Yirile 3:16 - Cebaara Bible 2010

¹⁶ Da syée mi sa Isirayɛli wolɛɛbèle kpóʔoro mí be pye: ‹Yawe wi lè yele tóolɛɛbèle Kolocɔlɔɔ, woro wi wiyɛɛ dɛ̀ɛn mii na wi lè Abirahami ní Izaaki, ní Zyakɔbi Kolocɔlɔw. Wi n jo: Mii n tɔ̀nɔ n pan n baa yele wéle, gee myɛ gi kpéʔele yele na Ezyipiti ni lè, mii n gi nyaa.

Yirile 3:16 Iomraidhean Croise

Sélimɛ 1:7

A Kolocɔlɔɔ gee bee kpéʔele, n táàma lǒgi wàli n láʔa ǹjoʔo ma wógi na. A gi pye kánmi bee na.

Sélimɛ 21:1

A Yawe kacànna pye Sara na, níì gi kpéʔele wi ma n yɛlɛ ní syɛ́ɛnri ní wi da joo lè.

Sélimɛ 28:13

Yawe si i nyɛ woyéreo ní ki ǹjogi ni. A Yawe wi pye: «Mii wi nyɛ Yawe, mɔ tóolɛɛgi Abirahami Kolocɔlɔw, ní mɔ tóow Izaaki Kolocɔlɔw. Táree na mɔ sínɛ lè dee, mii a di kaan mɔ ní mɔ yodaʔayi ma.

Sélimɛ 48:15

A wi dùba kpéʔele Zyozɛfu ma níì jo: Kolocɔlɔwee yɛ́ʔɛ ma mii tóolɛɛgi Abirahami, ní mii tóow Izaaki da ni síngi ni táanri lè, Kolocɔlɔw bee wi nyɛ mii nàʔafɔw nlaa mii nyɛ beè lè fwɔɔ n taa n baa nan níjanʔa na,

Sélimɛ 50:24

A Zyozɛfu gi joo wi senyɛnbèle ma níì be pye: «Mii a kùu, kàjáa Kolocɔlɔɔ a tɔ̀nɔ́ pan ba yele wéle si yele yirige tári naa ni. Táree nyɔ́ɔ wi fàli Abirahami, ní Izaaki, ní Zyakɔbi ma ní kàliya ní lè, wi a sa yele lége di ni.»

Ŋúnuyi 102:21

Koro ga pye bi kàsolew cɛ́ɛnmɛ lóʔo si be syɔɔ bele be nyɛ lè kùúw tɛ́ʔɛmɛ ni.»

Ŋúnuyi 33:18

Wéle, bele be fɛ̀ɛgí Yawe na lè, wi nyɛnɛ i nyɛ bele bee na, poro bele be be sɔ̀ngumi taʔa wi funjǎngi na lè.

Ŋúnuyi 8:4

Mii ga nyɛ̀ʔɛgèle wéle, ke lè mɔ kɔ́gi fáli, n fàra yégi ní ŋɔripiigèle na mɔ sámaga lè,

Yirile 1:8

A fànʔafɔwaa nikwɔɔ kɔ́ baa tɛ́ɛn fǎngi na Ezyipiti tári nyúngo na, wee wi lè wi da kàa cán Zyozɛfu kéeli ni í.

Yirile 13:19

A Mowizi Zyozɛfu kaceleyi láa n kári. Níì cán Zyozɛfu maa Isirayɛli yòdaʔayi kɔ́ri a yi kàli woro ma. Wi maa be pye: «Kolocɔlɔɔ a tɔ̀nɔ́ pan ba yele wéle, yele si n yɛlɛ ye kɔ mii kaceleyi láa nɛɛ naa yaa syée.»

Yirile 15:14

Syɛɛnfeleyi n gee bee lóʔo a yi i cɛ̀lɛ́. Fyáakpɔɔrɔ n Filisitini ye cò.

Yirile 17:5

A Yawe Mowizi yari: «Isirayɛli wolɛɛbèle pèle kɔ́ri mi fàra miyɛɛ na mi kíni syɛ́ɛnbèle yɛ́ʔɛ na, kàgbeeli ní mɔ da Niili cábigi kpúmɔn lè, mí loro cò mɔ kɔ́gi ni maa syée.

Yirile 18:12

A Mowizi céw tóo Zyeturo sáriga-sórigoo wòlo, n fàra sárigawaa nikwɔɔ na Kolocɔlɔɔ ma. A Aarɔn ní Isirayɛli wolɛɛbèle myɛ pan n baa pínɛ n lìi ní Mowizi céw tóo ní Kolocɔlɔɔ yɛ́ʔɛ ma.

Yirile 2:25

A Kolocɔlɔɔ Isirayɛli ye wéle níì sɔ̀ngi be kéeli na.

Yirile 24:11

Wi ga kɔlɔ̀ sánʔa n taʔa Isirayɛli wonyɛnɛ-wòlobèle na í. Pe maa Kolocɔlɔɔ nyaa, níì lìi níì gbaa.

