Yirile 5:2 - Cebaara Bible 2010

² A Faraɔnw be yari: «Wìí wi nyɛ Yawe, mii si kɔ́ fɔ̀lɔ bi lóʔo wi ma si Isirayɛli ye yaʔa be kári? Mii ga Yawe cán í. Mii a tée Isirayɛli ye yaʔa be kári í.»

Yirile 5:2 Iomraidhean Croise

2 Fànʔafɔbèle 18:35

Tátɛɛyi myɛ kolocɔlɔbèlē ni, pe bɛ̀lɛ́ pe be tára yirige mii kɔ́gi ni, Yawe si kɔ́ Zyerusalɛmi yirige mii kɔ́gi ni?› »

2 Cányi kèlē 32:14

Tátɛɛyee myɛ mii tóolɛɛbèle kálagi n kwɔ́ɔ lè péw, yi kolocɔlɔbèle ni, pe wìí wi gbàn n wi syɛ̀ɛnnɛ yirige mii kɔ́yi ni, á gi náa kɔ́ɔ̀ yére yele Kolocɔlɔw í gbǎn yele yirige mii kɔ́gi ni?

2 Cányi kèlē 32:15

Lǎli naa ni ki ga yɛlɛ ye Ezekyasi yaʔa wi yele fáana pùuni í, bi yele sɔ́ɔn kánmi bee na í. Yele a kɔ́ yeyɛɛ daʔa wi na í. Níì cán syɛɛnfelegaa faala kolocɔlɔɔ, ní fàngaa faala kolocɔlɔɔ ga gbàn n wi syɛ̀ɛnnɛ yirige mii ní mii tóolɛɛbèle kɔ́lɔ ni í. Yele Kolocɔlɔw a wɔ́ɔ gbǎn yele yirige mii kɔ́gi ni í.› »

2 Cányi kèlē 32:19

Pe n Zyerusalɛmi Kolocɔlɔw kéele joo n wi tímana ní tári syɛɛnfeleye kolocɔlɔbèlē ní pe nyɛ lè syɔɔn kɔ́lɔ yakpéʔeleye.

Nehemii 9:10

Mɔ n fɛ̀ɛbēle ní kakpoloyo kpéʔele Faraɔnw ní wi syɛɛnkpolobèle myɛ, ní wi tári syɛ̀ɛnnɛ myɛ kánma na, níì cán mɔ maa gi cán nyùnwaagee felege ní pe da wolo tóolɛɛbèle cò lè, a mɔ mɛ́ɛkpɔʔɔ taa, gee gi nyɛ mɔ na lè, àlí n baa nan níjanʔa na.

Zyɔbi 15:25

Níì cán wi n wi kɔ́gi sánʔa Kolocɔlɔɔ kánmi na. Wi n soro n yére n Séew Myɛ Kàfɔlɔ sige.

Zyɔbi 15:26

Wi líiweepɛɛnnɛtɔw maa tìn n sín Kolocɔlɔɔ na, ní i nyɛ wi tunmɔzige-yárigi wolibege kàdoʔo ma.

Zyɔbi 21:15

Wìí wi nyɛ Séew Myɛ Kàfɔlɔ, á gi yɛlɛ wolo í da báara wi ma? Wolo ga ni wi nyɛ́ɛri nyàʔá tɔ̀nɔfeleo wolo a taa gee bee ni?›

Ŋúnuyi 10:4

Syɛɛnpeeo i wiyɛɛ gbɔ́ʔɔgi ní i gi nyuu níì jo: «Yíbege o yaà í! Kolocɔlɔɔ o yaà í!» Wi sɔ̀nguri myɛ di nyɛ toro.

Ŋúnuyi 12:4

Nyɔ́ɔyee yi syɛɛnlɛɛlɛri nyuu lè, ní nyínlee li kpɔ́ɔmi syɛ́ɛnrɛ nyuu lè, ki n yɛlɛ Yawe í toro myɛ kwɔ́ɔ yirige yaà,

Ŋúnuyi 12:5

poro bele be gi nyuu lè níì jo: «Wolo i fànʔa taagi wolo nyíngèle báriga ni, wolo nyɔɔwari i nyɛ wolo wóro, wìí syɔ́ɔn wi a ní pye wolo kàfɔw?»

