Yirile 4:22 - Cebaara Bible 2010

²² Lǎli bee ni mɔ a gi joo Faraɔnw ma si wi pye Yawe n jo: ‹Isirayɛli i nyɛ mii jáa, mii jáaseliw wii.

Yirile 4:22 Iomraidhean Croise

Ŋúnuyi 89:27

Wi a ra mii mɛ́ɛgi yiri si jo: ‹Mɔ wi nyɛ mii tóow! Mii Kolocɔlɔw, ní mii syɔɔli fálaga!›

Yirile 6:11

«Da syée mi sa gi joo Faraɔnw ma wi lè Ezyipiti ye fànʔafɔw mí wi pye, ki n yɛlɛ wi Isirayɛli ye yaʔa be yiri wi tári ni bi kári.»

Yirile 7:16

Mi sa gi joo wi ma mí wi pye: ‹Yawe wi lè Heburubèle Kolocɔlɔɔ, woro wi mii tun mɔ ma, níì jo mii í ba mɔ pye woro n jo: Mii syɛ́ɛnbèle yaʔa be kári be sa mii kpɔ̀ʔɔrɔ fìími tára ni. Kàjáa àlí n baa nan lǎli naa na, mɔ ga fɔ̀lɔ n lóʔo í.

Ezayi 63:16

Bi gi taa mɔ wi nyɛ wolo Tóow, Abirahami ga wolo cán í, Isirayɛli ní o sɔ̀ngí ni taagi wolo na í. Yawe, mɔ wi nyɛ wolo Tóow, n téè láa yaà kwɔ́ɔmɔ fun, mɔ i yiri wolo nyùnzyɔɔw.

Ezayi 64:8

Ee Yawe, mɔ a kɔ́ mɔ fúngi yaʔa gi tanʔa bi sa nan ki dǎnw na í, mɔ a kɔ́ ra sɔ̀ngí da taagi kolomi na bàā syée nya làla o làla í. Koro na gi wéle, wolo myɛ i nyɛ mɔ syɛɛnnɛ.

Zyeremii 2:14

«A Isirayɛli i nyɛ lé puloo, wàlá wee be see lè puloo? Nyàʔá na wi jée kolifɔbèle kɔ́yɔ ni?

Zyeremii 31:9

Pe i nyaan ni maa, mii si i maa ní be ní pe nyɛ́ɛrigboloyi nínge ni. Mii i syée ní be ní lǒyi ma yi fóo lè, kojànga ni, gee ni lè pe a gbǎn kpírige í. Níì cán mii i nyɛ Tofɔlɔ Isirayɛli ma, Efirayimi si i nyɛ mii pìiseliw.

Oze sɛ́bɛw 11:1

«Lǎli ni Isirayɛli pye lè wojáriɔ ní, wi kéeli maa mii dɛ́nɛ, mii n mii jáaw yeri n yirige Ezyipiti ni.

Malasyii 1:6

«Jaafɔlɔ i wi toò kpɔ́ʔɔgi, a falipyenàɔn i wi kàfɔlɔ kpɔ́ʔɔgi. Mii si ga pye Tofɔlɔ, kpɔ́ʔɔri di yɛlɛ mii na lè, sán di nyɛ? Mii ga pye Kàfɔlɔ, sán mii yɛ́ɛgi fyáara nyɛ?» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya. «Yele sáriga-wòlobèle má mii nyuu, yele bele ye mii mɛ́ɛgi faari lè, yele i gi nyuu níì jo: ‹Nyàʔá wolo kpéʔele n mɔ mɛ́ɛgi faʔa?›

Matye 2:15

n sáà kòro yaà n taa a Herodi baa kùu, jàngó Kàfɔw syɛ́ɛnrɛ í foro, dee wi da joo lè kanyaajoow nyɔ́ɔ ni níì jo: «Mii n mii jáaw yeri Ezyipiti tári ni.»

Wɔrɔmi ye 9:4

Poro be nyɛ Isirayɛli syɛ́ɛnbèle, bele Kolocɔlɔɔ kpéʔele lè woro pìibēle, níì wi nìjangbɔɔri, ní wi joogaangèle* kaan be ma, n fàra wi làlwaw, ní wi kpɔ̀ʔɔrɔli, ní wi nyɔɔfaliyi na.

2 Korɛnti ye 6:18

si pye yele Tóow, yele si wɔ́ɔ pye mii jáabèle, pe lè nanbèle ní cébèle.» Séew Myɛ Kàfɔlɔ wi gi joo ànbée.

Làlwaw Kaanziin 14:1

«Yele i nyɛ Yawe yele Kolocɔlɔw jàala. Yele a kɔ́ yele céri kɔnɔgi í, wàlá bi yele gbáagèle ǹjoʔo ma kùnu kùugo kéele na í.

Làlwaw Kaanziin 32:6

Yawe na lé yele jo bi gi taʔa, mɔ syɛɛnfele-nilabalaga, ki lè sícilimɛ fun? Woro ban wi nyɛ mɔ Tóow ní mɔ Faanfɔw ì? Ba woro ban wi mɔ kpéʔele níì fànʔa le mɔ ni ì?

Heburubèle 12:23

Yele n nùuni fundaanra syɛɛnkpoʔolomɔ na, ní booma wozelizeebèle Egilizi na, poro bele mɛ́ɛyɛ yi sɛ́bɛ lè nyɛ̀ʔɛni ni. Yele n nùuni Kolocɔlɔɔ na wi lè syɛ́ɛnbèle myɛ kútiijooo, ní syɛɛnsinbèle pìigēle na, bele be nyɔɔ n foro lè.

Zyaki 1:18

Wi n wolo séli n see kavɔn kányɛɛgi syɛ́ɛnrɛ báriga ni, wi n gee bee kpéʔele n yɛlɛ ní wi tiimaa kínidɛnɛgi ní, koro ga pye wolo í pye wozelibèle woro ma wi yafaanri myɛ nínge ni.