Yirile 3:8 - Cebaara Bible 2010

⁸ A mii si tìgi n pan ba be yirige Ezyipiti ye kɔ́yi ni, bi be yirige tári bee ni bi kári ní be ní táraa ma, dee di nyɔɔ lè níì kpɔ́ʔɔ. Táraa dii, dee di nyìn nɔ́nɔw, ní sárigi na ni fóo lè. Kanaan ye, ní Hɛti ye, ní Amɔri ye, ní Perezi ye, ní Hɛvi ye, ní Yebusi ye be yaà tári bee ni.

Yirile 3:8 Iomraidhean Croise

Sélimɛ 11:5

Kěgee, ní kpaataʔa-tɔ́nɔgee Adami pìíbèle da ni faanri lè, a Yawe tìgi n pan bi ba yi wéle.

Sélimɛ 11:7

Yaa maa wo tìgi wo sa be syɛ́ɛnri nyáʔami yaà beè, koro ga pye pe a ní kɔ́ ra peyɛɛ syɛ́ɛnri lúro í.»

Sélimɛ 15:13

A Yawe si gi joo Abirami ma níì wi pye: «Ki n yɛlɛ mi gi cán mɔ yodaʔayi a kɔ́ sa pye nibɔɔnnɔ táraa ni, dee di lè ti o nyɛ pe worò í si pye yaà beè pulobèlē. Bele bee a ra be wɔʔɔ yɛ̀ʔɛlɛ saala siin fúngo ni.

Sélimɛ 15:14

Kàjáa syɛɛnfelegee má pe a pye lè pulobèlē, mii a ba kútii kúun syɛɛnfelegi bee na, si be yirige syɛɛnfelegi bee tára ni, pe si a yiri ní lɔrɔ saʔa ní.

Sélimɛ 18:21

Mii a tìgi yaà bi sa gi wéle, koro ga pye gee be nyuu be kéeli na lè kapye ànbée gi zǐn nyɛ kélemi, mii í koro cán.»

Sélimɛ 43:11

A be tóow Isirayɛli si be pye: «Ki si i lè nya, koro na ki n yɛlɛ ye gee naa kpéʔele. Koro gi nyɛ, ye tári yacanraa láa ye le yele túgori ni ye sa nǎnw bee kpɔ́ʔɔ, gee bee n jo céyaa-sìnmaa cɛɛri, ní sárigā cɛɛri, ní aromati, ní míiri, n fàra pisitasyi, ní amandi na.

Sélimɛ 46:4

Mii wi a kári yaà Ezyipiti ma ní mɔ ní, mii wi a wɔ́ɔ ba lúru pan ní mɔ ní. Zyozɛfu wi a ba mɔ nyapiigèle tɔ́n.»

Sélimɛ 50:24

A Zyozɛfu gi joo wi senyɛnbèle ma níì be pye: «Mii a kùu, kàjáa Kolocɔlɔɔ a tɔ̀nɔ́ pan ba yele wéle si yele yirige tári naa ni. Táree nyɔ́ɔ wi fàli Abirahami, ní Izaaki, ní Zyakɔbi ma ní kàliya ní lè, wi a sa yele lége di ni.»

1 Cányi kèlē 1:15

ní Hɛvi ye, ní Ariki ye, ní Sinii ye,

Nehemii 9:8

Amɛɛ mɔ gi nyaa a wi fúngi fílige mɔ yɛ́ʔɛ ma lè, a mɔ joogaanni kpéʔele ní wi ní bi Kanaan tári, ní Hɛti ye, ní Amɔri ye, ní Perezi ye, ní Yebusi ye, ní Giirigasi ye tári kaan wi yòdaʔayi ma. Mɔ n wɔ́ɔ̀ mɔ syɛ́ɛnri foro, níì cán mɔ n sín.

Ŋúnuyi 12:5

poro bele be gi nyuu lè níì jo: «Wolo i fànʔa taagi wolo nyíngèle báriga ni, wolo nyɔɔwari i nyɛ wolo wóro, wìí syɔ́ɔn wi a ní pye wolo kàfɔw?»

