Yirile 38:1 - Cebaara Bible 2010

¹ A wi sáriga-sórigow sáriga-wòlo-yafanʔa sámaga ní akasya tíire ní. Ki tɔnɔganmi maa pye mɛ́tiribéle siin ní tíla, a gi kpɔ́ʔɔganmi wɔ́ɔ i nyɛ mɛ́tiribéle siin ní tíla. Ki tɔnɔganmi ní gi yɛ́ɛgi kpɔ́ʔɔganma maa pye sèjira. Ki ǹjogi tɔnɔganma si i nyɛ mɛ́tiri nibin ní tíla.

Yirile 38:1 Iomraidhean Croise

2 Cányi kèlē 1:5

Kanyɛɛnri sáriga-wòlo-yafanʔa Urii jáaw Besaleyɛli da sámaga lè, Urii wi lè Huri jáaw, nɛɛ bee koro da wɔ́ɔ̀ pye Yawe fànikpaagi yɛ́ʔɛ ma. Nɛɛ bee Salomɔn ní syɛɛnkpoʔolomi Yawe yíbe.

2 Cányi kèlē 4:1

A wi kanyɛɛnrɛ sáriga-wòlo-yafanʔa faan, ki tɔnɔganmi maa pye mɛ́tiribéle kɛɛ, a gi yɛ́ɛgi kpɔ́ʔɔganma pye mɛ́tiribéle kɛɛ. Ki ǹjogi tɔnɔganma si i nyɛ mɛ́tiribéle kagunɔ.

Yirile 25:5

ní bàpɔbèle sáliya be nyɛ́nɛgɛ lè, n wɔ́ɔ̀ fàra dofɛn sáliya na, ní akasya tíiri,

Yirile 30:17

A Yawe gi joo Mowizi ma níì jo:

Yirile 31:9

ní sáriga-sórigow sáriga-wòlo-yafanʔa ní gi yayigeleri myɛw, n fàra jéemununi pɛɛkpɔʔɔ ní gi nɔ́gi na,

Yirile 38:2

A wi nyɛngéle sámaga ki jɛ̀ɛ́ngèle sicɛrɛ na. Wi maa ge sámaga n pínɛ ní gi ní, níì kanyɛɛnrɛ tɛ́ʔɛ n gi tɛ́ɛyi myɛ tɔ́n.

Yirile 40:29

A Mowizi sáriga-sórigow sáriga-wòlo-yafanʔa tɛ́ʔɛ kpɔ̀ʔɔrɔli fànikpaʔa yɛ́ʔɛ ma ki lè Syɛ́ɛnmi Tɛɛfaraga fànikpaʔa, níì sáriga-sórigow, ní míimi sáriga wòlo gi na, n yɛlɛ ní gi ní àmɛɛ Yawe da gi joo n gbàn wi ma lè.

Yirile 40:6

Mí sáriga-sórigow sáriga-wòlo-yafanʔa tɛ́ʔɛ kpɔ̀ʔɔrɔli fànikpaʔa tɛɛ̀jeele yɛ́ʔɛ ma ki lè Syɛ́ɛnmi Tɛɛfaraga fànikpaʔa.

Zyan 6:37

Bele Tofɔw kaangi mii ma lè, bele bee myɛ a ra maa mii ma, syɔ́ɔnwee wi ga pan mii ma lè, mii a tée wee bee nɛnɛ yirige kàfugi na í.

Wɔrɔmi ye 12:1

Ni senyɛ̀nnɛ, mii i yele nyɛ́ɛri Kolocɔlɔɔ nyínimi báriga ni, ye yele céri kaan Kolocɔlɔɔ ma ti pye sárigaweeo, wee wi nyɛ lè wojaɔn ní, níì Kolocɔlɔɔ dɛ́nɛ, koro ki a pye yele ma Kolocɔlɔɔ kpɔ̀ʔɔrɔli wodeele.

Heburubèle 13:10

Sáriga-wòlo-yafanʔa i nyɛ wolo ma, bele be Kolocɔlɔɔ kpɔ̀ʔɔrɔli fànikpaʔa fáli kpéʔele lè, tànʔa o nyɛ bele bee ma be lìi yafaangi bee sáriga na í.

Heburubèle 13:8

Zyezu Kirisi i nyɛ kanijanma na cànʔaniw yoo, níjanʔa yoo, fwɔɔ làla o làla.

Heburubèle 3:1

Gee bee na, mii senyɛnjǎnbèle, yele bele Kolocɔlɔɔ wɔ́ɔ̀ yeri lè, ki n yɛlɛ ye yele sɔ̀ngumi myɛ taʔa Zyezu na, woro wi nyɛ pìitunw ní sáriga-wòlobèle kàfɔlɔ wolo tágali kéele na, lee wo nyuu ni tèé lè.

Heburubèle 9:14

ànbée Kirisi sìsyaanw a wɔ́ɔ gbǎn tɔ̀nɔ fun kapyegèle jée yirige wolo fúnyi ni bi sɔ̀lɔ, jàngó wolo í da Kolocɔlɔɔ woweew fáli kpéʔele, wi n wiyɛɛ gaan Kolocɔlɔɔ ma tɛɛlɛ fun sáriga, bàngwɔɔ Pìicǎnni báriga ni!

1 Pyɛri 2:5

yele tiimaa si wɔ́ɔ i nyɛ mɔ a jo kàdɛnɛweeye yii, ye gi yaʔa waa yele téeri waa Pìicǎnni kpaʔa faanri, gee ni yele a pye lè sáriga-wòlocànbēle kabigaa bàā sárigaw wóo pǐli kàbaan na, sárigawee wi Kolocɔlɔɔ dɛ́nɛ lè, Zyezu Kirisi bárigaw ni.

Tɛ̀ɛnnɛ 21:16

Kěgi kàbanya myɛ sicɛrɛ tɔnɔganma maa pye sèjira, ki tɔnɔganmi ní gi kpɔ́ʔɔganmi maa pye sèjira. A wi kěgi tímana ní wi kàgaanni ní n gi nyaa a gi cúlobéle selebinnɛ ní sirakele félege kwɔ́ɔ. Ki tɔnɔganmi, ní gi kpɔ́ʔɔganmi, ní gi ǹjoʔo ma tɔnɔganmi maa pye sèjira.