Yirile 39:8 - Cebaara Bible 2010

⁸ A be fìcibigi yáriga sámaga, ki maa sámaga n yɛlɛ ní kacánmi fáli pyeganma ní, n yɛlɛ ní efɔdiw sámagaganma ní, wee be sámaga lè ní kɔ́luruna céri fàni, ní fàninyɛɛnw, ní fàninyɛɛn-tèlew ní, n fàra lɛn fànifɛɛlɛfɛɛlɛw na, wee be sára lè.

Yirile 39:8 Iomraidhean Croise

Ŋúnuyi 89:28

Mii si a wi kpéʔele pìiseliw, si wi kpɔ́ʔɔ bi sɔ̀lɔ tári fànʔafɔɔlɔ myɛ na.

Yirile 25:7

ní onikisi kàdɛɛngèlē, n fàra kàdɛɛngèle kèle nikwɔɔ na, gele ke a pye lè efɔdiw, ní fìcibigi yáriga kéele na.

Yirile 26:1

«Ki n yɛlɛ mi kpɔ̀ʔɔrɔli fànikpaʔa sámaga mii ma ní fànitɔnɔyɔ kɛɛ ní. Ki sámaga ní lɛn fànifɛɛlɛfɛɛlɛɔ ní wee be sára lè, ní kɔ́luruna céri fàni, ní fàninyɛɛnw, ní fàninyɛɛn-telew ní. Mí syerubɛnbéle sámaga yaà bi yɛlɛ ní kacánmi fálipyeganma ní.

Yirile 28:4

Yaleree be yɛlɛ bi sámaga lè, toro di nyɛ dee naa: Fìcibige yáriga, ní efɔdi, ní burodɔnɔgɔ, ní burodɔnɔ-zúugo, ní nyùnbwɔʔɔ, ní sɛntiiri. Pe a burojànya sámaga mɔ senyɛnw Aarɔn ma, woro ní wi jáabèle ní, koro ga pye paa sáriga-wòlori fáli kpéʔele mii ma.

Yirile 39:9

Ki tɔnɔganmi ní gi kpɔ́ʔɔganmi maa pye sèjira, á be gi wáa n taʔa n pye àmɛɛ cófaà nyɛ lè. Ki tɔnɔganmi ní gi kpɔ́ʔɔganmi maa pye santimɛtiribéle toko ní kagunɔ kagunɔ, á be gi wáa n taʔa.

Ezayi 59:17

Wi n sínni le burogo àmɛɛ tunmɔrɔ búrogo nyɛ lè, wi n syɔɔli túnmɔrɔ nyundɔngɔ tɔ́n. Wi n gɔ̀lɔ́-wòlori búroyo le a gi pye burodɔnɔgɔ níì wiyɛɛ dɔ́n ní yejaagi ní àmɛɛ burogbɔʔɔ nyɛ lè.

Efɛzi ye 6:14

Gee bee na gi yɛlɛ yele í sámaga yére, kányɛɛgi si pye yele na àmɛɛ sɛntiiri nyɛ lè yele sárigèle ni, sínni si pye yele na àmɛɛ kapɛɛnkpumɔn-búrogo nyɛ lè,