Yirile 3:9 - Cebaara Bible 2010

⁹ Tɔ́ɔliw ni Isirayɛli ye sùpiiwáari n lúgu fwɔɔ n nan mii na. Kánmee na Ezyipiti ye be fǎngi gbàn be na lè, mii n gee bee nyaa.

Yirile 3:9 Iomraidhean Croise

Sélimɛ 16:11

A Yawe nyɛ̀ʔɛni tunduɔn níì wi yari: «Wéle, mɔ wi nyɛ wee ní fícɛnnɛ ní, nànbile si mɔ a ba see, mɔ si a ra li yiri Isimayɛli, níì cán Yawe n mɔ wɔʔɔgi sùpile lóʔo.

Sélimɛ 31:12

Wi n mii pye: ‹Ki n yɛlɛ mi mɔ yɛ́ɛgi yìrige maa gi wéle, yaweeri bɔ̀ɔlɔ myɛ be lúru yaweeri na lè, pe i nyɛ wonyɔngɔ-nyɔngɔbèlē, ní kàgbaa wòolo, ní tɛɛwɔɔyɔ wòolo. Koro n kpéʔele níì cán gee myɛ Laban kpéʔele mɔ na lè, mii i ki myɛ nyaagi.

2 Fànʔafɔbèle 13:4

A Yowakazi Yawe nyɛ́ɛri gbanʔama, a Yawe lóʔo wi ma, níì cán wi maa fǎngi gbànna nyaa nlaa Sirii fànʔafɔw da ni fǎngi gbàngí Isirayɛli ye na lè.

2 Fànʔafɔbèle 20:5

«Lúru maa syée mi sa mii syɛ́ɛnbèle kùndigi Ezekyasi pye: ‹Yawe wi lè mɔ toolɛɛgi Davidi Kolocɔlɔw, wi n jo: Mii n mɔ nyɛ́ɛrigi lóʔo, mii n mɔ nyatinmi nyaa. Wéle, mii a mɔ pɔʔɔ. Candaanri wógi na, mɔ a kári Yawe kpáagi ma.

Nehemii 9:9

Mɔ n wolo tóolɛɛbèle wɔʔɔgɔ nyaa Ezyipiti ni, ní wɔ́ɔ̀ be sùpiigèle lóʔo Nyɛ̀nɛri Solomɔ lɔ́ʔɔ nyɔ́ɔ na.

Ŋúnuyi 12:5

poro bele be gi nyuu lè níì jo: «Wolo i fànʔa taagi wolo nyíngèle báriga ni, wolo nyɔɔwari i nyɛ wolo wóro, wìí syɔ́ɔn wi a ní pye wolo kàfɔw?»

Ŋúnuyi 9:14

Nyɔɔ mii na, ee Yawe, mii wɔʔɔgi kánma wéle, gee mii parafɔbèle taari mii na lè, mɔ wee wi mii lée ni núngu kùúw kpàánweegéle taana lè,

Yirile 1:11

Lǎli bee ni a be fala n pɔ́rɔtɔɔ-fáli kùndigibéle nyɛ́nɛ n wòlo n télege be nyúngi na, jàngó bele bee í pɔrɔtɔɔri fáli gbàn be na gbanʔama. Kánmi bee na be kèye siin faan Faraɔnw ma a yi pye wi lɔ́ri tɛɛkɔnyɔ. Kěyi bee yi nyɛ Pitɔmi, ní Aramisɛsi.

Yirile 1:22

Lǎli bee ni a Faraɔnw syɛ́ɛnri naa joo n gbàn wi syɛ́ɛnbèle myɛ ma níì jo: «Nànbile o nànbile pe ga see lè, ki n yɛlɛ ye sa li wáa Niili cábigi ni, yáā calipiigèle myɛ yaari sìi na.»

Yirile 1:8

A fànʔafɔwaa nikwɔɔ kɔ́ baa tɛ́ɛn fǎngi na Ezyipiti tári nyúngo na, wee wi lè wi da kàa cán Zyozɛfu kéeli ni í.

Yirile 2:23

A làlaa saʔa ga kwɔ́ɔ gee bee kàdoʔo ma, a Ezyipiti fànʔafɔw kùu. N Isirayɛli ye yaʔa pe pulogbanri ni, a pe i cɛ́ɛn, ní i yákpogèle wáa gbanʔama. A be pulogbanri sùpiiwáara lúgu fwɔɔ n sáà nan Kolocɔlɔɔ na.

Yirile 2:25

A Kolocɔlɔɔ Isirayɛli ye wéle níì sɔ̀ngi be kéeli na.

Yirile 3:7

A Yawe jo: «Mii syɛ́ɛnbèle bele be nyɛ lè Ezyipiti ni, fɔ̀rɔgee gi nyɛ be na lè, mii n gee bee nyaa, ní àmɛɛ be sùpiigèle wáa be wɔʔɔfɔbèle kɔ́yɔ ni lè, mii n gee bee lóʔo. Níì cán mii n tɔ̀nɔ n be wɔʔɔyi kèlē cán.

Syɛɛnjóow 4:1

A mii wɔ́ɔ̀ fǎngi gbànna kèlē myɛ nyaa, gele ge kpéʔele lè tári na, wéle, bele na be fǎngi gbàn lè poro i nyaan, kpɛʔɛlɛfɔlɔ si o be na í! Fǎngi i nyɛ be wɔʔɔfɔbèle ma, kpɛʔɛlɛfɔlɔ si o be na í!

Syɛɛnjóow 5:8

Gee ki a pɔ́rɔ tári ma lè koro gi nyɛ di fànʔafɔwaa taa wee wi a séyi fáli kéele kpɔ́ʔɔ lè.

Amɔsi 4:1

Yele Basyan nìcáayi, ye syɛ́ɛnri naa lóʔo, yele bele ye nyɛ lè Samarii nyanbeleyi na, ní i fǎngi gbàngí fɔ̀ngɔfɔbèle na, ní i foomɔfɔbèle tɔ́nʔɔnɔ, ní i gi nyuu yele nǎnbèle ma: «Ye wi láa yaa maa wo ba ra gbo.»

Làlwaw Kaanziin 26:7

A wolo yákpogèle wáa Yawe kurugo wi lè wolo tóolɛɛbèle Kolocɔlɔɔ. A Yawe wolo sùpiiwáari lóʔo, níì wolo fɔ̀rɔgbɔɔgi, ní wolo faligbanyi, ní wolo fóomi nyaa.

1 Samyɛli 9:16

níì jo: «Nyɛ̀ʔɛna níbeena nyɔʔɔmɔ na, mii a Bɛnzyamɛ tári nànwaa tórigo naa mɔ ma. Mɔ a ba sǐnmi wo wi na jàngó wi pye mii syɛ́ɛnbèle Isirayɛli ye yɛɛ̀kiniw. Wi a mii syɛ́ɛnbèle syɔɔ Filisitini ye ma. Níì cán mii nyɛ́nɛ i nyɛ mii syɛ́ɛnbèle na, ncan pe sùpiiwáari n nan mii na.»