Yirile 40:3 - Cebaara Bible 2010

³ Mí séeraw kásu tɛ́ʔɛ yaà, mí wi sùlu ní fànipariw ní.

Yirile 40:3 Iomraidhean Croise

1 Cányi kèlē 17:5

Níì cán nlaa cángee na mii Isirayɛli ye kɔ́ri n yirige n pan lè fwɔɔ n baa nan níjanʔa na, mii ga kɔ́ɔ̀ tɛ́ɛn kpaʔa ni í. Kàjáa fànikpaaya ni mii da ni kòró, ní i kàragí ni máari tɛ́ɛyi ni.

Yirile 25:10

«Ki n yɛlɛ pe kásu sámaga ní akasya tíire ní. Wi tɔnɔganmi í pye mɛ́tiri nibin, ní santimɛtiribéle toko ní kagunɔ, wi kpɔ́ʔɔganmi si pye santimɛtiribéle togoye taanri ní kpɔrigɔ ní kagunɔ, wi ǹjogi tɔnɔganma si wɔ́ɔ pye santimɛtiribéle togoye taanri ní kpɔrigɔ ní kagunɔ.

Yirile 25:22

Mii a ra mɔ fàrá kapeegèle kùsulugo tɛ́ʔɛ ǹjoʔo ni, séeraw kásu na syerubɛnbèle siin nínge ni, koro ga pye bàā mii tundunri myɛ nyuu da gbàngí mɔ ma Isirayɛli ye kéeli na.

Yirile 26:31

Ki n yɛlɛ mi fànipariɔ sámaga ní kɔ́luruna cére fàni, ní fàninyɛɛɔn, ní fàninyɛɛn-tèleo ní, n fàra lɛn fànifɛɛlɛfɛɛlɛɔ na, wee be sára lè. Pé syerubɛnbéle sámaga wi na bi yɛlɛ ní kacánmi fálipyeganma ní.

Yirile 31:7

Koro gi nyɛ Syɛ́ɛnmi Tɛɛfaraga fànikpaʔa, ní Séeraw kásu, ní kapeegèle kùsulugo tɛ́ʔɛ ki a pye lè wi ǹjogi ni, ní fànikpaagi yayigelere myɛw,

Yirile 35:12

ní joogaanni kásu, ní wi tíingèle, ní kapeegèle kùsulugo tɛ́ʔɛ, ní fànipariw,

Yirile 35:4

A Mowizi gi joo Isirayɛli yòdaʔayi syɛ̀ɛnnɛ myɛ ma níì jo: «Gee Yawe níì joo n gbàn lè, koro gi nyɛ gee naa: Wi n jo:

Yirile 39:32

Kánmi bee na kpɔ̀ʔɔrɔli fànikpaʔa fáli myɛ kwɔ́ɔ, ki lè Syɛ́ɛnmi Tɛɛfaraga fànikpaʔa. Gee myɛ Yawe da joo n gbàn Mowizi ma lè, a Isirayɛli ye gi kpéʔele kánmi bee na.

Levii ye sáriga-wòlori 16:14

Wi a náapeli sìsyaanwaa láa si wi kabeli tɛ́ʔɛ bi wi nyari nyari kapeegèle kùsulugo tɛ́ʔɛ yɛ́ʔɛ ma canʔafolomɔ kabangi na. Wi a sìsyaanwaa nyari nyari tɔlɔyɔ kɔrɔsiin ní wi kabeli ní kapeegèle kùsulugo tɛ́ʔɛ yɛ́ʔɛ ma.

Córolo 4:5

Lǎli ga nan pe yìri tɛɛ̀tɛ́nɛgi ni bàā syée, Aarɔn ní wi jáabèle a jée bi fànipariw tìrige bi tɔ́n séeraw kásu na.

Heburubèle 9:3

Fàni siin wów be tɛ́ʔɛ n kpáagi pari lè, kpaafunzangi maa pye wee bee màʔama na, pe i gi yiri Tɛɛcàndelegi.

Tɛ̀ɛnnɛ 11:19

A wàa Kolocɔlɔɔ kpɔ̀ʔɔrɔli kpaʔa múgu gi nyɛ lè nyɛ̀ʔɛni ni, a mii wi joogaanni kásu nyaa wi kpɔ̀ʔɔrɔli kpaʔa ni. A nyɛ̀ʔɛni fala ni nyɛ́ʔɛnɛ, ní i tìngí, ní i folo ni kabagi, a tári cúngo, a zěsolomɔ i tuun wogbolomɔ ní.