Yirile 3:12 - Cebaara Bible 2010

¹² A Kolocɔlɔɔ jo: «Mii i nyɛ ní mɔ ní. Wéle, gee ki a pye lè fɛ̀ɛ́w bi gi tɛ̀ɛn mii wi mɔ tun, koro gi nyɛ, mɔ ga sáà syɛ́ɛnbèle yirige Ezyipiti ni, yele a ba Kolocɔlɔɔ kpɔ̀ʔɔrɔ nyanbelegi naa na.»

Yirile 3:12 Iomraidhean Croise

Sélimɛ 15:1

Kérigèle bee kàdoʔo ma, a Yawe joo ní Abirami ní yanyaʔa ni, wi n jo: «Abirami, ki ga yɛlɛ mɔ í da fɛ̀ɛgí í. Mii wi nyɛ mɔ tunmɔzige-yárigi. Mii a tɔ̀nɔ́ tɔ̀nɔkpɔɔɔ kaan mɔ ma.»

Sélimɛ 15:8

A Abirami si jo: «Kàfɔw Yawe, nyàʔá ki a gi tɛ̀ɛn mii na mii í gi cán bi cán mii a ba tári naa taa di pye mii wóro?»

Sélimɛ 26:3

Tɛ́ɛn tári naa ni mi làlaa kwɔ́ɔ. Mii a pye ní mɔ ní si wɔ́ɔ dùbaw taʔa mɔ na. Níì cán mɔ ní mɔ yodaʔayi má mii a tátɛɛyi naa myɛ kaan. Nyɔɔfaligee mii da kpéʔele mɔ tóow Abirahami ma lè, mii a gee bee foro.

Sélimɛ 31:3

A Yawe gi joo Zyakɔbi ma níì wi pye: «Lúru maa syée mɔ tóobèle tára ma, mɔ kpaʔa wóbèle ma, mii a pye ní mɔ ní.»

2 Fànʔafɔbèle 19:29

Gee ki a pye mɔ Ezekyasi ma lè fɛ̀ɛ, koro gi nyɛ: Yaliipyáw wi ŋuu wiyɛɛ ma lè, woro yele a lìi níyɛɛlɛ. Yɛɛziin wóli na dee di fìin tiyɛɛ ma lè sáā toro líi. Kàjáa yɛɛdaanri wóli na, ye lùguro lùgu, yé yaliire láa, ye ɛrɛzɛn tírire cɔ́rɔ, yáā di yasanri líi.

1 Cányi kèlē 9:20

Fineyasi si wi lè Eleyazari jáaw, woro wi da pye be nyúngi na booma ni. Yawe si maa pye ní wi ní.

Ŋúnuyi 86:17

Fɛ̀ɛ kpéʔele mii ma bi gi tɛ̀ɛn mii a kacànna taa! Koro ga pye mii parafɔbèle í gi nyaa fɛ̀ɛrɛ si be taa! Níì cán Yawe, mɔ wi mii dɛ̀ɛmɛ́ ní i mii kpɛʔɛlɛ.

Yirile 18:5

A Mowizi céw tóo Zyeturo Mowizi pìíbèle, ní wi céw kɔ́ri n pan wi ma fìími tára ma beè wi pye lè wodɛ́ɛɔn ní, Kolocɔlɔɔ nyanbelegi taana.

Yirile 3:1

Mowizi maa pye ni wi céw tóo Zyeturo yaweeyiligèle nàʔá, Zyeturo wi pye lè Madyan sáriga-wòlow. A wi yaweeyiligèle kɔ́ri n fala ní ge ní fìími tára maʔama na, Kolocɔlɔɔ nyanbelegi ma ki lè Horebi.

Yirile 3:13

A Mowizi si Kolocɔlɔɔ pye: «Mii a kári sa Isirayɛli ye pye: ‹Yele tóolɛɛbèle Kolocɔlɔɔ n mii tun yele ma.› Pe ga mii yíbe níì jo: ‹Mɛ̀ɛ́ pe wi mɛ́ɛgi yiri?› Nyàʔá mii a joo be ma?»

