Yirile 40:2 - Cebaara Bible 2010

² «Yɛ́ɛli yézelige cânzelige na, ki n yɛlɛ mi kpɔ̀ʔɔrɔli fànikpaʔa kóri, ki lè Syɛ́ɛnmi Tɛɛfaraga fànikpaʔa.

Yirile 40:2 Iomraidhean Croise

1 Cányi kèlē 17:5

Níì cán nlaa cángee na mii Isirayɛli ye kɔ́ri n yirige n pan lè fwɔɔ n baa nan níjanʔa na, mii ga kɔ́ɔ̀ tɛ́ɛn kpaʔa ni í. Kàjáa fànikpaaya ni mii da ni kòró, ní i kàragí ni máari tɛ́ɛyi ni.

2 Cányi kèlē 29:3

Woro wi Yawe kpáagi kɔ̀riyɔ múgu wi fǎngi yɛɛzelile yezelige na, níì yi sámaga.

Yirile 13:4

Yele ye yirigi bele níjanʔa Abiibi yégi ni.

Yirile 19:1

Isirayɛli ye yirili kàdoʔo ma Ezyipiti tári ni, ki yedaanri wógi na pe jée cángi bee Sinayii fìími tára ni.

Yirile 26:1

«Ki n yɛlɛ mi kpɔ̀ʔɔrɔli fànikpaʔa sámaga mii ma ní fànitɔnɔyɔ kɛɛ ní. Ki sámaga ní lɛn fànifɛɛlɛfɛɛlɛɔ ní wee be sára lè, ní kɔ́luruna céri fàni, ní fàninyɛɛnw, ní fàninyɛɛn-telew ní. Mí syerubɛnbéle sámaga yaà bi yɛlɛ ní kacánmi fálipyeganma ní.

Yirile 26:30

Kánmee bi tɛ̀ɛn mɔ na nyanbelegi na lè, ki n yɛlɛ mi kpɔ̀ʔɔrɔli fànikpaʔa sámaga mi yɛlɛ ní kánmi bee ní.

Yirile 26:7

Mɔ a fàniyaa sámaga ní sike-síire ní, yoro í pye kpɔ̀ʔɔrɔli fànikpaʔa njoʔo ma tɔ́nnɔ kéele na. Mɔ a yee bee sámaga fàniyaa kɛɛ ní nibin.

Yirile 27:21

Aarɔn ní wi jáabèle n yɛlɛ bi fètingèle tɛ́ʔɛ Syɛ́ɛnmi Tɛɛfaraga fànikpaʔa ni, fànipariw kàdoʔo ma wi lè séeraw kásu yɛ́ʔɛ ma, koro ga pye kaa nyín mii Yawe yɛ́ʔɛ ma bi séli cângwɔɔgi nyɔ́ɔ na bi taa sa nan nyǐngi nyɔ́ɔ na. Gee bee a kòro beè bàngwɔɔ làlwa Isirayɛli ye yìrigèle syɛ̀ɛnnɛ myɛ ma.

Yirile 30:36

Mí gi kàa súu míige mi tɛ́ʔɛ Séeraw kásu yɛ́ʔɛ ma, Syɛ́ɛnmi Tɛɛfaraga fànikpaʔa ni, beè mii a ra mɔ fàrá lè. Ki a pye yele ma yacandelege.

Yirile 35:11

Koro gi nyɛ tɛɛkòrojǎngi, ní gi fànikpaagi, ní gi yatɔngi, ní gi yakparagèle, ní gi tiikpakpaayi, ní gi tiipalagèle, ní gi gàángèle, ní ge yataʔayi,

Yirile 36:18

A be kanyɛɛnrɛ yakparagéle togoye siin ní kpɔrigɔ sámaga n fàniyi bee sogi yiyɛɛ na, koro ga pye yi pye nibin.

Yirile 40:1

A Yawe gi joo Mowizi ma níì jo:

Yirile 40:6

Mí sáriga-sórigow sáriga-wòlo-yafanʔa tɛ́ʔɛ kpɔ̀ʔɔrɔli fànikpaʔa tɛɛ̀jeele yɛ́ʔɛ ma ki lè Syɛ́ɛnmi Tɛɛfaraga fànikpaʔa.

Ezekyɛli 40:1

Wolo cò-mí-kárili yɛ̀ʔɛlɛ toko ní kagunɔ wóli na, yɛ́ɛli sélimɛ na, yégi canya kɛɛ wóʔo na, kěgi toogwɔɔlɔ kàdoʔo ma yɛ̀ʔɛlɛ kɛɛ ní sicɛrɛ wóli na, cángi bee na Yawe kɔ́gi maa pye mii na, a wi kári ní mii ní yaà.

Ezekyɛli 45:18

Kàfɔw Yawe wi syɛ́ɛnri naa joo níì jo: ‹Yezeligi cânzelige na, mɔ a tɛɛlɛ fun náapebile cò bi sáriga-wòlo-tɛ́ɛgi nɔ́nʔɔrɔ láʔa yaà.

Córolo 1:1

Yawe n joo ní Mowizi ní Sinayii fìími tára ni, Syɛ́ɛnmi Tɛɛfaraga fànikpaʔa ni, pe yirili kàdoʔo ma Ezyipiti tári ni yɛɛziin wóli yeziin wóʔo cânzelige na, níì jo:

Córolo 7:1

Lǎli ni Mowizi kwɔ́ɔ lè kpɔ̀ʔɔrɔli fànikpaʔa kórilo na, a wi sǐnmi wo gi na n gi yaʔa kɔlɔ̀ na Kolocɔlɔɔ ma, n fàra gi yayigeleri myɛ na, ní sáriga-wòlo-yafaangi, ní gi yayigeleri myɛ ní. A wi sǐnmi wo di na n di yaʔa kɔlɔ̀ na Kolocɔlɔɔ ma.

Córolo 9:1

A Yawe joo ní Mowizi ní Sinayii fìími tára ni, pe yirili kàdoʔo ma Ezyipiti tári ni yɛɛziin wóli yézelige na, wi n jo:

Córolo 9:15

Cángee na kpɔ̀ʔɔrɔli fànikpaʔa kóri lè, a fàfaangi fala n baa kpɔ̀ʔɔrɔli fànikpaʔa tɔ́n, ki lè Séeraw Fànikpaʔa. Ki maa ni pingi kpɔ̀ʔɔrɔli fànikpaʔa na bi séli cângwɔɔgi nyɔ́ɔ na bi sa nan nyǐngi nyɔ́ɔ na àmɛɛ naà nyɛ lè.