Yirile 5:1 - Cebaara Bible 2010

¹ Gee bee kàdoʔo ma, a Mowizi ní Aarɔn kári Faraɔnw ma n sáà wi pye: «Yawe wi lè Isirayɛli ye Kolocɔlɔw, wi n gi joo níì jo: ‹Mii syɛ́ɛnbèle yaʔa be kári be sa fɛ́tii kpéʔele mii ma fìími tára ni.› »

Yirile 5:1 Iomraidhean Croise

1 Fànʔafɔbèle 21:20

A Akabi baa Elii pye: «Mii nigoow, a mɔ mii caa lé n nyaa?» A wi wi yari: «Ɛɛn, mii n mɔ caa n nyaa. Níì cán mɔ n miyɛɛ pára n gi kpéʔele, gee gi pee Yawe nyɛ́nɛ na lè.

Ŋúnuyi 119:46

Mii a ra mɔ kajoogèle nyuu fànʔafɔbèle nyɛ́nɛ na, fɛ̀ɛrɛ si a tée mii taa í.

Yirile 10:3

A Mowizi ní Aarɔn kári Faraɔnw ma n sáà wi pye: «Yawe wi lè Heburubèle Kolocɔlɔɔ, wi n jo: ‹Làlìí ni mɔ a láʔa nya mɔ céemi na? Mii syɛ́ɛnbèle yaʔa be kári be sa mii kpɔ̀ʔɔrɔ.

Yirile 10:4

Mɔ ga pye mɔ ga fɔ̀lɔ n mii syɛ́ɛnbèle yaʔa a be kári í, nyɛ̀ʔɛna mii a kúdo yaʔa wi jée mɔ tásaligi ni.

Yirile 10:9

A Mowizi wi yari: «Wolo a kári ní wolo nìgɔcaribèle, ní wolo wolɛɛbèle, ní wolo nànbiigèle, ní wolo calipiigèle ní n fàra wolo yaweeyiligèle, ní wolo yaweekpologèle na. Níì cán ki a sa pye wolo ma Yawe fɛ́tii.»

Yirile 3:18

Pe a sa lóʔo mɔ ma. Mɔ ní Isirayɛli wolɛɛbèle si a pínɛ kári Ezyipiti fànʔafɔw ma bi sa wi pye: ‹Yawe wi lè Heburubèle Kolocɔlɔɔ, woro wi baa wiyɛɛ dɛ̀ɛn wolo na. Tɔ́ɔliw ni ki n yɛlɛ mi fɔ̀lɔ gi na mi wolo yaʔa wolo í canya taanri tánʔana kpéʔele bi kári fìími tára ni, koro ga pye bi sa sáriga wòlo Yawe wolo Kolocɔlɔw ma.›

Yirile 33:13

Tɔ́ɔliw ni doò, kapye mii n kacànna taa mɔ ma, mi mɔ kakɔrirɔgèle tɛ̀ɛn mii na. Lǎli bee ni mii a mɔ sámaga cán, kánmi bee na mii a mɔ dubaw taa. Mí sɔ̀ngi mi taa gi na mi cán syɛ́ɛnmi naa i nyɛ mɔ wómɔ.»

Yirile 4:23

Mii n gi joo mɔ ma níì mɔ pye: Mii jáaw yaʔa wi kári wi sa báara mii ma. Mɔ si ga fɔ̀lɔ n wi yaʔa a wi kári í, gee bee na mii a mɔ nanbiiselili kpóo.› »

Yirile 6:11

«Da syée mi sa gi joo Faraɔnw ma wi lè Ezyipiti ye fànʔafɔw mí wi pye, ki n yɛlɛ wi Isirayɛli ye yaʔa be yiri wi tári ni bi kári.»

Yirile 6:27

Mowiziw bee, ní Aarɔnw bee be wɔ́ɔ sáà joo ní Faraɔnw ní, wi lè Ezyipiti ye fànʔafɔw, jàngó bi Isirayɛli ye yirige Ezyipiti ni.

Yirile 7:16

Mi sa gi joo wi ma mí wi pye: ‹Yawe wi lè Heburubèle Kolocɔlɔɔ, woro wi mii tun mɔ ma, níì jo mii í ba mɔ pye woro n jo: Mii syɛ́ɛnbèle yaʔa be kári be sa mii kpɔ̀ʔɔrɔ fìími tára ni. Kàjáa àlí n baa nan lǎli naa na, mɔ ga fɔ̀lɔ n lóʔo í.

Yirile 7:2

Gee myɛ mii a joo gbàn mɔ ma lè, mi gi joo, mɔ yɛʔɛfɔw Aarɔn a sa gi joo Faraɔnw ma jàngó wi Isirayɛli pìíbèle yaʔa be yiri wi tári ni.

