Yirile 4:1 - Cebaara Bible 2010

¹ A Mowizi wi yari: «Pe a sa tága mii na í, pe a fɔ̀lɔ bi lóʔo mii ma í. Kàjáa pe a gi joo si jo: ‹Yawe ga wiyɛɛ dɛ̀ɛn mɔ na í.› »

Yirile 4:1 Iomraidhean Croise

1 Fànʔafɔbèle 13:3

Cángi bee wonijanga a wi fɛ̀ɛwaa tɛ̀ɛn níì jo: «Fɛ̀ɛ́wee wi a gi tɛ̀ɛn lè Yawe wi joo, woro wi nyɛ wee na: Sáriga-wòlo-yafaangi a jaa, gi cɔ́ɔngi si yiri wo.»

Yirile 2:14

A nǎnw bee wi yari: «Wìí syɔ́ɔn wi mɔ télege mɔ í pye wolo kùndigi ní wolo kútiijooo? A mɔ i caa lé bi mii kpóo àmɛɛ mɔ Ezyipiti ye nǎnw kpóo lè?» A Mowizi fala n fyáa, a wi jo: «Kányɛʔɛ na, kéeli naa n tɔ̀nɔ n cán.»

Yirile 3:15

A Kolocɔlɔɔ níì gi joo Mowizi ma níì wi pye: «Ki n yɛlɛ mɔ í wɔ́ɔ gi joo Isirayɛli ye ma kánmi naa na mí be pye: ‹Yawe wi lè yele tóolɛɛbèle Kolocɔlɔɔ, wi lè Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw, woro wi mii tun yele ma.› Koro gi nyɛ mii mɛ́ɛgi làla o làla. Kánmi bee na làrigèle myɛ syɛ̀ɛnnɛ a ra mii mɛ́ɛgi yiri.

Yirile 3:16

Da syée mi sa Isirayɛli wolɛɛbèle kpóʔoro mí be pye: ‹Yawe wi lè yele tóolɛɛbèle Kolocɔlɔɔ, woro wi wiyɛɛ dɛ̀ɛn mii na wi lè Abirahami ní Izaaki, ní Zyakɔbi Kolocɔlɔw. Wi n jo: Mii n tɔ̀nɔ n pan n baa yele wéle, gee myɛ gi kpéʔele yele na Ezyipiti ni lè, mii n gi nyaa.

Yirile 3:18

Pe a sa lóʔo mɔ ma. Mɔ ní Isirayɛli wolɛɛbèle si a pínɛ kári Ezyipiti fànʔafɔw ma bi sa wi pye: ‹Yawe wi lè Heburubèle Kolocɔlɔɔ, woro wi baa wiyɛɛ dɛ̀ɛn wolo na. Tɔ́ɔliw ni ki n yɛlɛ mi fɔ̀lɔ gi na mi wolo yaʔa wolo í canya taanri tánʔana kpéʔele bi kári fìími tára ni, koro ga pye bi sa sáriga wòlo Yawe wolo Kolocɔlɔw ma.›

Yirile 4:10

A Mowizi gi joo Yawe ma níì jo: «Ee Kàfɔw, jooli o syée mii ma í, n téè láa yaà, àlí n baa nan níjanʔa na mɔ nyuu ní mii ní lè, mii wi lè mɔ fálipyew. Níì cán mii tɔ̀nɔ́ o nyɛ n gbàn ni nyuu kelekele í. Mii nyɔ́ɔgi ní mii nyínni n líbe.»

Yirile 4:30

Syɛ́ɛnree myɛ Yawe joo Mowizi ma lè, a Aarɔn ti myɛ joo n tɛ̀ɛn ní wɔ́ɔ̀ fɛ̀ɛ́bèle kpéʔele n tɛ̀ɛn syɛ́ɛnbèle na.

Yirile 4:31

A syɛ́ɛnbèle bee tága. Pe maa gi cán ncan Yawe n pan n baa poro Isirayɛli ye wéle, níì poro fɔ̀rɔgi nyaa. Lǎli bee ni a be tìgi n kpùmɔnɔ níì too n cíbele n kpɔ̀ʔɔrɔli kpéʔele.

Yirile 6:12

A Mowizi gi joo Yawe yɛ́ʔɛ ma níì jo: «Wéle, Isirayɛli ye ga fɔ̀lɔ n lóʔo mii ma í. Mɛ̀ɛ́ si Faraɔnw a sa lóʔo mii ma bi sɛ́ɛ, mii wee wi lè jooli o syée mii ma í?»

Yirile 6:30

A Mowizi yére Yawe yɛ́ʔɛ ma níì wi yari: «Mii nyɔ́ɔgi ga wári í. Mɛ̀ɛ́ Faraɔnw a sa lóʔo mii ma bi sɛ́ɛ?»

Zyeremii 1:6

A mii wi yari: «Ee! Kàfɔw Yawe, mii ga kɔ́ɔ̀ gbàn joomɔ na í, níì cán mii i nyɛ nìgɔcaripiige.»

Ezekyɛli 3:14

A Pǐli mii láa n yìrige, níì kári ní mii ní. A mii i syée, á mii fúngi tanʔa níì tɔ̀nɔ n yìri gbanʔama, Yawe kɔ́gi si maa ni báara mii na ní séekpɔɔɔ ní.

Kapyegèle 7:25

ní i gi sɔ̀ngí woro senyɛnbèle a gi cán Kolocɔlɔɔ i caa bi woro láa wi falipye-yariga bi tɛ́ʔɛ poro syɔɔ. Kàjáa pe ga gi cán í.

Jàbɔbèle 6:17

A wi wi yari: «Kapye mɔ n mii kpɔ́ʔɔ, ki n yɛlɛ mɔ í fɛ̀ɛ tɛ̀ɛn mii na jàngó mii í gi cán mɔ wi nyuu ní mii ní.