Yirile 4:14 - Cebaara Bible 2010

¹⁴ Lǎli bee ni a Yawe fúngi tanʔa gbanʔama Mowizi kurugo, a wi wi pye: «Mɔ yɛʔɛfɔw Aarɔn wi lè Levii ye wówaa, woro o yaà ì? Mii n gi cán jooli a sa ra syée woro ma. Woro si wi caa maa yaà wee ba mɔ fàra. Mɔ nyaani kéele a wi dɛ́nɛ wi fúngi ni gbanʔama.

Yirile 4:14 Iomraidhean Croise

2 Samyɛli 6:7

A Yawe fúngi tanʔa gbanʔama Uza kurugo, a Kolocɔlɔɔ wi kpúmɔn tɛ́ɛgi bee ni kéeli bee na wi kpéʔele lè sìnzɔngi ni. A wi kùu Kolocɔlɔɔ kásuw taana beè.

1 Fànʔafɔbèle 11:9

A Yawe fúngi tanʔa gbanʔama Salomɔn kurugo àmɛɛ wi da wi fúngi láʔa woro Yawe Isirayɛli ye Kolocɔlɔw na lè, woro wee wi da wiyɛɛ dɛ̀ɛn wi na lè tɔlɔyɔ siin.

1 Cányi kèlē 21:7

A tundunri bee kéele Kolocɔlɔɔ bɛɛn, a wi Isirayɛli ye kpúmɔn.

Ŋúnuyi 105:26

Wi n wi falipyew Mowizi tun ní Aarɔn ní wi nyɛ́nɛ n wòlo lè.

Yirile 4:13

A Mowizi jo: «Ee Kàfɔw, mii tɔ̀nɔ́ i mɔ nyɛ́ɛri, ki n yɛlɛ mi wàa nikwɔɔ tun.»

Yirile 4:17

Kàgbeeli naa cò mɔ kɔ́gi ni, loro lee ní mɔ a sa ra fɛ̀ɛ́bèle kpéʔele lè.»

Yirile 4:27

A Yawe gi joo Aarɔn ma níì wi pye: «Da syée mi sa Mowizi fàra fìími tára ni.» A wi kári n sáà wi fàra Kolocɔlɔɔ nyanbelegi ma níì wi syɔɔnri syɔɔnri.

Córolo 12:2

Pe maa ni gi nyuu níì jo: «Mowizi nibin nyɔ́ɔgi ni lé Yawe nyuu ? Wi wɔ́ɔ o nyuu wolo nyɔ́ɔyi ni ì ?» A Yawe gi lóʔo.

Kapyegèle 15:28

Níì cán ki n Pìicǎnni ní wolo myɛ dɛ́nɛ, a wo gi kɔ̀rirɔ n tímana n gi nyaa ki ga yɛlɛ wolo í kɔ́ yarigaa nikwɔɔ tugo yele na gee gi líbe n sɔ̀lɔ lè í, kapye ŋàʔanaga kérigèle naa ban í, koro ge nyɛ:

2 Korɛnti ye 2:13

koro ní ki myɛ ní mii fúngi ga gbàn n ŋɔ́ndaala taa í, níì cán mii da sáà wolo senyɛnw Tiiti nyaa yaà í. Koro na mii kólogi nyɛ́ɛri be ma n kári Maseduwani ma.

Filipikaʔa ye 2:21

Níì cán pe myɛ i peyɛɛ kérigèle caa, pe o Kirisi Zyezu wógèle caa í.

Zyozuwe 24:5

Koro kàdoʔo ma a mii Mowizi ní Aarɔn tun, mii n wɔʔɔyɔ taʔa Ezyipiti na n yɛlɛ ní kérigèle ní mii kpéʔele wi níngi ni lè níì yele yirige yaà.

1 Samyɛli 12:8

Zyakɔbi panni kàdoʔo ma Ezyipiti ma, a yele tóolɛɛbèle kɔ́ ba ni yákpogèle wáa Yawe kurugo. A Yawe Mowizi ní Aarɔn tun, a poro yele tóolɛɛbèle yirige Ezyipiti ni n baa télege tɛ́ɛgi naa ni.

1 Samyɛli 2:27

A Kolocɔlɔɔ syɔ́ɔnwaa pan Helii ma n baa wi pye: «Yawe n jo: ‹Mii da niyɛɛ dɛ̀ɛn mɔ tóolɛɛw kpaʔa wòolo na lǎli ni be pye lè Ezyipiti ni, Faraɔnw kpaʔa wòolo kɔ́yɔ ni lè ì?