Yirile 3:4 - Cebaara Bible 2010

⁴ A Yawe wi nyaa a wi wàli ni syée bi sa gi wéle, n Kolocɔlɔɔ yaʔa yaà tiipiigi nínge ni, a wi Mowizi yeri níì jo: «Mowizi, Mowizi.» A Mowizi jo: «Cooì.»

Yirile 3:4 Iomraidhean Croise

Sélimɛ 22:1

Kérigèle bee pyele kadoʔo ma a Kolocɔlɔɔ Abirahami sɛʔɛ n wéle. Wi maa wi pye: «Abirahami.» A Abirahami jo: «Cooì!»

Sélimɛ 22:11

Lǎli bee ni a Yawe nyɛ̀ʔɛni tunduɔn kòro yaà nyɛ̀ʔɛni na níì wi yeri níì jo: «Abirahami, Abirahami.» A wi jo: «Cooì!»

Sélimɛ 28:16

A Zyakɔbi yìri wi ŋúnɔmi na níì jo: «Yawe tɔ̀nɔ́ i nyɛ tɛ́ɛgi naa ni. Mii si da koro cán í.»

Sélimɛ 46:2

A Kolocɔlɔɔ joo ní Isirayɛli ní yanyaaya ni, yébiligi ni. Wi maa wi yeri níì jo: «Zyakɔbi, Zyakɔbi.» A wi jo: «Cooì.»

Ŋúnuyi 62:11

Yele a kɔ́ yele sɔ̀ngumi taʔa fǎngi gbànna na í, yele a kɔ́ yele sɔ̀ngumi taʔa nɔ̀ʔɔrɔgi yataara na í. Lɔ́ri ga ni nɛʔɛgi, yele a kɔ́ yele sɔ̀ngumi taʔa di na í.

Yirile 19:3

A Mowizi lúgu n kári Kolocɔlɔɔ ma, a Yawe kòro yaà nyanbelegi ǹjoʔo ni níì wi yeri níì jo: «Ki n yɛlɛ mi syɛ́ɛnri naa joo Zyakɔbi kpáagi wòolo ma, pe lè Isirayɛli pìíbèle, mí be pye:

Yirile 3:2

A Yawe nyɛ̀ʔɛni tunduɔn sáà wiyɛɛ dɛ̀ɛn wi na naanyìnge ni, tiipiige ni. A Mowizi gi sámaga n wéle, a wi gi nyaa tiipiigi myɛ i nyɛ naà, ki si o sóori í.

Yirile 33:12

A Mowizi gi joo Yawe ma níì jo: «Wéle, mɔ n mii pye: ‹Syɛ́ɛnbèle naa kɔ́ri mi yirige!› Wee si mɔ a tórigo ní mii ní lè, mɔ ga wi tɛ̀ɛn mii na í. Bi gi taa mɔ n jo: ‹Mii n mɔ cán mɔ mɛ́ɛgi na, mɔ n caà kacànna taa mii ma.›

Yirile 4:5

A Yawe jo: «Sa koro kpéʔele jàngó pe tága gi na bi cán Yawe wi lè poro tóolɛɛbèle Kolocɔlɔɔ, wi lè Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw, woro wi wiyɛɛ dɛ̀ɛn mɔ na.»

Levii ye sáriga-wòlori 1:1

A Yawe kòro yaà Syɛ́ɛnmi Tɛɛfaraga fànikpaʔa ni níì Mowizi yeri níì joo ní wi ní níì jo:

Kapyegèle 10:13

A wi yákpolo lóʔo a li jo: «Pyɛri, yìri mi tàa kpóo maa káa.»

Kapyegèle 10:3

Cangaa cangàrigi na a Kɔrɔnɛ Kolocɔlɔɔ tundunwaa sámaga n nyaa yanyaʔa ni, a wi jée woro tɛ́ɛgi ni níì jo: «Kɔrɔnɛ.»

Kapyegèle 9:4

A wi too tári na níì yákpolo lóʔo a li wi pye: «Sɔli, Sɔli, nyàʔá na mɔ mii wɔʔɔ nya?»

Làlwaw Kaanziin 33:16

ní tári yanɛʔɛrɛ, ní gee gi nyɛ lè di ni. Wee wi pye lè tiipiigi ni, ki n yɛlɛ woro kpɔ́ʔɔri í ba kòro Zyozɛfu nyúngi ni, wonyɛnɛ-wòlow nyúngo ni wi nyɛ lè wi senyɛnbèle nínge ni.

1 Samyɛli 3:10

A Yawe pan n baa yére yaà níì yeri àmɛɛ ki da pye tɔ́lɔyee na lè, níì jo: «Samyɛli, Samyɛli.» A Samyɛli jo: «Da nyuu, níì cán mɔ falipyew i lúro.»

1 Samyɛli 3:4

A Yawe Samyɛli yeri. A wi jo: «Cooì.»

1 Samyɛli 3:6

A Yawe níì Samyɛli yeri. A Samyɛli yìri n kári Helii ma n sáà jo: «Mii wi wee, níì cán mɔ n mii yeri.» A Helii wi yari: «Mii ga yeri í, ni pyà. Lúru mi sa sínɛ.»

1 Samyɛli 3:8

A Yawe níì Samyɛli yeri tɔdaanri wógi na. A wi yìri n kári Helii ma n sáà jo: «Mii wi wee, níì cán mɔ n mii yeri.» A Helii náà gi cán ncan dé Yawe wi da ni pìíw yiri.