Yirile 3:2 - Cebaara Bible 2010

² A Yawe nyɛ̀ʔɛni tunduɔn sáà wiyɛɛ dɛ̀ɛn wi na naanyìnge ni, tiipiige ni. A Mowizi gi sámaga n wéle, a wi gi nyaa tiipiigi myɛ i nyɛ naà, ki si o sóori í.

Yirile 3:2 Iomraidhean Croise

Sélimɛ 21:17

A Kolocɔlɔɔ pìíw sùpile lóʔo. A Kolocɔlɔɔ tundunw kòro yaà nyɛ̀ʔɛni na níì Agari yeri níì jo: «Agari, nyàʔá gi mɔ taa? Mɔ a kɔ́ ra fɛ̀ɛgí í. N pìíw yaʔa yaà mɛ̀ɛ wodɛ́ɛɔn ní, Kolocɔlɔɔ n wi sùpili lóʔo.

Sélimɛ 22:11

Lǎli bee ni a Yawe nyɛ̀ʔɛni tunduɔn kòro yaà nyɛ̀ʔɛni na níì wi yeri níì jo: «Abirahami, Abirahami.» A wi jo: «Cooì!»

Sélimɛ 48:16

ní nyɛ̀ʔɛni tunduɔn wi mii syɔɔ kapeeyi myɛ ma lè, ki n yɛlɛ wi dùbaw taʔa nànbiigèle naa na, mii mɛ́ɛgi, ní mii tóolɛɛgi Abirahami mɛ́ɛgi, ní mii tóow Izaaki mɛ́ɛgi sáā yiri be na pe see bi nɛʔɛ tári ni.

Ŋúnuyi 66:12

Mɔ n gi yaʔa a syɛ́ɛnbèle lúgu n sɔ̀lɔ wolo nyúnyi na ní be syɔ́ɔnyi ní, wolo n jée náagi, ní lǒgi ni, kàjáa mɔ n wolo yirige yaà níì wolo kaan yarira saʔa na.

Yirile 19:18

Sinayii nyanbelegi myɛ maa pye wírige, níì cán Yawe maa tìgi naà nínge ni n baa tɛ́ɛn ki ǹjogi ni. A wírigi bee i yìrigí mɔ a jo fúru naakpɔʔɔ wírige gii. A nyanbelegi myɛ i cɛ̀lɛ́ gbanʔama.

Yirile 23:20

«Wéle, mii a nyɛ̀ʔɛni tundunwaa tun wi kíni mɔ yɛ́ɛgi na bàā mɔ kɔ̀rɔsíi kólogi na, si kári sa nan ní mɔ ní tɛ́ɛgi na gee mii sámaga n yaʔa lè.

Yirile 24:17

Yawe nìjangbɔɔri kánma maa pye Isirayɛli ye nyɛ́nɛ na àmɛɛ naà nyɛ, gee gi sórigolo kpéʔele lè nyanbelege ǹjoʔo ni.

Yirile 3:16

Da syée mi sa Isirayɛli wolɛɛbèle kpóʔoro mí be pye: ‹Yawe wi lè yele tóolɛɛbèle Kolocɔlɔɔ, woro wi wiyɛɛ dɛ̀ɛn mii na wi lè Abirahami ní Izaaki, ní Zyakɔbi Kolocɔlɔw. Wi n jo: Mii n tɔ̀nɔ n pan n baa yele wéle, gee myɛ gi kpéʔele yele na Ezyipiti ni lè, mii n gi nyaa.

Ezayi 43:2

Mɔ ga ni lǒyi jeligi lǎli ni lè, mii a pye ní mɔ ní, ní cábiyi, yi a tée mɔ wáa í. Mɔ ga ni táanri náagi ni, mɔ a miyɛɛ sórigo gi ni í, naanyǐngi a mɔ sórigo í.

Ezayi 63:9

Pe wɔʔɔyi myɛ ni, wi ga wàa faala tun wi ba be syɔɔ í, kàjáa wi yɛ́ɛgi ki be syɔɔ. Wi tàmagi, ní wi nyinidaari báriga ni wi tiimaw be nyúnyi syɔɔ. Wi n be dɛ̀ɛmɛ níì be láa booma cányi myɛ ni.

