Yirile 3:1 - Cebaara Bible 2010

¹ Mowizi maa pye ni wi céw tóo Zyeturo yaweeyiligèle nàʔá, Zyeturo wi pye lè Madyan sáriga-wòlow. A wi yaweeyiligèle kɔ́ri n fala ní ge ní fìími tára maʔama na, Kolocɔlɔɔ nyanbelegi ma ki lè Horebi.

Yirile 3:1 Iomraidhean Croise

1 Fànʔafɔbèle 19:19

A Elii yiri yaà beè n kári n sáà Elize nyaa wi lè Syafati jáaw. Wi maa pye ni fála ní nìye pɛ́ɛribéle kɛɛ ní siin ní, woro si i nyɛ kɛɛ ní siin wów kurugo. A Elii sa ni sɔ̀lɔ́ wi taana níì wi burogbɔɔgi wáa wi na.

1 Fànʔafɔbèle 19:8

A wi yìri n lìi níì gbaa. Fǎngee yaliiri bee le wi ni lè, a wi canya togoye siin ní yébiliye togoye siin tánʔa fwɔɔ n sáà nan Kolocɔlɔɔ nyanbelegi na ki lè Horebi.

Ŋúnuyi 106:19

Pe n náapiige sámaga Horebi nyanbelegi tìgimɛ ni, a be i tɛɛgbàlaw yafanʔa kpɔ̀ʔɔrɔ́.

Yirile 17:6

Wéle, mii a sa yére yaà mɔ yɛ́ʔɛ ma Horebi fálagi na. Mi sa fálagi kpúmɔn, lɔ̀ʔɔ a yiri gi ni, syɛ́ɛnbèle a gbaa.» A Mowizi gi kpéʔele kánmi bee na Isirayɛli wolɛɛbèle nyɛ́nɛ na.

Yirile 18:12

A Mowizi céw tóo Zyeturo sáriga-sórigoo wòlo, n fàra sárigawaa nikwɔɔ na Kolocɔlɔɔ ma. A Aarɔn ní Isirayɛli wolɛɛbèle myɛ pan n baa pínɛ n lìi ní Mowizi céw tóo ní Kolocɔlɔɔ yɛ́ʔɛ ma.

Yirile 19:11

Pé peyɛɛ zámaga bi kwɔ́ɔ candaanri wógi na. Níì cán candaanri wógi na Yawe a tìgi syɛ́ɛnbèle myɛ nyɛ́nɛ na Sinayii nyanbelegi na.

Yirile 19:2

Erefidimi ni pe da yiri níì jée Sinayii fìími tára ni n be fànikpaayi kóri. Isirayɛli ye maa be fànikpaayi kóri n yɛʔɛ̀ wáa nyanbelegi ma.

Yirile 19:3

A Mowizi lúgu n kári Kolocɔlɔɔ ma, a Yawe kòro yaà nyanbelegi ǹjoʔo ni níì wi yeri níì jo: «Ki n yɛlɛ mi syɛ́ɛnri naa joo Zyakɔbi kpáagi wòolo ma, pe lè Isirayɛli pìíbèle, mí be pye:

Yirile 2:16

Calipiigèlē kɔrɔsiin maa pye Madyan sáriga-wòlow ma. A bele bee pan ba lɔ̀ʔɔ kóo bi yaweeri yagbaaya nyìn bi be tóow yaweeyiligēle kaan ge gbaa.

Yirile 2:18

A pe lúru n pan be tóow Erewuyɛli ma, a wi baa be pye: «Mɛ̀ɛ́ gi pye á yele wári n pan nya níjanʔa?»

Yirile 2:21

A Mowizi fɔ̀lɔ n tɛ́ɛn nǎnw bee tɛ́ʔɛ ni. A wi wi pìíw Sefora kaan Mowizi ma wi cɔɔ̀.

Yirile 24:13

A Mowizi yìri, a wi falipyew Zyozuwe pínɛ ní wi ní n lúgu Kolocɔlɔɔ nyanbelegi na.

Yirile 3:12

A Kolocɔlɔɔ jo: «Mii i nyɛ ní mɔ ní. Wéle, gee ki a pye lè fɛ̀ɛ́w bi gi tɛ̀ɛn mii wi mɔ tun, koro gi nyɛ, mɔ ga sáà syɛ́ɛnbèle yirige Ezyipiti ni, yele a ba Kolocɔlɔɔ kpɔ̀ʔɔrɔ nyanbelegi naa na.»

