Yirile 3:7 - Cebaara Bible 2010

⁷ A Yawe jo: «Mii syɛ́ɛnbèle bele be nyɛ lè Ezyipiti ni, fɔ̀rɔgee gi nyɛ be na lè, mii n gee bee nyaa, ní àmɛɛ be sùpiigèle wáa be wɔʔɔfɔbèle kɔ́yɔ ni lè, mii n gee bee lóʔo. Níì cán mii n tɔ̀nɔ n be wɔʔɔyi kèlē cán.

Yirile 3:7 Iomraidhean Croise

Sélimɛ 16:11

A Yawe nyɛ̀ʔɛni tunduɔn níì wi yari: «Wéle, mɔ wi nyɛ wee ní fícɛnnɛ ní, nànbile si mɔ a ba see, mɔ si a ra li yiri Isimayɛli, níì cán Yawe n mɔ wɔʔɔgi sùpile lóʔo.

Sélimɛ 18:21

Mii a tìgi yaà bi sa gi wéle, koro ga pye gee be nyuu be kéeli na lè kapye ànbée gi zǐn nyɛ kélemi, mii í koro cán.»

Sélimɛ 21:17

A Kolocɔlɔɔ pìíw sùpile lóʔo. A Kolocɔlɔɔ tundunw kòro yaà nyɛ̀ʔɛni na níì Agari yeri níì jo: «Agari, nyàʔá gi mɔ taa? Mɔ a kɔ́ ra fɛ̀ɛgí í. N pìíw yaʔa yaà mɛ̀ɛ wodɛ́ɛɔn ní, Kolocɔlɔɔ n wi sùpili lóʔo.

Sélimɛ 29:32

A Leya fícɛnnɛ taa n pyà see nàɔn, a wi wi mɛ́ɛgi le ni wi yiri Wurubɛn. Ncan wi maa jo: «Yawe n mii faʔari nyaa. Tɔ́ɔliw ni, mii kéeli a mii nǎnw dɛ́nɛ.»

Sélimɛ 31:12

Wi n mii pye: ‹Ki n yɛlɛ mi mɔ yɛ́ɛgi yìrige maa gi wéle, yaweeri bɔ̀ɔlɔ myɛ be lúru yaweeri na lè, pe i nyɛ wonyɔngɔ-nyɔngɔbèlē, ní kàgbaa wòolo, ní tɛɛwɔɔyɔ wòolo. Koro n kpéʔele níì cán gee myɛ Laban kpéʔele mɔ na lè, mii i ki myɛ nyaagi.

Sélimɛ 31:42

Mii tóolɛɛgi Abirahami Kolocɔlɔw, woro wee na mii tóow Izaaki da ni fɛ̀ɛgí lè, kapye wi da pye ní mii ní í, mɔ mǎà dée mii tórigo ní kɔwaayi ní. Kolocɔlɔɔ si n mii wɔʔɔgi ní mii faligbanw nyaa, koro na wi fúlo mɔ na yébiligi ni mii kéeli na.»

2 Samyɛli 22:28

Syɛ́ɛnbèle bele be màámi kpéʔele lè, mɔ i bele bee syoo. Bele si be peyɛɛ gbɔ́ʔɔgi lè, mɔ i bele bee wéle, ní i be nyúnyi jùngú.

2 Fànʔafɔbèle 13:4

A Yowakazi Yawe nyɛ́ɛri gbanʔama, a Yawe lóʔo wi ma, níì cán wi maa fǎngi gbànna nyaa nlaa Sirii fànʔafɔw da ni fǎngi gbàngí Isirayɛli ye na lè.

2 Fànʔafɔbèle 20:5

«Lúru maa syée mi sa mii syɛ́ɛnbèle kùndigi Ezekyasi pye: ‹Yawe wi lè mɔ toolɛɛgi Davidi Kolocɔlɔw, wi n jo: Mii n mɔ nyɛ́ɛrigi lóʔo, mii n mɔ nyatinmi nyaa. Wéle, mii a mɔ pɔʔɔ. Candaanri wógi na, mɔ a kári Yawe kpáagi ma.

Nehemii 9:9

Mɔ n wolo tóolɛɛbèle wɔʔɔgɔ nyaa Ezyipiti ni, ní wɔ́ɔ̀ be sùpiigèle lóʔo Nyɛ̀nɛri Solomɔ lɔ́ʔɔ nyɔ́ɔ na.

Ŋúnuyi 106:44

Lǎli ni wi ga be wɔʔɔgi nyaa lè, wi n sèʔê wéle be ma.

Ŋúnuyi 12:6

«Pe i fǎngi gbàngí foomɔfɔbèle na, fɔ̀rɔgɔfɔbèle i cɛ́ɛn, koro na mii a yìri tɔ́ɔliw ni.» Yawe wi jo nya. Syɔ́ɔnwee kánma na be nyɔɔfiri sáan lè, mii a wi syɔɔ.

Ŋúnuyi 142:3

Mii i mii fúngi kèlē myɛ nyuu wi yɛʔɛ̀ ma, mii i mii wɔʔɔgi nyuu ni tèé wi yɛʔɛ ma.

Ŋúnuyi 145:19

Bele be fɛ̀ɛgí wi na lè, wi i bele bee nyɛ́nɛ kèlē forogi, wi i be sùpiigèle lúro ní i be syoo.

