Yirile 4:5 - Cebaara Bible 2010

⁵ A Yawe jo: «Sa koro kpéʔele jàngó pe tága gi na bi cán Yawe wi lè poro tóolɛɛbèle Kolocɔlɔɔ, wi lè Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw, woro wi wiyɛɛ dɛ̀ɛn mɔ na.»

Yirile 4:5 Iomraidhean Croise

Sélimɛ 12:7

A Yawe wiyɛɛ dɛ̀ɛn Abirami na níì wi pye: «Mii a tári naa kaan mɔ yodaʔagi ma.» Tɛ́ɛgee ni Yawe wiyɛɛ dɛ̀ɛn Abirami na lè, a Abirami sáriga-wòlo-yafanʔa faan Yawe ma tɛ́ɛgi bee ni.

Sélimɛ 17:1

Lǎli ni Abirami taa lè yɛ̀ʔɛlɛ dabata nibin fɔ̀n, a Yawe wiyɛɛ dɛ̀ɛn wi na níì wi pye: «Mii wi nyɛ Kolocɔlɔɔ, wee wi nyɛ lè Séew Myɛ Kàfɔlɔ. Ki n yɛlɛ mi kòro maa táanri mii yɛ́ʔɛ ma mí pye dìgire fun.

Sélimɛ 18:1

Yawe n wiyɛɛ dɛ̀ɛn Abirahami na Mamire syɛni tíiri láara ni. Abirahami maa pye wodɛ́ɛɔn ní wi fànikpaagi kpaaweele na cángi làrigbanna ni.

Sélimɛ 26:2

A Yawe wiyɛɛ dɛ̀ɛn wi na níì wi pye: «Mɔ a kɔ́ kári Ezyipiti ma í. Táree mii ga tɛ̀ɛn mɔ na lè, ki n yɛlɛ mi tɛ́ɛn dee bee ni.

Sélimɛ 28:13

Yawe si i nyɛ woyéreo ní ki ǹjogi ni. A Yawe wi pye: «Mii wi nyɛ Yawe, mɔ tóolɛɛgi Abirahami Kolocɔlɔw, ní mɔ tóow Izaaki Kolocɔlɔw. Táree na mɔ sínɛ lè dee, mii a di kaan mɔ ní mɔ yodaʔayi ma.

Sélimɛ 48:15

A wi dùba kpéʔele Zyozɛfu ma níì jo: Kolocɔlɔwee yɛ́ʔɛ ma mii tóolɛɛgi Abirahami, ní mii tóow Izaaki da ni síngi ni táanri lè, Kolocɔlɔw bee wi nyɛ mii nàʔafɔw nlaa mii nyɛ beè lè fwɔɔ n taa n baa nan níjanʔa na,

Sélimɛ 48:3

A Zyakɔbi gi joo Zyozɛfu ma níì jo: «Kolocɔlɔɔ wi nyɛ lè Séew Myɛ Kàfɔlɔ, wi n wiyɛɛ dɛ̀ɛn mii na Luzi ma, Kanaan tári ni níì dùba taʔa mii na,

1 Fànʔafɔbèle 18:36

A sárigaw làriwololo ga nan, a kanyaajoow Elii sɛ̀ʔɛrɛ yaà níì jo: «Ee Yawe, mɔ wi lè Abirahami, ní Izaaki, ní Isirayɛli Kolocɔlɔw, ki n yɛlɛ pe gi cán níjanʔa bi cán mɔ wi nyɛ Kolocɔlɔɔ Isirayɛli ni, si wɔ́ɔ gi cán bi cán mii i nyɛ mɔ falipyeo, si ní gi cán bi cán mɔ wi jo mii í kérigèle naa myɛ kpéʔele níjanʔa.

2 Cányi kèlē 20:20

A be sɔ̀li n yìri nyǐngi nyɔ́ɔ na n yiri n kári Tekowa fìími tára kabaan na. Lǎli ni pe da ni yirigi lè, a Zyozafati yére níì gi joo níì jo: «Yele Zyuda ní Zyerusalɛmi ye, ye lóʔo mii ma. Ki n yɛlɛ ye tága Yawe yele Kolocɔlɔw na, fànʔa a jée yele ni. Ye tága wi kanyaajoobèle na, yele a fànʔa taa.»

Yirile 19:9

Lǎli bee ni a Yawe gi joo Mowizi ma níì wi pye: «Wéle, mii a pan mɔ ma fàfaanwɔʔɔ ni, koro ga pye mii ga ba ni nyuu ní mɔ ní, Isirayɛli ye í da mii joomi lúro, koro ga pye be tága mɔ na làla o làla.» A Mowizi syɛ́ɛnbèle syɛ́ɛnrɛ joo n tɛ̀ɛn Yawe na.

Yirile 3:15

A Kolocɔlɔɔ níì gi joo Mowizi ma níì wi pye: «Ki n yɛlɛ mɔ í wɔ́ɔ gi joo Isirayɛli ye ma kánmi naa na mí be pye: ‹Yawe wi lè yele tóolɛɛbèle Kolocɔlɔɔ, wi lè Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw, woro wi mii tun yele ma.› Koro gi nyɛ mii mɛ́ɛgi làla o làla. Kánmi bee na làrigèle myɛ syɛ̀ɛnnɛ a ra mii mɛ́ɛgi yiri.

Yirile 3:16

Da syée mi sa Isirayɛli wolɛɛbèle kpóʔoro mí be pye: ‹Yawe wi lè yele tóolɛɛbèle Kolocɔlɔɔ, woro wi wiyɛɛ dɛ̀ɛn mii na wi lè Abirahami ní Izaaki, ní Zyakɔbi Kolocɔlɔw. Wi n jo: Mii n tɔ̀nɔ n pan n baa yele wéle, gee myɛ gi kpéʔele yele na Ezyipiti ni lè, mii n gi nyaa.