Yirile 3:2

A Yawe nyɛ̀ʔɛni tunduɔn sáà wiyɛɛ dɛ̀ɛn wi na naanyìnge ni, tiipiige ni. A Mowizi gi sámaga n wéle, a wi gi nyaa tiipiigi myɛ i nyɛ naà, ki si o sóori í.

Yirile 3:6

Ní níì jo: «Mii wi nyɛ mɔ tóow Kolocɔlɔɔ, wi lè Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw.» A Mowizi wi yɛ́ɛgi làriga, níì cán wi maa ni fɛ̀ɛgí bàā Kolocɔlɔɔ wéle.

Yirile 4:1

A Mowizi wi yari: «Pe a sa tága mii na í, pe a fɔ̀lɔ bi lóʔo mii ma í. Kàjáa pe a gi joo si jo: ‹Yawe ga wiyɛɛ dɛ̀ɛn mɔ na í.› »

Yirile 4:29

A Mowizi ní Aarɔn kári n sáà Isirayɛli wolɛɛbèle myɛ kpóʔoro.

Yirile 4:31

A syɛ́ɛnbèle bee tága. Pe maa gi cán ncan Yawe n pan n baa poro Isirayɛli ye wéle, níì poro fɔ̀rɔgi nyaa. Lǎli bee ni a be tìgi n kpùmɔnɔ níì too n cíbele n kpɔ̀ʔɔrɔli kpéʔele.

Yirile 4:5

A Yawe jo: «Sa koro kpéʔele jàngó pe tága gi na bi cán Yawe wi lè poro tóolɛɛbèle Kolocɔlɔɔ, wi lè Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw, woro wi wiyɛɛ dɛ̀ɛn mɔ na.»

Matye 26:3

Lǎli bee ni a sáriga-wòlobèle kàfɔɔlɔ ní Zyefubèle wólɛɛbéle peyɛɛ gbóʔoro sáriga-wòlobèle kàfɔgbɔɔɔ kacoolo ni, wee be yiri lè Kayifu.

Luki 1:68

«Kàfɔw n yɛlɛ waa wi kpɔ̀ʔɔrɔ́, woro wee wi nyɛ lè Isirayɛli Kolocɔlɔw, níì cán wi n pan wi syɛ́ɛnbèle ma n baa be nyúnyi syɔɔ.

Luki 19:44

Mɔ piibèle bele be nyɛ lè mɔ fúngi ni, pe a ba mɔ ní bele bee ŋɔrigɔ bi cáan tári na. Pe a tée mɔ kadɛnɛgaa faala yaʔa kàa na í, níì cán lǎli ni Kolocɔlɔɔ pan mɔ ma bi ba mɔ syɔɔ lè, mɔ da lǎli bee cán í.»

Kapyegèle 11:30

A be koro kpéʔele, níì gi le Barinabasi ní Sɔli kɔ́yi ni níì jo pe sa gi kaan yɛɛ̀kinibèle ma.

Kapyegèle 15:14

«Ni senyɛ̀nnɛ, ye mii syɛ́ɛnri lóʔo! Siimɔn n gi joo wolo ma kánmee na Kolocɔlɔɔ baa gi séli ni syɛɛnfeleyi yiri lè, koro ga pye si pèle nyɛ́nɛ wòlo be níngi ni be pye woro tiimaa wòolo.

Kapyegèle 20:17

Lǎli ni Pɔli pye lè Milɛti ni, a wi tun Efɛzi ma níì jo pe sa Egiliziw yɛɛ̀kinibéle yeri paa maa.

1 Pyɛri 2:12

Ki n yɛlɛ yele í da nàʔajànma náari syɛɛnfeleyi nínge ni, koro ga pye, àmɛɛ be yele mɛ́ɛpɛɛnyi yiri lè níì jo yele i nyɛ kapeebyebèlē, pe ga ni yele kapyejǎngèle nyaagi, pe a nìjangbɔɔri taʔa Kolocɔlɔɔ na wi canbangi na.

1 Pyɛri 5:1

Egiliziw wólɛɛbéle be nyɛ lè yele níngi ni, bele bee ní mii nyuu tɔ́ɔliw ni, mii wee wi wɔ́ɔ̄ nyɛ lè wolɛɛwaa àmɛɛ poro nyɛ lè, ní Kirisi wɔʔɔyi séera, á mii wɔ́ɔ̀ lɛɛlɛ taa nìjanri ni, dee wi a kɔ́ ba tɛ̀ɛn wo na lè, mii i yele nyɛ́ɛri níì jo:

Wuruti 1:6

Lǎli bee ni a wi yìri Mowabi tári ma, woro ní wi pìíbèle càbala ní bi lúru pan. Níì cán wi maa pye yaà Mowabi tári ni níì gi lóʔo Yawe n wi syɛ́ɛnbèle dɛ̀ɛmɛ níì yaliire kaan be ma.