Ŋúnuyi 22:24

Yele bele ye fɛ̀ɛgí Yawe na lè, yaa wi kpɔ̀ʔɔrɔ́! Yele Zyakɔbi yòdaʔayi myɛ, yaa wi kpɔ́ʔɔgi, yaa fɛ̀ɛgí wi na yele Isirayɛli yòdaʔayi myɛ!

Ŋúnuyi 34:4

Ye pínɛ ní mii ní waa Yawe kpɔ́ʔɔri kéele nyuu! Wo pínɛ waa wi mɛ́ɛgi kpɔ́ʔɔgi!

Ŋúnuyi 34:6

Bele be wéle wi ma lè, pe yɛ́ɛyi i daragi fundaanri báriga ni, fɛ̀ɛrɛ a tée jée be yɛ́ɛyi ni í.

Ŋúnuyi 35:22

Yawe, mɔ n gi nyaa, mɔ a kɔ́ kòro nya pyèrio í! Kàfɔw, mɔ a kɔ́ léeli mii na í!

Ŋúnuyi 9:14

Nyɔɔ mii na, ee Yawe, mii wɔʔɔgi kánma wéle, gee mii parafɔbèle taari mii na lè, mɔ wee wi mii lée ni núngu kùúw kpàánweegéle taana lè,

Yirile 1:11

Lǎli bee ni a be fala n pɔ́rɔtɔɔ-fáli kùndigibéle nyɛ́nɛ n wòlo n télege be nyúngi na, jàngó bele bee í pɔrɔtɔɔri fáli gbàn be na gbanʔama. Kánmi bee na be kèye siin faan Faraɔnw ma a yi pye wi lɔ́ri tɛɛkɔnyɔ. Kěyi bee yi nyɛ Pitɔmi, ní Aramisɛsi.

Yirile 1:8

A fànʔafɔwaa nikwɔɔ kɔ́ baa tɛ́ɛn fǎngi na Ezyipiti tári nyúngo na, wee wi lè wi da kàa cán Zyozɛfu kéeli ni í.

Yirile 22:23

Mii fundanʔari a cò naà, mii si yele kpóo ní ŋɔsée ní, yele cébèle si kàri lɔgucaala, yele pìíbèle si wɔ́ɔ pye círibéle.

Yirile 33:13

Tɔ́ɔliw ni doò, kapye mii n kacànna taa mɔ ma, mi mɔ kakɔrirɔgèle tɛ̀ɛn mii na. Lǎli bee ni mii a mɔ sámaga cán, kánmi bee na mii a mɔ dubaw taa. Mí sɔ̀ngi mi taa gi na mi cán syɛ́ɛnmi naa i nyɛ mɔ wómɔ.»

Yirile 5:10

A pɔrɔtɔɔri fáli kùndigibéle, ní syɛ́ɛnbèle kɔ̀rɔsiifɔɔlɔ yiri n kári n sáà gi joo syɛ́ɛnbèle ma níì be pye: «Faraɔnw n jo: ‹Mii a ní da nyàásige kaangi yele ma í.

Yirile 5:6

Cángi bee tiimaa na a Faraɔnw syɛ́ɛnri naa joo n gbàn pɔrɔtɔɔri fáli kùndigibéle, ní syɛ́ɛnbèle kɔ̀rɔsiifɔɔlɔ ma níì jo:

Ezayi 63:9

Pe wɔʔɔyi myɛ ni, wi ga wàa faala tun wi ba be syɔɔ í, kàjáa wi yɛ́ɛgi ki be syɔɔ. Wi tàmagi, ní wi nyinidaari báriga ni wi tiimaw be nyúnyi syɔɔ. Wi n be dɛ̀ɛmɛ níì be láa booma cányi myɛ ni.

Córolo 20:16

A wolo si yákpogèle wáa Yawe kurugo, a wi wolo yákpogèle lóʔo, níì nyɛ̀ʔɛni tundunwaa tun a wi baa wolo yirige Ezyipiti ni. Wolo si wo nan bele Kadɛsyi na, kěgi gi nyɛ lè mɔ tásaligi láʔagologo na.

Kapyegèle 7:34

Mii n tɔ̀nɔ n mii syɛ́ɛnbèle nyaa àmɛɛ be wɔʔɔ lè Ezyipiti tári ni, ní wɔ́ɔ̀ be cɛ́ɛnmi lóʔo, a mii si tìgi ba be syɔɔ. Da maa mii a mɔ tun tɔ́ɔliw ni Ezyipiti ma.›

Heburubèle 4:15

Ki o nyɛ mɔ a jo wolo sáriga-wòlobèle kàfɔlɔ a gbǎn nyinimɛ taa wòlo na wolo fànʔa-fǔnmi ni wii í. Sutanaw maa ni wi kárima àmɛɛ wi wolo kárima lè kánmi féleye myɛ na, wi si da kapeele kpéʔele í.

1 Samyɛli 9:16

níì jo: «Nyɛ̀ʔɛna níbeena nyɔʔɔmɔ na, mii a Bɛnzyamɛ tári nànwaa tórigo naa mɔ ma. Mɔ a ba sǐnmi wo wi na jàngó wi pye mii syɛ́ɛnbèle Isirayɛli ye yɛɛ̀kiniw. Wi a mii syɛ́ɛnbèle syɔɔ Filisitini ye ma. Níì cán mii nyɛ́nɛ i nyɛ mii syɛ́ɛnbèle na, ncan pe sùpiiwáari n nan mii na.»