Yirile 3:18

Pe a sa lóʔo mɔ ma. Mɔ ní Isirayɛli wolɛɛbèle si a pínɛ kári Ezyipiti fànʔafɔw ma bi sa wi pye: ‹Yawe wi lè Heburubèle Kolocɔlɔɔ, woro wi baa wiyɛɛ dɛ̀ɛn wolo na. Tɔ́ɔliw ni ki n yɛlɛ mi fɔ̀lɔ gi na mi wolo yaʔa wolo í canya taanri tánʔana kpéʔele bi kári fìími tára ni, koro ga pye bi sa sáriga wòlo Yawe wolo Kolocɔlɔw ma.›

Yirile 3:4

A Yawe wi nyaa a wi wàli ni syée bi sa gi wéle, n Kolocɔlɔɔ yaʔa yaà tiipiigi nínge ni, a wi Mowizi yeri níì jo: «Mowizi, Mowizi.» A Mowizi jo: «Cooì.»

Yirile 3:6

Ní níì jo: «Mii wi nyɛ mɔ tóow Kolocɔlɔɔ, wi lè Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw.» A Mowizi wi yɛ́ɛgi làriga, níì cán wi maa ni fɛ̀ɛgí bàā Kolocɔlɔɔ wéle.

Yirile 4:1

A Mowizi wi yari: «Pe a sa tága mii na í, pe a fɔ̀lɔ bi lóʔo mii ma í. Kàjáa pe a gi joo si jo: ‹Yawe ga wiyɛɛ dɛ̀ɛn mɔ na í.› »

Yirile 4:31

A syɛ́ɛnbèle bee tága. Pe maa gi cán ncan Yawe n pan n baa poro Isirayɛli ye wéle, níì poro fɔ̀rɔgi nyaa. Lǎli bee ni a be tìgi n kpùmɔnɔ níì too n cíbele n kpɔ̀ʔɔrɔli kpéʔele.

Yirile 4:4

A Yawe Mowizi pye: «Mɔ kɔ́gi sánʔa mi gi cò nángi na.» A wi kɔ́gi sánʔa n gi cò, a gi níì kàri kàgbeele wi kɔ́gi ni.

Ezayi 7:9

Efirayimi nyúngi gi nyɛ Samarii, Samarii nyúngi si i nyɛ Eremaliyahu jáaw. Yele ga pye yele ga tága í, yele a sámaga yére í.› »

Zyeremii 31:3

Yawe i wiyɛɛ dèé mii na léelige, níì jo: «Mii n bàngwɔɔ tàmaga le ní mɔ ní. Koro na mii mii funjǎngi kɔn mɔ kabangi na.

Zyan 11:15

Ki n tɔ̀nɔ n mii dɛ́nɛ gbanʔama yele kéeli na, àmɛɛ gi nyɛ lè mii da pye yaà í, koro ga pye yele si tága kányɛʔɛ ni. Koro ní ki myɛ ní yaa maa wo kári wi ma.»

Zyan 11:42

Níì cán mii n gi cán mɔ i mii nyɛ́ɛriyi lúro làrigèle myɛ ni, koro ní ki myɛ ní syɛ́ɛnmi naa kéele na mii gi joo, àmɛɛ bi yére n mii màʔa lè, koro ga pye pe tága gi na bi cán mɔ wi mii tun naa.»

Zyan 20:27

Ní náà Toma pye: «Mɔ kabeli taʔa naa nɛɛ, mii kɔ́yi wéle, mí wɔ́ɔ mɔ kɔ́gi le mii lɛ̀ʔɛli ni. Ki ga yɛlɛ mɔ í kòro sìndagali ni í, ki n yɛlɛ mi tága!»

Zyan 20:31

Kàjáa kérigèle naa n sɛ́bɛ koro ga pye yele í tága gi na, bi cán Zyezu wi nyɛ Kirisi, Kolocɔlɔɔ Jáaw, jàngó yele ga tága kánmi bee na, yele í sìi taa wi mɛ́ɛgi na.

Zyan 5:36

Séerawaa si ní i nyɛ mii ma, woro n kpɔ́ʔɔ n sɔ̀lɔ Zyan wów na. Séeraw bee wi nyɛ kérigèle gele Tofɔw kaan mii ma lè níì jo mii í ge kpéʔele foro, kérigèle gele mii kpéʔele lè, gele bee tiimaa i nyɛ mii séera, koro ga pye syɛ́ɛnbèle í gi cán Tofɔw wi mii tun.

Kapyegèle 7:2

A Etyɛni be yari: «Mii senyɛnbèle, ní mii tóobèle, ye lóʔo! Kolocɔlɔɔ wi lè nìjangbɔɔri fɔ́lɔ, wi maa wiyɛɛ dɛ̀ɛn wolo tóow Abirahami na lǎli ni wi da pye lè Mezopotamii ni, sáni wi sa tɛ́ɛn lè Karan ni.

Heburubèle 11:16

Kàjáa pe maa ni táraa caa, dee di nyɔɔ n sɔ̀lɔ lè, ti lè nyɛ̀ʔɛni wóro. Koro na àmɛɛ pe da ni Kolocɔlɔɔ yiri lè be Kolocɔlɔw, gee bee da pye wi na fɛ̀ɛrɛ í. Níì cán wi maa kèkpɔʔɔ sámaga be ma.