Ŋúnuyi 12:6

«Pe i fǎngi gbàngí foomɔfɔbèle na, fɔ̀rɔgɔfɔbèle i cɛ́ɛn, koro na mii a yìri tɔ́ɔliw ni.» Yawe wi jo nya. Syɔ́ɔnwee kánma na be nyɔɔfiri sáan lè, mii a wi syɔɔ.

Ŋúnuyi 34:8

Yawe nyɛ̀ʔɛni tunduɔn n tɛ́ɛn bele taana be fɛ̀ɛgí wi na lè n be màʔa ní i be syoo.

Ŋúnuyi 91:15

Wi a mii mɛ́ɛgi yeri, mii a lóʔo wi ma. Mii a pye ní wi ní wɔʔɔgi làla ni, mii a wi syɔɔ si wi kpɔ́ʔɔ.

Yirile 12:41

Yɛ́ɛgèle saala siin ní toko ní kpɔrigɔ kwɔ́ɔlɔ kadoʔo ma, cángi bee tiimaa na Yawe Isirayɛli syɛ́ɛnmi kabiya yirige Ezyipiti tári ni.

Yirile 12:51

Cángi bee tiimaa na Yawe Isirayɛli ye yirige Ezyipiti tári ni kabiya kabiya.

Yirile 13:5

Táree nyɔ́ɔ Yawe da fàli yele tóolɛɛbèle ma ní kàliga ní lè níì jo woro a di kaan yele ma, ti lè Kanaan ye, ní Hɛti ye, ní Amɔri ye, ní Hɛvi ye, ní Yebusi ye tári, dee di nyìn nɔ́nɔw ní sárigi na ni fóo lè, lǎli ni Yawe ga sáà yele lége di ni lè, yaa fɛ́tiiw naa kpéʔele yégi naa wonijanga ni.

Yirile 3:17

Mii si n jo: Mii a yele yirige Ezyipiti ni, beè yele nyɛ lè fɔ̀rɔgi ni bi kári ní yele ní Kanaan ye, ní Hɛti ye, ní Amɔri ye, ní Perezi ye, ní Hɛvi ye, ní Yebusi ye tári ma, táraa ma, dee di nyìn nɔ́nɔw, ní sárigi na ni fóo lè.›

Yirile 34:11

Gee mii nyuu ni gbàngí mɔ ma lè gee níjanʔa, ki n yɛlɛ mi yákirii yaʔa gi na. Koro gi nyɛ mii a Amɔri ye, ní Kanaan ye, ní Hɛti ye, ní Perezi ye, ní Hɛvi ye, ní Yebusi ye nɛnɛ bi yirige yaà mɔ yɛ́ʔɛ ma.

Yirile 5:23

Nlaa mii kári Faraɔnw ma lè n sáà joo ní wi ní mɔ mɛ́ɛgi na lè, a wi i kapeʔe kpéʔele syɛ́ɛnbèle naa na. Mɔ si ga tɔ̀nɔ n mɔ syɛ́ɛnbèle syɔɔ nyáana í.»

Ezayi 36:17

bi taa mii í kɔ́ ba yele kɔ́ri kári táraa ma, dee di nyɛ àmɛɛ yele wóri nyɛ lè. Bilew, ní dùvɛɛnw tára dii. Búruw, ní ɛrɛzɛnkɔliyi tára dii.›

Ezayi 64:1

Mɔ ga maa tìgi naa n pye àmɛɛ kàjewaara náa nyín lè, ní àmɛɛ naà lɔ̀ʔɔ kaan ki i kángi lè, mɔ nigoobèle a dée mɔ mɛ́ɛgi cán, syɛɛnfeleyi a dée ra cɛ̀lɛ́ mɔ yɛ́ʔɛ ma.

Zyeremii 11:5

Kánmi bee na mii a kàligi foro, gee mii da kpéʔele yele tóolɛɛbèle ma lè, níì jo: ‹Mii a tára kaan be ma, dee di nyìn nɔ́nɔ, ní sárigā na ni foo lè,› àmɛɛ yele nyɛ́nɛ nyɛ gi na níjanʔa lè.» A mii jo: «Amiina Yawe!»

