Yirile 4:12 - Cebaara Bible 2010

¹² Mɔ mi tɛ́nɛ maa syée tɔ́ɔliw ni, mii wi a pye ní mɔ nyɔ́ɔgi ní, gee mɔ yɛlɛ bi joo lè, mii a sa mɔ tama gi na.»

Yirile 4:12 Iomraidhean Croise

Ŋúnuyi 105:26

Wi n wi falipyew Mowizi tun ní Aarɔn ní wi nyɛ́nɛ n wòlo lè.

Ŋúnuyi 143:10

Mii tama mii í da mɔ nyɛ́nɛ kérigèle kpéʔele! Níì cán mɔ wi nyɛ mii Kolocɔlɔw. Ki n yɛlɛ mɔ Piicanni í mii yɛ́ɛgi kíni kôzingi ni!

Ŋúnuyi 32:9

Mɔ a kɔ́ pye sícilimɛ fun àmɛɛ syɔnʔɔ, wàlá jòfanikàriga nyɛ lè í. Pe i yi yéregi ní kàrafeebèle, ní mɛ́ɛngèle ní, kapye koro ban í, yi a tée yére mɔ wóri ni í.

Yirile 3:12

A Kolocɔlɔɔ jo: «Mii i nyɛ ní mɔ ní. Wéle, gee ki a pye lè fɛ̀ɛ́w bi gi tɛ̀ɛn mii wi mɔ tun, koro gi nyɛ, mɔ ga sáà syɛ́ɛnbèle yirige Ezyipiti ni, yele a ba Kolocɔlɔɔ kpɔ̀ʔɔrɔ nyanbelegi naa na.»

Yirile 4:13

A Mowizi jo: «Ee Kàfɔw, mii tɔ̀nɔ́ i mɔ nyɛ́ɛri, ki n yɛlɛ mi wàa nikwɔɔ tun.»

Yirile 4:15

Mɔ a ba joo ní wi ní si syɛ́ɛnri le wi nyɔ́ɔgi ni. Mii si a pye ní mɔ nyɔ́ɔgi ní, si wɔ́ɔ pye ní wi nyɔ́ɔgi ní, gee yele yɛlɛ bi kpéʔele lè, mii a yele tama gi na.

Yirile 4:16

Woro wi a ra nyuu syɛ́ɛnmi ma mɔ sindɛɛgi ni. Woro wi a pye mɔ nyɔ́ɔgi, mɔ si pye Kolocɔlɔɔ sìndɛɛgi ni wi ma.

Ezayi 49:2

Wi n mii nyɔ́ɔgi kàriga àmɛɛ ŋɔséetàaɔn nyɛ lè, wi n mii tɔ́n ní wi kɔ́gi nyínmɛ ní. Wi n mii kpéʔele wɛ̀ɛlɛ, lee nyɔ́ɔ gi fìrige lè, níì mii làriga wi segbogi ni,

Ezayi 50:4

Kàfɔw Yawe n pìitamaɔ jooganma kaan mii ma, koro ga pye mii syɛ́ɛnri í gbǎn ra fànʔa kaangi syɛɛnfɔrɔgwɔɔɔ ma. Wi i mii yìrigí nyɛ̀ʔɛ nyɔ́ɔ o nyɛ̀ʔɛ nyɔ́ɔ na, wi i mii líiweeli yìrigí, koro ga pye mii í da lúro àmɛɛ pìitamabèle lúro lè.

Zyeremii 1:9

Lǎli bee ni a Yawe kɔ́gi sánʔa n tánga mii nyɔ́ɔgi na, níì mii pye: «Wéle, mii syɛ́ɛnri mii le dee mɔ nyɔ́ɔgi ni.

Córolo 16:28

A Mowizi jo: «Gee naa báriga ni yele a gi cán bi cán Yawe wi mii tun mii í da kérigèle naa myɛ kpéʔele, ncan mii o ge kpéʔele niyɛɛ báriga ni í.

Mariki 13:11

Lǎli ni pe ga ni syée ní yele ní kútiijoobèle ma lè, dee yele a sa joo lè, yele a kɔ́ yele fúnyi yaʔa yi curugo di kéeli na í, dee di ga jée yele fúnyi ni lǎli bee ni lè, ye dee bee joo. Níì cán yele ban ye a ra nyuu í, fwɔɔ Pìicǎnni.

Luki 11:1

Cangaa Zyezu maa ni Kolocɔlɔɔ nyɛ́ɛri tɛɛgaa ni. Lǎli ni wi kwɔ́ɔ lè, a wi pìitamawaa wi pye: «Kàfɔw, mi wolo tama nyɛ́ɛriganmi na àmɛɛ Zyan da wɔ́ɔ̀ wi pìitamabèle tama kánmee na lè.»

Zyan 14:26

Dɛ̀ɛmɛfɔw Tofɔw a tun naa yele ma mii mɛ́ɛgi na lè, woro wi a ba yele tama kérigèle myɛ na si wɔ́ɔ yele kaan yele í da sɔ̀ngí da taagi kérigèle myɛ na mii da ni nyuu yele ma lè, dɛ̀ɛmɛfɔw bee wi nyɛ Pìicǎnni.

Efɛzi ye 6:19

Ki si n yɛlɛ ye wɔ́ɔ yaa nyɛ́ɛri mii kéeli na jàngó Kolocɔlɔɔ í da nyɔɔsyɛɛnri kaangi mii ma koro ga pye mii í da Syɛɛnjóocǎnri kalarala nyuu da tèé ní nànzorodo ní.

Làlwaw Kaanziin 18:18

Mii a mɔ félege kanyaajooo yìrige be ma be senyɛnbèle nínge ni, mii a mii syɛ́ɛnri le wi nyɔ́ɔgi ni, gee myɛ mii ga joo n gbàn wi ma lè, wi a ba gi joo be ma.