Yirile 7:3 - Cebaara Bible 2010

³ Mii si a Faraɔnw fúngo gbàn si mii fɛ̀ɛ́bèle, ní mii kakpoloyi yaʔa yi nɛʔɛ Ezyipiti tári ni.

Yirile 7:3 Iomraidhean Croise

Nehemii 9:10

Mɔ n fɛ̀ɛbēle ní kakpoloyo kpéʔele Faraɔnw ní wi syɛɛnkpolobèle myɛ, ní wi tári syɛ̀ɛnnɛ myɛ kánma na, níì cán mɔ maa gi cán nyùnwaagee felege ní pe da wolo tóolɛɛbèle cò lè, a mɔ mɛ́ɛkpɔʔɔ taa, gee gi nyɛ mɔ na lè, àlí n baa nan níjanʔa na.

Ŋúnuyi 135:9

Wi n fɛ̀ɛ́bèle ní kakpoloyi tórigo yaà mɔ níngi ni, Ezyipiti, Faraɔnw ní wi falipyebèle myɛ kánma na.

Ŋúnuyi 78:12

Wi maa kakpɔʔɔ kpéʔele pe toolɛɛbèle nyɛ́nɛ na Ezyipiti tári ni, Sowan sìnbirigi ni.

Yirile 11:10

Mowizi ní Aarɔn maa kakpoloyi bee myɛ kpéʔele Faraɔnw yɛ́ʔɛ ma. Kàjáa Yawe maa Faraɔnw fúngo gbàn. Wi ga fɔ̀lɔ n Isirayɛli ye yaʔa be yiri woro tári ni bi kári í.

Yirile 11:9

A Yawe gi joo Mowizi ma níì wi pye: «Faraɔnw a tée lóʔo yele ma í, koro ga pye mii kakpoloyi í nɛʔɛ Ezyipiti tári ni.»

Yirile 14:4

Mii a Faraɔnw fúngo gbàn. Wi a yiri taʔa be na da nɛnɛ. Mii si a kpɔʔɔrɔ taa Faraɔnw ní wi kapɛɛnkpumɔnbèle myɛ kéele na, koro ga pye Ezyipiti ye a gi cán bi cán mii wi nyɛ Yawe.» A Isirayɛli ye wɔ́ɔ̀ gi kpéʔele kánmi bee na.

Yirile 3:20

Mii si a mii kɔ́gi sánʔa bi Ezyipiti kpúmɔn ní kakpoloyi féleye myɛ ní, yee mii a kpéʔele lè Ezyipiti ni. Koro kàdoʔo ma wi a náa yele yaʔa yele í da syée.

Yirile 4:21

A Yawe gi joo Mowizi ma níì wi pye: «Mɔ ga lúru ni syée ní sáà nan Ezyipiti na, kakpoloyee myɛ fànʔa mii kaan mɔ ma lè, ki n yɛlɛ mi yi kpéʔele Faraɔnw yɛ́ʔɛ ma. Mii si a wi fúngi gbàn. Wi a fɔ̀lɔ́ syɛ́ɛnbèle yaʔa be kári í.

Yirile 4:29

A Mowizi ní Aarɔn kári n sáà Isirayɛli wolɛɛbèle myɛ kpóʔoro.

Yirile 4:7

A Yawe wi pye: «Ní mi mɔ kɔ́gi lége mi taʔa mɔ ficibigi na.» A wi wi kɔ́gi lége n taʔa wi fìcibigi na. A wi ga gi láʔa, a wi gi nyaa a gi lúru n kàri gi kanlɛɛmi na n pye àmɛɛ wi cesanri nyɛ lè.

Yirile 7:13

A Faraɔnw fúngo gbàn, wi ga lóʔo Mowizi ní Aarɔn ma í, n yɛlɛ ní gee ní Yawe da joo lè.

Yirile 9:16

Kàjáa mii n mɔ yaʔa beè koro ga pye bi mii séew tɛ̀ɛn mɔ na, mii mɛ́ɛgi si kpɔ́ʔɔ bi yiri tári tɛ́ɛyɛ myɛ ni.