Zyeremii 2:7

Mii n pan ní yele ní tiire séye tára ma, jàngó yele í ba ra yasanri ní yacanri líi. Kàjáa yele n pan, a yele baa mii tári kàriga yanɔnʔɔgɔ. Yele n baa mii kɔ́rigi pye yanibɛɛnmɛgɛ.

Zyeremii 32:22

Mɔ n tári naa kaan be ma, dee kéele na mɔ da kàli be toolɛɛbèle ma níì jo mɔ a di kaan be ma lè, dee di nyìn nɔ́nɔ ní sárigā na ni fóo lè.

Ezekyɛli 20:6

Cángi bee na mii mii kɔ́gi yìrige níì kàli be ma níì jo mii a be yirige Ezyipiti tári ni bi sa lége táraa ni, dee mii da wéle n yaʔa be ma lè, táraa dii, dee di nyìn nɔ́nɔw ní sárigi na ni fóo lè, dee di nyɔɔ n sɔ̀lɔ tátɛɛyi myɛ na lè.

Levii ye sáriga-wòlori 20:24

Mii n gi joo yele ma níì yele pye: Yele ye a be tári taa. Mii a di kaan yele ma di pye yele wóro, táraa dii, dee di nyìn nɔ́nɔw ní sárigi na ni fóo lè. Mii wi nyɛ Yawe yele Kolocɔlɔw, wee wi yele wàli n láʔa syɛɛnfeleyi na lè.

Amɔsi 2:10

Bi gi taa mii wi níì yele yirige Ezyipiti tári ni, níì kíni yele yɛ́ɛgi na fìími tára ni yɛ̀ʔɛlɛ togoye siin fúngo ni, koro ga pye bi yele télege Amɔri ye tári fáliga na.

Córolo 13:18

Ye sa tári bee wéle, kánmee na di nyɛ lè, ní syɛ́ɛnbèle be nyɛ di ni lè, kapye be fǎngi n nɛʔɛ, wàlá be fǎngi n cɛ́rɛ, kapye pe n cɛ́rɛ, wàlá pe n nɛʔɛ.

Córolo 13:19

Táree ni be nyɛ lè, bi di wéle kapye ti n nyɔɔ, wàlá ti n pee. Kapye vòyo ni be nyɛ wàlá kapye kèniriye ni be nyɛ.

Córolo 13:27

Gee pe baa joo n tɛ̀ɛn Mowizi na lè, koro gi nyɛ gee naa. Pe n jo: «Táree má mɔ da wolo tun wolo í sa saanri wéle lè, wolo n sáà jée di ni. Kányɛʔɛ gii, táraa dii, dee ni nɔ́nɔw ní sárigi fóo lè, ti yasanraa di caa nyɛ dee naa.

Zyan 3:13

Syɔɔn faala ga kɔ́ɔ̀ lúgu yaà nyɛ̀ʔɛni na í, kapye wee ban wi yìri lè nyɛ̀ʔɛni na n tìgi naa tári na í, woro wi nyɛ Syɔɔn-pya, wee wi nyɛ lè nyɛ̀ʔɛni wóo.

Zyan 6:38

Níì cán mii ga yìri nyɛ̀ʔɛni na n tìgi naa tári na mii nyɛ́nɛ kéele na í, mii Tunvɔw nyɛ́nɛ kéele na mii tìgi naa.

Làlwaw Kaanziin 1:25

A be tári yasanraa cɔɔ ní be kɔ́yi ní n baa tɛ̀ɛn wolo na, níì kérigèle naa joo n tɛ̀ɛn wolo na níì jo: ‹Tácànra Yawe wolo Kolocɔlɔw a kaan wolo ma.›

Làlwaw Kaanziin 1:7

Ye kolo ye kàri yaa syée, ye sɔ̀lɔ Amɔri ye nyanbeleyi kúlo ma, ní be taana tátɛɛyi myɛ ni, ní tɛɛfiigi ni, ní nyanbeleyi na, ní tìgimi tára ni, ní wòrogulo kàbangi na, ní Sólomi Lɔ̀ʔɔ nyɔ́ɔ na, ní Kanaan ye tári ma, ní Liban ma, fwɔɔ bi sa nan cábikpɔɔgi na, ki lè Ufurati.