Yirile 33:14

A Yawe wi yari: «Mii tiimaa a ra syée ní mɔ ní. Mii a ŋɔ́ndaala kaan mɔ ma.»

Yirile 4:12

Mɔ mi tɛ́nɛ maa syée tɔ́ɔliw ni, mii wi a pye ní mɔ nyɔ́ɔgi ní, gee mɔ yɛlɛ bi joo lè, mii a sa mɔ tama gi na.»

Yirile 4:15

Mɔ a ba joo ní wi ní si syɛ́ɛnri le wi nyɔ́ɔgi ni. Mii si a pye ní mɔ nyɔ́ɔgi ní, si wɔ́ɔ pye ní wi nyɔ́ɔgi ní, gee yele yɛlɛ bi kpéʔele lè, mii a yele tama gi na.

Yirile 8:27

A Yawe gi kpéʔele n yɛlɛ ní Mowizi syɛ́ɛnri ní. A sísyɔɔnri láʔa Faraɔnw, ní wi falipyebèle, ní wi tári syɛ̀ɛnnɛ na. Kàa ga níì kòro yaà í.

Ezayi 37:30

Gee ki a pye mɔ Ezekyasi ma lè fɛ̀ɛ, koro gi nyɛ: Yaliipyáw wi ŋuu wiyɛɛ ma lè, woro yele a ra líi níyɛɛlɛ. Yɛɛziin wóli na dee di fìin tiyɛɛ ma lè sáā toro líi. Kàjáa yɛɛdaanri wóli na, ye lùguro lùgu, yé yaliire láa, yé ɛrɛzɛn tírire cɔ́rɔ, yáā di yasanri líi.

Ezayi 41:10

Mɔ a kɔ́ ra fɛ̀ɛgí í, níì cán mii i nyɛ ní mɔ ní. Mɔ a kɔ́ ra wéle da máari ní funjurugoro ní i, níì cán mii wi nyɛ mɔ Kolocɔlɔw. Mii i nìrimɛ nii mɔ ni, mii i mɔ dɛ̀ɛmɛ́, mii i mɔ tɔʔɔ ni yéregi ní mii fàndaari kàliige kɔ́lɔ ní.

Ezayi 43:2

Mɔ ga ni lǒyi jeligi lǎli ni lè, mii a pye ní mɔ ní, ní cábiyi, yi a tée mɔ wáa í. Mɔ ga ni táanri náagi ni, mɔ a miyɛɛ sórigo gi ni í, naanyǐngi a mɔ sórigo í.

Ezayi 7:14

Gee bee na Kàfɔw tiimaa a fɛ̀ɛ kaan yele ma: Wéle, pìcaaw a fícɛnnɛ taa, wi a pyà see nàɔn, si wi mɛ́ɛgi le paa wi yiri Emanuwɛli.

Zyeremii 1:8

Mɔ a kɔ́ fyáa be na í. Níì cán mii i nyɛ ní mɔ ní bàā mɔ syoo,» Yawe wi jo nya.

Córolo 16:28

A Mowizi jo: «Gee naa báriga ni yele a gi cán bi cán Yawe wi mii tun mii í da kérigèle naa myɛ kpéʔele, ncan mii o ge kpéʔele niyɛɛ báriga ni í.

Córolo 23:21

Wi ga sìnzinmɛ nyaa Zyakɔbi ni í. Wi ga kapeʔe faala nyaa Isirayɛli ni í. Yawe wi Kolocɔlɔw i nyɛ ní wi ní. Wi n fànʔafɔlɔ yákpowáara yaʔa ti i lúro pe níngi ni.

Matye 28:20

yáā be tama paa kérigèle myɛ kpéʔele gele mii joo n gbàn yele ma lè. Ye wéle, mii i nyɛ ní yele ní canʔa o canʔa bi taa sa nan gi kwɔ́ɔmi na.»

Mariki 16:20

A be yìri n kári n sa ni Syɛɛnjóocǎnri nyuu tɛ́ɛyi myɛ ni. Kàfɔw si maa ni báara ní be ní, ní i be syɛ́ɛnri fíligi kakpoloyi báriga ni yi da pínɛ ní be syɛ́ɛnri ní lè.]