Kàseegèle 21:1

Fànʔafɔw fúngo i nyɛ Yawe kɔ́gi ni àmɛɛ lɔ̀ʔɔ nyɛ, gee gi fóo lè, wi i gi kàragí ni tórogi kàbangee ma ki wi dɛ́nɛ lè.

Ezayi 51:9

Yìri ŋúnɔmi na, yìri ŋúnɔmi na! Fǎngi le burogo, Yawe kɔ́gi! Yìri ŋúnɔmi na, àmɛɛ ki da pye lè booma cányi ni, yìrigèle gele syɛ̀ɛnnɛ lala ni be sɔ̀lɔ lè! Mɔ ban wi Arahabi kpúmɔn n cáan, níì Diragɔnw súu n fùru ì?

Misye 7:15

Mii a kakpoloyo tɛ̀ɛn be na, mɔ a jo àmɛɛ ki da pye lè nlaa mɔ canyiriyi na Ezyipiti tári ni.

Zyan 4:48

A Zyezu wi yari: «Yele ga pye yele ga fɛ̀ɛbēle ní kakpoloyo nyaa í, yele o tági í.»

Kapyegèle 2:22

Yele Isirayɛli ye nǎnbèle, ye syɛ́ɛnri naa lóʔo! Kolocɔlɔɔ maa Zyezu tɛ̀ɛn yele na wi lè Nazarɛti ye wów, kakpoloyi, ní bìngaari kèlē, ní fɛ̀ɛ́bèle báriga ni bele wi da kaan wi ma a wi i kpéʔele yele níngi ni lè, àmɛɛ yele tiimaa gi cán lè, koro ga pye yele í gi cán wi i nyɛ woro wóo kányɛʔɛ ni.

Kapyegèle 7:36

Woro wi wɔ́ɔ̀ be yirige Ezyipiti tári ni kakpoloyi ní fɛ̀ɛ́bèle báriga ni wi kpéʔele lè Ezyipiti ni, ní Sólomi Lònyɛnʔɛ ni, ní wɔ́ɔ̀ yàa kpéʔele fìími tára ni n baa taa yɛ̀ʔɛlɛ togoye siin.

Wɔrɔmi ye 15:19

Kirisi n gee bee myɛ kpéʔele fɛ̀ɛ́bèle ní kakpoloyi báriga ni, ní Pìicǎnni báriga ni fwɔɔ n taa a mii wi Syɛɛnjóocǎnri joo n foro tɛ́ɛyi myɛ ni nlaa Zyerusalɛmi ma n taa n sáà nan Ilirii na.

Wɔrɔmi ye 9:18

Gee bee na wee na wi ga ni caa bi nyinimɛ taa lè, wi n bi taa wi na, wi ga wɔ́ɔ ni caa bi wee zɔ̀n gbàn lè, wi n wi gbàn.

Làlwaw Kaanziin 4:34

A kolocɔlɔwaa caa kɔ́ɔ̀ gi pye lé n wéle bi pan ba syɛɛnfelegaa láa bi yirige kàa ni bi yaʔa wiyɛɛ ma kagbangēle, ní fɛ̀ɛbēle, ní kakpoloyo, ní kapɛɛnnɛ, ní sée kɔ́lɔ, ní kɔ̂zánʔaga, ní fyáakpɔɔrɔ kele báriga ni n yɛlɛ ní gee myɛ ní Yawe yele Kolocɔlɔw kpéʔele yele kéeli na lè Ezyipiti ni yele nyɛ́nɛ na?

Làlwaw Kaanziin 7:19

Wɔʔɔgboloyee mɔ nyapiigèle nyaa lè, yi lè fɛ̀ɛ́bèle, ní kakpoloyi, ní séew kɔ́lɔ, ní kɔ̂zánʔagi, lǎli ni Yawe mɔ Kolocɔlɔw mɔ yirige yaà lè, kánmi bee na Yawe a gi kpéʔele syɛɛnfeleyi myɛ na, yee na mɔ fɛ̀ɛgí lè.