Danyɛli 3:27

A kùndigibèle, ní pirefebèle, ní tári kacɔɔnribèlē, ní fànʔafɔw yarifɔɔlɔ peyɛɛ gbóʔoro bi nǎnbèle bee wéle, a be gi nyaa náagi da fànʔa taa be céri na í. Alí pe ǹjoori ga sógi í, tɛɛlɛ ga wɔ́ɔ̀ pye pe búroyi na í, àlí náagi núngo ga pye be na í.

Zakarii 13:7

«Ŋɔsée, yìri mii bànaʔaw kánma na, ní nǎnw kánma na wi lè mii pínɛnyɛnw!» Yawe wi lè Nyɛ̀ʔɛni Sùlasiibéle Kafɔlɔ woro wi jo nya. «Bànaʔaw kpúmɔn mi kpóo bǎbèle si cariga fala. Mii si a mii kɔ́gi kàriga wobiigèle kàbaan na.»

Malasyii 3:1

«Wéle, mii a mii tundunw tun. Wi a sa kologo wòlo mii yɛ́ʔɛ ma. Kàfɔw a ba foo jée wi kpɔ̀ʔɔrɔli kpaʔa ni woro wee yele caa lè. Joogaanni tunduɔn kéele li nyɛ yele fúnyi ni lè, woro wi maa wee,» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Mariki 12:26

Gee gi kúbèle nyán-yirile kéele kwɔ́ɔ lè, yele ga tɔ̀ʔɔ́ kɔ́ɔ̀ gee bee wéle Mowizi sɛ́bɛw ni wii ì? Kolocɔlɔɔ maa gi joo wi ma tiipiigi ni níì jo: ‹Mii wi nyɛ Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw.›

Luki 20:37

Mowizi tiimaa n gi fílige n tɛ̀ɛn níì jo kúbèle a ba nyán, níì cán sɛ́bɛw tɛ́ɛgee ni wi tiipiigi kéele sɛ́bɛ lè, wi n Kàfɔw yeri nɛɛ bee ‹Abirahami Kolocɔlɔɔ, ní Izaaki Kolocɔlɔɔ, ní Zyakɔbi Kolocɔlɔɔ.›

Zyan 1:14

Syɛ́ɛnri bee maa baa kàri syɔɔn n tɛ́ɛn wolo níngi ni, a wolo wi nìjangbɔɔri sámaga n nyaa, nìjangbɔɔri bee i nyɛ Jaafɔw wóro, dee Tofɔw Kolocɔlɔɔ kaan lè wi Pìinibingi ma, àmɛɛ wi yìri yaà woro ma lè. Kpɔ́ʔɔri ní kányɛɛgi saʔa maa tɔ̀nɔ n pye wi ma.

Wɔrɔmi ye 8:3

Níì cán gee gi nyɛ lè Mowizi làlwaw da gbàn n gi kpéʔele í, àmɛɛ céri kèlē da wi kàriga lè fànʔa fun, Kolocɔlɔɔ n gee bee kpéʔele, àmɛɛ wi wi tiimaa Jáaw tun lè syɛ́ɛnbèle kapeebyere kéele na, a wi pan n baa cere láa dee di syɔɔn kapeebye-céri wíri lè, níì kútii cáan kapeebyeri na céri ni,

Làlwaw Kaanziin 33:16

ní tári yanɛʔɛrɛ, ní gee gi nyɛ lè di ni. Wee wi pye lè tiipiigi ni, ki n yɛlɛ woro kpɔ́ʔɔri í ba kòro Zyozɛfu nyúngi ni, wonyɛnɛ-wòlow nyúngo ni wi nyɛ lè wi senyɛnbèle nínge ni.

Làlwaw Kaanziin 4:20

Yele si na, Yawe n yele cò n yirige tunmɔrɔ fúruw naagbanga ni gi lè Ezyipiti, jàngó yele í pye woro má kɔrigɔ àmɛɛ yele nyɛ lè níjanʔa.

2 Tesaloniki ye 1:7

si ŋɔ́ndaali kaan yele ní wolo ma, yele bele ye wɔʔɔ lè, gee bee a pye lǎli ni Kàfɔw Zyezu a ba wiyɛɛ dɛ̀ɛn lè, wi a yìri nyɛ̀ʔɛni na bi tìgi ní wi séew tɛ̀ɛnnɛ tundunbéle ní,

Jàbɔbèle 13:13

A Yawe nyɛ̀ʔɛni tunduɔn Manowa yari: «Gee myɛ mii joo céw ma lè, ki n yɛlɛ waa còʔoró gee bee na.