Kapyegèle 11:21

Kàfɔw si maa ni be dɛ̀ɛmɛ́ ní wi séew ní, a syɛ̀ɛnnɛ saʔa tága níì kàri n taʔa Kàfɔw na.

Kapyegèle 7:7

A Kolocɔlɔɔ níì jo: ‹Mii tiimaa si wi a kɔ́ ba kútiiw kúun tári bee syɛ̀ɛnnɛ na, dee ni pe a kɔ́ pye lè púlori ni. Koro kàdoʔo ma pe a yiri yaà si ba ra mii kpɔ̀ʔɔrɔ́ tɛ́ɛgi naa ni.›

Wɔrɔmi ye 8:31

Ki si i lè nya, nyàʔá wolo a joo kérigèle bee na? Amɛɛ Kolocɔlɔɔ nyɛ ní wolo ní lè, wìí wi a ní gbǎn yìri wolo kurugo?

Làlwaw Kaanziin 31:23

A Yawe syɛ́ɛnri naa joo n gbàn Nun jáaw Zyozuwe ma níì jo: «Nìrimɛ le mí lòmaana le, níì cán táree kéele na mii kàli Isirayɛli ye ma níì jo mii a di kaan be ma lè, mɔ wi a be lége di ni. Mii tiimaa si a pye ní mɔ ní.»

Heburubèle 13:5

Ki ga yɛlɛ yele í yeyɛɛ daʔa wáliw tàmaga na í. Yáriree yele taa lè, ki n yɛlɛ dee bee í yɛlɛ ní yele ní, níì cán Kolocɔlɔɔ tiimaa n gi joo níì jo: «Mii a tée mɔ yaʔa í, mii a mɔ wáa kàdoʔo ma nyáana í.»

Zyozuwe 1:5

Mɔ siiw canya myɛ ni syɔɔn faala a gbǎn fànʔa taa bi yére mɔ sige í. Mii i nyɛ ní mɔ ní àmɛɛ mii da pye ní Mowizi ní lè. Mii a tée mɔ yaʔa í, mii a tée mɔ cáan yaʔa í.

Jàbɔbèle 6:12

A Yawe nyɛ̀ʔɛni tunduɔn baa wiyɛɛ dɛ̀ɛn wi na níì wi pye: «Mɔ kapɛɛnkpumɔn-sànbali nànnirige, Yawe i nyɛ ní mɔ ní!»

Jàbɔbèle 6:16

A Yawe wi pye: «Mii a pye ní mɔ ní. Mɔ a Madyan ye jáa. Pe a pye mɔ ma àmɛɛ nàɔn nibin nyɛ lè.»

Jàbɔbèle 6:17

A wi wi yari: «Kapye mɔ n mii kpɔ́ʔɔ, ki n yɛlɛ mɔ í fɛ̀ɛ tɛ̀ɛn mii na jàngó mii í gi cán mɔ wi nyuu ní mii ní.

Jàbɔbèle 6:21

Kàgbeeli li pye Yawe nyɛ̀ʔɛni tunduɔn kɔ́lɔ ni lè, a wi li fínaani taʔa káari ní levé fun búrupiigèle na, a naà yiri fálagi ni n káari ní levé fun búrupiigèle sórigo péw. Koro kàdoʔo ma wi ga níì Yawe nyɛ̀ʔɛni tunduɔn nyaa í.

Jàbɔbèle 7:11

Gee be nyuu lè mɔ a gi lóʔo, koro kàdoʔo ma mɔ kɔ́yi a fànʔa taa mɔ í tìgi yaà be tɛɛ̀tɛ́ɛngi ma.» A wi ní wi falipyew Pura pínɛ n tìgi yaà fwɔɔ n sáà nan tɛɛ̀tɛ́ɛngi kɔ̀rɔsiifɔɔlɔ tɛ́ʔɛ na.

1 Samyɛli 14:10

Pe si ga jo: ‹Ye lúgu naa wolo ma,› wolo a lúgu. Níì cán Yawe a be le wolo kɔ́yi ni. Gee bee a pye wolo ma fɛ̀ɛ.»