Làlwaw Kaanziin 27:3

mí làlwaw naa syɛ́ɛnrɛ myɛ sɛ́bɛ yi na, lǎli ni mɔ ga jeli n jée tári ni lè, dee Yawe mɔ Kolocɔlɔw a kaan mɔ ma lè, táraa dii, dee di nyìn nɔ́nɔw ní sárigi na ni fóo lè bi yɛlɛ ní gi ní àmɛɛ Yawe mɔ tóolɛɛbèle Kolocɔlɔɔ gi joo mɔ ma lè.

Làlwaw Kaanziin 28:11

Yawe a mɔ tín yacanri na. Wi a mɔ láagi pìibēle nɛʔɛ, bi wɔ́ɔ mɔ yaweeri pìibēle, ní mɔ tásaligi yaliifálara nɛʔɛ tári ni, dee kéele na Yawe kàli mɔ tóolɛɛbèle ma níì jo woro a di kaan mɔ ma lè.

Làlwaw Kaanziin 6:3

Koro na di lóʔo Isirayɛli, máā di kɔ̀rɔsíi, mí di sámaga mi cò, jàngó mɔ í kòro fundaanra na, yele sáā nɛʔɛgi gbanʔama tári ni, dee di nyìn nɔ́nɔw ní sárigi na ni fóo lè, àmɛɛ Yawe mɔ tóolɛɛbèle Kolocɔlɔɔ ki nyɔɔfaligi kpéʔele mɔ ma lè.

Làlwaw Kaanziin 7:1

«Lǎli ni Yawe mɔ Kolocɔlɔw ga sáà mɔ lége lè tári ni, dee ni mɔ a sa jée lè bi di syɔɔ taa, níì syɛɛnfeleyi nɛnɛ mɔ yɛ́ʔɛ ma, yee yi nɛʔɛ lè, yi lè Hɛti ye, ní Giirigasi ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye, syɛɛnfeleyi kɔrɔsiin, yee yi nɛʔɛ á yi fangi nɛʔɛ n sɔ̀lɔ mɔ wógi na lè,

Zyozuwe 5:6

Isirayɛli ye maa ni nyaari ni máari fìími tára ni n baa taa yɛ̀ʔɛlɛ togoye siin, fwɔɔ n taa kapɛɛnkpumɔn-nǎnbèle myɛ pe da yiri Ezyipiti ni lè, a poro myɛ baa kùu fìími tára ni àmɛɛ gi lè pe da fɔ̀lɔ n lóʔo Yawe ma í. A Yawe si kàli níì jo woro a fɔ̀lɔ bi be yaʔa be tári nyaa í, dee nyɔɔfaliga woro da kpéʔele be toolɛɛbèle ma lè níì jo woro a di kaan wolo ma, tári di nyìn nɔ́nɔw ní sárigi na ni fóo lè.

Zyozuwe 9:1

Lǎli ni Zyuridɛn canʔajeemɛ fanʔafɔbèle myɛ kéeli bee lóʔo lè, pe lè nyanbeleyi kúlo fànʔafɔɔlɔ, ní tɛɛfiigi, ní Sólomi Lòkpɔʔɔ nyɔ́ɔ fànʔafɔɔlɔ, nlaa n sáà sígi Liban na, pe nyɛ lè Hɛti ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye,

Zyozuwe 9:7

A Isirayɛli nǎnbèle si Hɛvi ye yari: «Dɔ̀ʔɔ́ yele tɛɛkòrogi i nyɛ nɛɛ naa wolo taana. Ki ga pye nya, mɛ̀ɛ́ wolo a gbǎn joogaanna kpéʔele ní yele ní bi sɛ́ɛ?»