Yirile 5:3 - Cebaara Bible 2010

³ A be jo: «Heburubèle Kolocɔlɔɔ wi baa wiyɛɛ dɛ̀ɛn wolo na. Ki yaʔa wolo í canya taanri tánʔana kpéʔele bi kári fìími tára ma bi sa sáriga wòlo Yawe wolo Kolocɔlɔw ma, koro ga pye wi a kɔ́ káfalagi yáama wàlá bi ŋɔséew tɛ́ʔɛ bi wolo kpúmɔn í.»

Yirile 5:3 Iomraidhean Croise

2 Fànʔafɔbèle 17:25

Lǎli ni be séli n baa tɛ́ɛn yaà lè, pe da ni Yawe kpɔ́ʔɔgi í. A Yawe si càarabèle tórigo be kánmi na, a poro ba ni be kúu.

2 Cányi kèlē 30:8

Koro na lǎli naa ni, yele a kɔ́ pye líiweepɛɛnnɛ syɛɛnnɛ àmɛɛ yele tóolɛɛbèle da pye lè í. Ye kɔ́yi kaan Yawe ma. Yáā maa wi tɛɛcǎngi ma wi sámaga n yaʔa lè gi kòro beè làla o làla, ye ba ra jǐn gi ni yaa báara Yawe yele Kolocɔlɔw ma, koro ga pye wi fundanʔari káfugbanga í kàri bi láʔa yele na.

Ɛsidirasi 7:23

Nyɛ̀ʔɛni Kolocɔlɔɔ ga gee myɛ joo n gbàn lè, ki n yɛlɛ gi kpéʔele gi kpéʔeleganmi na nyɛ̀ʔɛni Kolocɔlɔɔ kpáagi kéele na, koro ga pye wi fundanʔari a kɔ́ too fànʔafɔw fànʔa, ní wi jáabèle na í.

Yirile 3:18

Pe a sa lóʔo mɔ ma. Mɔ ní Isirayɛli wolɛɛbèle si a pínɛ kári Ezyipiti fànʔafɔw ma bi sa wi pye: ‹Yawe wi lè Heburubèle Kolocɔlɔɔ, woro wi baa wiyɛɛ dɛ̀ɛn wolo na. Tɔ́ɔliw ni ki n yɛlɛ mi fɔ̀lɔ gi na mi wolo yaʔa wolo í canya taanri tánʔana kpéʔele bi kári fìími tára ni, koro ga pye bi sa sáriga wòlo Yawe wolo Kolocɔlɔw ma.›

Yirile 7:16

Mi sa gi joo wi ma mí wi pye: ‹Yawe wi lè Heburubèle Kolocɔlɔɔ, woro wi mii tun mɔ ma, níì jo mii í ba mɔ pye woro n jo: Mii syɛ́ɛnbèle yaʔa be kári be sa mii kpɔ̀ʔɔrɔ fìími tára ni. Kàjáa àlí n baa nan lǎli naa na, mɔ ga fɔ̀lɔ n lóʔo í.

Yirile 8:1

A Yawe gi joo Mowizi ma níì wi pye: «Ki joo Aarɔn ma, mí wi pye: ‹Mɔ kɔ́gi sánʔa ní mɔ kagbeeli ní, lókoloyi, ní Niili cábikɔyi, ní lǒgi wéeye njoʔo ni, mi jàwaliri yirige yaà di càmi Ezyipiti tári ni.› »

Yirile 8:20

A Yawe gi kpéʔele kánmi bee na, a sɔɔnrɔ sísyɔɔnnɛʔɛgɛ pan n baa jée Faraɔnw fànʔafɔ-gbaʔa ni, ní wi falipyebèle kpaaya ni, n fàra Ezyipiti tári myɛ na. A sísyɔɔnri tɔ̀nɔ n tári myɛ kálagi.

Yirile 8:27

A Yawe gi kpéʔele n yɛlɛ ní Mowizi syɛ́ɛnri ní. A sísyɔɔnri láʔa Faraɔnw, ní wi falipyebèle, ní wi tári syɛ̀ɛnnɛ na. Kàa ga níì kòro yaà í.

Ezekyɛli 6:11

Kàfɔw Yawe wi syɛ́ɛnri naa joo níì jo: «Kadaagèle kóri keyɛɛ na, mí yédaali súu tári na mí jo: ‹Céì!› Nɔ́nʔɔbeeri myɛ kéele na, dee Isirayɛli kpáagi wòolo kpéʔele lè, poro bele ŋɔséew, ní kateekpɔɔgi, ní káfalagi yáama a kpóo cáan lè.

Levii ye sáriga-wòlori 26:25

Mii a ŋɔséew tórigo yele kurugo wi sa joogaanni kálagila gɔlɔ wòlo. Yele ga yeyɛɛ gbóʔoro n sáà kòro yele kèkpoloyi ni lǎli ni lè, mii a káfalagi yáama wáa yele na. Yele a le yele nigoow kɔ́yɔ ni.

Làlwaw Kaanziin 28:21

Yawe a káfalaga yáama tan mɔ na fwɔɔ bi taa pi mɔ kálagi yirige yaà tári ni, dee ni mɔ a sa jée lè bi di syɔɔ taa.