Ŋúnuyi 14:1

Ŋúnuŋùúbèle kùndigi wóʔo. Davidi ŋúnugi. Nilabalaga ki gi nyuu kiyɛɛ fúngi ni níì jo: «Kolocɔlɔɔ o yaà í!» Pe n peyɛɛ gálagi, pe n kapeekpoloyo kpéʔele. Syɔɔn faala o beè, wee wi kacàngēle kpéʔele lè í.

Yirile 3:19

Mii n gi cán Ezyipiti fànʔafɔw a yele yaʔa yele í kári í, fwɔɔ séekpɔɔɔ kɔ́lɔ ga baa wi kpɛ̀ɛn.

Yirile 7:17

Yawe si n jo: Gee naa na mɔ a gi cán bi cán mii wi nyɛ Yawe. Wéle, kàgbeeli li nyɛ mii kɔ́gi ni lè, mii a li tɛ́ʔɛ bi Niili cábigi kpúmɔn, lǒgi a kàri sìsyaan.

Kàseegèle 30:9

koro ga pye mii a kɔ́ tín si mɔ cée í, sáā gi nyuu si jo: ‹Wìí wi nyɛ Yawe?› Wàlá mii í fɔ̀n si kɔ́ yùu koro si mii Kolocɔlɔw mɛ́ʔɛ nɔ́nʔɔ í.

Zyeremii 42:13

Kàjáa yele ga gi joo níì jo: ‹Wolo a tɛ́ɛn tári naa ni í!› Yele ga pye yele ga fɔ̀lɔ n Yawe yele Kolocɔlɔw jóomɔ lóʔo í,

Zyeremii 48:26

«Ye wi kaan wi gbaa wi yɛ́ɛgi í da wóo wi na níì cán wi n yìri Yawe kánmi na. Ki n yɛlɛ Mowabi í da kòlogí wi tùguri ni, woro tiimaa si wɔ́ɔ pye kataanra yála!

Danyɛli 3:15

Tɔ́ɔliw ni ki n yɛlɛ ye sámaga ye yaʔa, lǎli ni yele ga tòmaagi, ní maani, ní gitaariw, ní dǎngbogèle, ní ŋúnuyi yatingbumɔnʔɔ, ní gbòfeew, ní yatingbumɔnri féleye myɛ kàfulogo lóʔo lè, ye tìgi ye too ye tɛ́ɛw ǹdevanʔa kpɔ̀ʔɔrɔ, gee mii kpéʔele lè. Yele si ga pye yele ga fɔ̀lɔ n gi kpɔ̀ʔɔrɔ í, yele a wáa làrinijanna ni fúruw naagbanga ni. Kolocɔlɔwìí wi a gbǎn yele yirige mii kɔ́gi ni?»

Zyan 16:3

Pe a ba ra kérigèle bee kpéʔele yele na níì cán pe ga Tofɔw cán í, pe ga wɔ́ɔ̀ mii cán í.

Wɔrɔmi ye 1:28

Pe ga fɔ̀lɔ n Kolocɔlɔɔ kéeli yaʔa peyɛɛ fúnyi ni í, gee bee na Kolocɔlɔɔ be yaʔa be fɛ̀ɛfɔnmi sɔ̀ngurɔ kɔ́yɔ ni, koro ga pye paa kanaa-sìnbyeri kpéʔele.

2 Tesaloniki ye 1:8

pe a tìgi ní naanyìnge ní bi ba Kolocɔlɔɔ téefɔbèle ní wo Kàfɔw Zyezu Syɛɛnjóocǎnri céefɔɔlɔ wɔʔɔ.

Jàbɔbèle 2:10

Yìrili bee wòolo myɛ maa wɔ́ɔ baa kùu n fàra be toolɛɛbèle na, á pèle baa yìri poro kurugo, bele be lè pe ga Yawe cán í, kérigèle gele wi da kpéʔele Isirayɛli ye ma lè, pe si ga wɔ́ɔ̀ gele bee cán í.

1 Samyɛli 2:12

Helii jáabèle si maa pye nifaʔaya, pe da Yawe cán í.

1 Samyɛli 25:10

A Nabali Davidi falipyebèle yari: «Wìí wi nyɛ Davidi, Izayi jáaw wi nyɛ wìí? Pulobèlē saʔa i fé ni yirigi be kàfɔɔlɔ tɛ́ɛyɛ ni níjanʔa.