Yirile 8:1

A Yawe gi joo Mowizi ma níì wi pye: «Ki joo Aarɔn ma, mí wi pye: ‹Mɔ kɔ́gi sánʔa ní mɔ kagbeeli ní, lókoloyi, ní Niili cábikɔyi, ní lǒgi wéeye njoʔo ni, mi jàwaliri yirige yaà di càmi Ezyipiti tári ni.› »

Yirile 8:16

A Yawe gi joo Mowizi ma níì wi pye: «Nyɛ̀ʔɛna nyǐngi nyɔ́ɔ na, ki n yɛlɛ mi sɔ̀li mi kári mi sa yére Faraɔnw yɛ́ʔɛ ma lǎli ni wi a yiri kári lònyɔɔw ma lè. Mí sa wi pye, Yawe n jo: ‹Mii syɛ́ɛnbèle yaʔa be kári be sa mii kpɔ̀ʔɔrɔ.

Yirile 8:17

Kapye mɔ ga fɔ̀lɔ n mii syɛ́ɛnbèle yaʔa a be kári í, mii a sɔɔnrɔ sísyɔɔnrɔ kɔ́ri tɔ́n mɔ ní mɔ syɛɛnkpolobèle, ní mɔ tári syɛ̀ɛnnɛ, ní mɔ kpáayi na. Ezyipiti syɛ́ɛnbèle kpaaya a nyìn sísyɔɔnri na, n fàra tásaligi na, gee na be nyɛ lè.

Yirile 8:20

A Yawe gi kpéʔele kánmi bee na, a sɔɔnrɔ sísyɔɔnnɛʔɛgɛ pan n baa jée Faraɔnw fànʔafɔ-gbaʔa ni, ní wi falipyebèle kpaaya ni, n fàra Ezyipiti tári myɛ na. A sísyɔɔnri tɔ̀nɔ n tári myɛ kálagi.

Yirile 8:27

A Yawe gi kpéʔele n yɛlɛ ní Mowizi syɛ́ɛnri ní. A sísyɔɔnri láʔa Faraɔnw, ní wi falipyebèle, ní wi tári syɛ̀ɛnnɛ na. Kàa ga níì kòro yaà í.

Yirile 9:1

A Yawe gi joo Mowizi ma níì wi pye: «Da syée mi sa gi joo Faraɔnw ma mí wi pye: ‹Yawe wi lè Heburubèle Kolocɔlɔɔ, wi n jo: Mii syɛ́ɛnbèle yaʔa be kári be sa mii kpɔ̀ʔɔrɔ.

Yirile 9:2

Mɔ ga pye mɔ ga fɔ̀lɔ n be yaʔa be kári í ní sèʔê tan be na,

Ezayi 25:6

Yawe wi lè Nyɛ̀ʔɛni Sùlasiibéle Kafɔlɔ, wi a sìnmɛ káara liigbɔɔlɔ sámaga syɛɛnfeleyi myɛ ma nyanbelegi naa na, dùvɛɛncàɔn lìigbɔɔlɔ, pìrenɛʔɛmɛ káara, ní dùvɛɛncàɔn, wee be sámaga n fyɛɛni lè.

Ezekyɛli 2:6

Mɔ si na, syɔɔn-pya, mɔ a kɔ́ fyáa be na í, wàlá bi fyáa be syɛɛnjóori na í, àlí n gi yaʔa mɔ i nyɛ wúuro tiipiiye, ní wúuro tírire nínge ni, níì tɛ́ɛn náabéle na, mɔ a kɔ́ fyáa be syɛɛnjóori na í, pe yɛ́ɛyi a kɔ́ zɔ̀nviikɔnirɔ wáa mɔ na í, níì cán niceebéle narigbaʔa gii.

Matye 10:18

Pe a wɔ́ɔ kɔ́ yele kɔ́ri bi sa yérige tári kacɔɔnribéle ní fànʔafɔbèle yɛ́ʔɛ ma mii kéeli na, jàngó yele í pye séera poro ní syɛɛnfeleyi myɛ ma.

Matye 10:28

Bele be céri kúu lè, pe si a gbǎn pǐli kpóo í, yele a kɔ́ ra fɛ̀ɛgí bele bee na í. Kolocɔlɔɔ na yele yɛlɛ bàā fɛ̀ɛgí, woro wee wi a gbǎn pǐli ní céri myɛ pínɛ kálagi lè tɛɛwɔʔɔgi ni.

Kapyegèle 4:29

Kàfɔw, mi gi wéle àmɛɛ be gi joo n gbàn wolo ma lè tɔ́ɔliw ni, koro na wolo wo nyɛ lè mɔ falipyebèle, mi nànzorodi myɛ kaan wolo ma wolo í gbǎn ra mɔ syɛ́ɛnri nyuu,

1 Korɛnti ye 5:8

Koro na gi yɛlɛ wolo í sériw kpéʔele ní levé fun búruw ní wi lè sínni ní kányɛɛgi, ki ga yɛlɛ wolo í wi kpéʔele ní levélɛɛw ní í wi lè funbeegi ní kakolobyeri.