Yirile 30:3 - Cebaara Bible 2010

³ Mí tɛɛteleo tɛ́ʔɛ mi gi tɛ́ɛyi myɛ tɔ́n, gee bee n jo ki ǹjogi, ní gi lɛ̀ʔɛgèle myɛ, n fàra ki nyɛ́ngèle na, bi gi màʔa. Mí tɛɛwaa sámaga wi pye ki nyɔɔwari bi gi màʔa.

Yirile 30:3 Iomraidhean Croise

1 Fànʔafɔbèle 6:20

Tɛɛcǎngi tɔnɔganma bi pye lè mɛ́tiribéle kɛɛ, a gi yɛ́ɛgi kpɔ́ʔɔganmi i nyɛ mɛ́tiribéle kɛɛ, a gi ǹjogi tɔnɔganma i nyɛ mɛ́tiribéle kɛɛ, á wi tɛɛteleo taʔa gi tɛ́ɛyi myɛ na, wi maa sɛdiri tíire sáriga-wòlo-yafanʔa sámaga ki yɛʔɛ̀ ma.

1 Fànʔafɔbèle 6:22

Kánmi bee na wi da kpáagi tɛ́ɛyɛ myɛ tɔ́n ní tɛ́ɛw ní, gee bee n jo kpáagi wobogo myɛw. Wi maa wɔ́ɔ̀ sáriga-wòlo-yafaangi tɛ́ɛyɛ myɛ tɔ́n ní tɛɛ̀ ní, gee gi pye tɛɛcǎngi yɛ́ʔɛ ma lè.

1 Fànʔafɔbèle 7:48

A Salomɔn wɔ́ɔ̀ Yawe kpáagi fúngo yáriree myɛ sámaga Yawe kpáagi kéele na, ti lè tɛ́ɛw sáriga-wòlo-yafanʔa ní tɛ́ɛw tàbali, wee na pe da ni búruw taari, wee be kaan Kolocɔlɔɔ ma lè,

Yirile 25:11

Mí tɛɛteleo tɛ́ʔɛ mi wi kàdogi ní wi fúngi myɛ tɔ́n. Mí wi nyɔɔwari myɛ pye tɛɛ̀, bi wi màʔa kpàra.

Yirile 25:24

Ki n yɛlɛ mi wi myɛ tɔ́n ní tɛɛteleo ní, mí wi kàgomi pye tɛɛ̀ mi wi màʔa mi kpàra.

Yirile 30:2

Ki tɔnɔganmi n yɛlɛ bi pye mɛ́tiri tíla, ki kpɔ́ʔɔganmi si wɔ́ɔ pye mɛ́tiri tíla. Ki tɔnɔganmi ní gi kpɔ́ʔɔganmi a pye sèjira. Ki ǹjogi tɔnɔganma si pye mɛ́tiri nibin. Ki nyɛ́ngèle si yirige pínɛ ní gi ní.

Yirile 30:4

Mí tɛɛ̀ vèʔeye siin-ziin sámaga ki nyɔɔwari láara ni, ki lɛ̀ʔɛgèle siin na. Yàa a pye kàbangee na, yàa í pye kàbangee na jàngó bàā ki láali tíingéle forogi yaà beè.

Tɛ̀ɛnnɛ 8:3

A nyɛ̀ʔɛni tundunwaa nikwɔɔ pan n baa yére sáriga-wòlo-yafaangi zìnmɛ na. Nùndaanna míige yasorigolo maa pye wi ma, tɛɛ̀ wólo. A be nùndaanna míige saʔa kaan wi ma jàngó wi gi pínɛ wòlo sáriga ní Kolocɔlɔɔ syɛɛncanbèle myɛ nyɛ́ɛriyɛ ní sáriga-wòlo-yafaangi na ki lè tɛ́ɛw wóʔo, fàngoli yɛ́ʔɛ ma.