Yirile 5:9 - Cebaara Bible 2010

⁹ Ye fáliw gbàn syɛ́ɛnbèle naa na, jàngó fali í pye be ma paa kpéʔele, koro ga pye pe a ní kɔ́ yákirii yaʔa jànvaa syɛ́ɛnraa na bàā lúro í.»

Yirile 5:9 Iomraidhean Croise

2 Fànʔafɔbèle 18:20

Mɔ n gi joo níì jo: Nyɔɔ káfalaga syɛ́ɛnrɛ dii yagana. Bi kapɛɛnnɛ kpúmɔn, láliiw ní fǎngi n yɛlɛ bi pye yaà. Tɔ́ɔliw ni doò, wìí na mɔ tága níì mii cée?

Zyɔbi 16:3

Syɛ́ɛnri naa di nyɛ lè káfalaga, kwɔ́ɔmɔ tɔ̀ʔɔ́ o nyɛ di na ì? Nyàʔá gi mɔ fúngi tanʔa mɔ si i syɛɛnlurugori naa kaangi?

Yirile 5:10

A pɔrɔtɔɔri fáli kùndigibéle, ní syɛ́ɛnbèle kɔ̀rɔsiifɔɔlɔ yiri n kári n sáà gi joo syɛ́ɛnbèle ma níì be pye: «Faraɔnw n jo: ‹Mii a ní da nyàásige kaangi yele ma í.

Yirile 5:8

Jùfaawee nyɔ́ɔ pe da ni kpúmɔn ni taagi lè, yele a be kɔ́ri pe sèʔé ra wee bee nyɔ́ɔ kpúmɔn da taagi. Yele a kɔ́ yafyɛn fɔ̀n wi ni í. Níì cán sàlagafɔɔlɔ be nyɛ, koro na be kɔ́ɔ̀ fɔ̀lɔ ni gi nyuu níì jo: ‹Ye boo kári wo sa sáriga wòlo wolo Kolocɔlɔw ma.›

Zyeremii 43:2

Azariya wi lè Hosyaya jáaw, ní Yohanan wi lè Kareya jáaw, ní nɛ̀ɛgbɔʔɔgɔ nanbèle bee myɛ Zyeremii yari: «Gee mɔ joo lè jànvaa wii. Yawe wolo Kolocɔlɔw ga mɔ tun mɔ í ba gi joo wolo ma si jo: ‹Yele a kɔ́ kári Ezyipiti ma bi sa tɛ́ɛn yaà í.›

Zakarii 1:6

Syɛɛnjóori, ní làlwaw kèlē si mii da joo mii falipyebèle ma, pe lè kanyaajoobèle, gele bee ga nan yele tóolɛɛbèle na ì? Pe n lúru n pan níì gi joo níì jo: Yawe wi lè Nyɛ̀ʔɛni Sùlasiibéle Kafɔlɔ, wi n wolo cò n yɛlɛ ní gi ní àmɛɛ wi da gi kɔ̀rirɔ n tímana bi kpéʔele wolo na lè n yɛlɛ ní wolo tánʔaganmi, ní wolo nàʔami ní.› »

Malasyii 3:14

Yele n jo: ‹A syɔɔn i báara Kolocɔlɔɔ ma wii gbanzan. Amɛɛ wolo wi tundunri cò ní i táanri ní funbɛɛnrɛ ní lè, Nyɛ̀ʔɛni Sùlasiibéle Kafɔlɔ Yawe kéeli na, nyàʔá wolo taa gee bee ni?

Efɛzi ye 5:6

Ki ga yɛlɛ syɔɔn faala í kɔ́ yele fáana pùuni ní gbanzan syɛ́ɛnrɛ ní í, níì cán kérigèle bee ge Kolocɔlɔɔ fundanʔari yaari ti i tuun wi syɛ́ɛnri céefɔɔlɔ na.