kpéʔele Ezyipiti ye na lè, ní fɛ̀ɛ́bèle mii kpéʔele be tári ni lè. Gee bee a gi kaan yele í gi cán bi cán mii wi nyɛ Yawe.»

Yirile 10:7

A Faraɔnw falipyebèlē wi pye: «Làlìí kánma nǎnw naa a pye wolo ma karinyanga? Ki n yɛlɛ mi syɛ́ɛnbèle bee yaʔa be kári be sa Yawe be Kolocɔlɔw kpɔ̀ʔɔrɔ. Mɔ ga sèʔé kɔ́ɔ̀ gi cán ncan Ezyipiti n kálagi n kwɔ́ɔ wii ì?»

Yirile 14:18

Lǎli ni mii ga kpɔʔɔrɔ taa lè Faraɔnw ní wi kapɛɛnkpumɔn-wòtorobèle, ní wi syɔɔnfǎnbèle kéele na lè, Ezyipiti ye a gi cán bi cán mii wi nyɛ Yawe.»

Yirile 14:4

Mii a Faraɔnw fúngo gbàn. Wi a yiri taʔa be na da nɛnɛ. Mii si a kpɔʔɔrɔ taa Faraɔnw ní wi kapɛɛnkpumɔnbèle myɛ kéele na, koro ga pye Ezyipiti ye a gi cán bi cán mii wi nyɛ Yawe.» A Isirayɛli ye wɔ́ɔ̀ gi kpéʔele kánmi bee na.

Yirile 18:8

Gee myɛ Yawe kpéʔele Faraɔnw, ní Ezyipiti ye na lè Isirayɛli ye kéeli na, a Mowizi gee bee joo n tɛ̀ɛn wi céw tóo na, n fàra fɔ̀rɔyi myɛ na yi be taa lè kólogi na ní kánmee na Yawe be syɔɔ lè.

Yirile 3:20

Mii si a mii kɔ́gi sánʔa bi Ezyipiti kpúmɔn ní kakpoloyi féleye myɛ ní, yee mii a kpéʔele lè Ezyipiti ni. Koro kàdoʔo ma wi a náa yele yaʔa yele í da syée.

Yirile 6:1

A Yawe gi joo Mowizi ma níì wi pye: «Gee mii a kpéʔele Faraɔnw na lè, mɔ a gi nyaa tɔ́ɔliw ni. Séekpɔɔɔ kɔ́lɔ a ba wi kaan wi be yaʔa be kári, àlí séew bee báriga ni wi a ba be nɛnɛ yirige woro tári ni.»

Yirile 6:6

Koro na ki n yɛlɛ mi gi joo Isirayɛli ye ma, mí be pye: ‹Mii wi nyɛ Yawe, mii a yele syɔɔ faligbanw ma, woro wee Ezyipiti ye taʔa yele na lè. Mii a yele yirige púlori fáli ni woro wee be taʔa yele na lè. Mii a yele syɔɔ mii kɔ́gi fànʔa báriga ni ní kútiiw kakpologéle báriga ni.

Yirile 7:17

Yawe si n jo: Gee naa na mɔ a gi cán bi cán mii wi nyɛ Yawe. Wéle, kàgbeeli li nyɛ mii kɔ́gi ni lè, mii a li tɛ́ʔɛ bi Niili cábigi kpúmɔn, lǒgi a kàri sìsyaan.

Yirile 8:10

A be di koli n kpoʔolo n màʔa gbɔ̀ngbɔnyɔ. A di nǔngi yìri n tári foro.

Yirile 8:19

Mii a wàlima kpéʔele mii syɛ́ɛnbèle ní mɔ wóbèle nínge ni. Fɛ̀ɛ́w bee a kpéʔele nyɛ̀ʔɛna.› »

Yirile 8:22

A Mowizi wi yari: «Gee bee a gbǎn pye í. Níì cán sárigaw wolo a wòlo Yawe wolo Kolocɔlɔw ma lè, wi i nyɛ Ezyipiti ye yanibɛɛnmɛgɛ. Wolo si ga ni Ezyipiti ye yanibɛɛnmɛgi kpéʔele sáriga pe nyɛnɛ na, pe a wolo wábagi ní kàdɛnɛrɛ ní ì?

Ezekyɛli 25:17

Mii a gɔ̀lɔ́ wòlo be na, wee wi a kpɔ́ʔɔ lè, si pye ní fundanʔagbɔɔrɔ ní. Pe a gi cán bi cán mii wi nyɛ Yawe, lǎli ni mii ga mii gɔ̀lɔ́w wòlo be na lè.› »

Ezekyɛli 28:22

Mɔ a gi joo si jo: ‹Kàfɔw Yawe wi syɛ́ɛnri naa joo níì jo: Wéle, mɔ ní mii cáan, Siidɔn! Mii a kpɔʔɔrɔ taa mɔ níngi ni. Lǎli ni mii ga baa kútiiw kèlē kpéʔele n foro wi na lè, pe a gi cán bi cán mii wi nyɛ Yawe. Mii a pye wojaɔn ní wi níngi ni.

Ezekyɛli 32:15

Lǎli ni mii ga Ezyipiti tári pye lè tɛɛ̀kalagiga, yáriri di nyɛ tári ni lè, a ti myɛ koli n yirige yaà, ní wɔ́ɔ̀ syɛ́ɛnbèle myɛ kpúmɔn, bele be nyɛ di ni lè, pe a gi cán bi cán mii wi nyɛ Yawe.›

Ezekyɛli 36:23

Mii a mii mɛ́ɛkpɔɔgi sámaga nyɔɔ, gee ki da nɔ́nʔɔ lè syɛɛnfeleyi nínge ni, koro gee yele nɔ́nʔɔ lè yi níngi ni. Syɛɛnfeleyi si a gi cán bi cán mii wi nyɛ Yawe, lǎli ni mii ga yele kéeli tɛ́ʔɛ n niyɛɛ sámaga n nyɔɔ lè pe yɛʔɛ̀ ma, Kàfɔw Yawe wi jo nya.

Ezekyɛli 39:22

Bi séli cángi bee na bàā syée yaà, Isirayɛli kpáagi wòolo a gi cán bi cán mii wi nyɛ Yawe poro Kolocɔlɔw.

Ezekyɛli 39:7

Mii a ní mii mɛ́ɛcǎngi yaʔa gi cán mii syɛ́ɛnbèle Isirayɛli ye níngi ni, mii a ní mii mɛ́ɛcǎngi yaʔa gi kálagi í. Syɛɛnfeleyi a gi cán bi cán mii wi nyɛ Yawe, wi lè Wojanw, Isirayɛli ni.