Yirile 3:5

A wi jo: «Mɔ a kɔ́ nùuni nɛɛ naa í. Mɔ taʔalayi wòlo mɔ tɔ́lɔyi na. Níì cán tɛ́ɛgi ni mɔ yére lè gee, ki tári i nyɛ tɛɛcànga.»

Yirile 33:6

A Isirayɛli ye canʔana Horebi nyanbelegi na n sáà be yaferedi wòlo peyɛɛ na.

Yirile 4:18

A Mowizi lúru n pan wi céw tóo ma wi lè Zyeturo, n baa wi pye: «Ki yaʔa mii í lúru kári mii senyɛnbèle ma, pe yaà lè Ezyipiti ni, bi sa gi wéle kapye pe sèʔé i yaà sìi na.» A Zyeturo Mowizi pye: «Da syée yɛɛ̀nyinge na.»

Yirile 4:27

A Yawe gi joo Aarɔn ma níì wi pye: «Da syée mi sa Mowizi fàra fìími tára ni.» A wi kári n sáà wi fàra Kolocɔlɔɔ nyanbelegi ma níì wi syɔɔnri syɔɔnri.

Amɔsi 1:1

Amɔsi wi pye lè Tekowa yaweegboowaa woro syɛ́ɛnri, ní yanyaagi wi nyaa lè Isirayɛli kéeli na, Zyuda fànʔafɔw Ozyasi lǎli ni, ní Isirayɛli fànʔafɔw Zyerobowami lǎli ni wi pye lè Zyowasi jáaw. Koro n pye a gi yɛ̀ʔɛlɛ siin kwɔ́ɔ sáni tári í cɛ̀lɛ lè.

Córolo 10:29

A Mowizi gi joo Hobabi ma wi lè Erewuyɛli jáaw, Madyan ye wów, wi pye lè Mowizi céw tóo, níì wi pye: «Wolo i syée tɛ́ɛgi ma, gee kéele na Yawe da gi joo lè níì jo: ‹Mii a gi kaan yele ma.› Da maa ní wolo ní, wolo a kacànna kpéʔele mɔ na. Níì cán Yawe n nyɔ́ɔgi fàli bi kacànna kpéʔele Isirayɛli na.»

Córolo 10:33

A be yìri Yawe nyanbelegi taana n kári bi canya taanri tánʔana kpéʔele. A Yawe joogaanni kásu kíni pe yɛ́ɛgi na n cányi taanri tánʔana kpéʔele jàngó bi tɛɛ̀ŋɔndaʔa caa be ma.

Luki 2:8

Bànaʔabèle pèle si maa pye tári bee ni ni be bǎbèle nàʔá ni syɔ̀ɔ́n yaà sìnbirigi ni.

Kapyegèle 7:30

A yɛ̀ʔɛlɛ togoye siin ga kwɔ́ɔ, a nyɛ̀ʔɛni tundunwaa baa wiyɛɛ dɛ̀ɛn wi na Sinayii nyanbelegi fìimɛ tára ni naanyìnge ni. Náagi bee maa ni nyín tiipiige ni.

Làlwaw Kaanziin 1:2

Bi láa Horebi ma, si sɔ̀lɔ Seyiiri nyanbeleyi kúlo kólogo ni bi taa sa nan Kadɛsyi-Barineya na, gee bee i nyɛ canya kɛɛ ní nibin tánʔana.

Làlwaw Kaanziin 1:6

«Yawe wolo Kolocɔlɔw n joo ní wolo ní Horebi ma, níì jo: ‹Yele n tɛ́ɛn n mɔn n kwɔ́ɔ nyanbelegi naa taana.

Làlwaw Kaanziin 4:10

Sɔ̀ngi mi taa cángi na, gee ni mɔ yére Yawe mɔ Kolocɔlɔw yɛ́ʔɛ ma lè Horebi ma, lǎli ni Yawe mii pye lè: ‹Syɛ́ɛnbèle kpóʔoro mii taana, jàngó mii í gi yaʔa pe mii syɛ́ɛnri lóʔo. Koro ga pye pe gi tama bàā fɛ̀ɛgí mii na làlee myɛ ni pe a kwɔ́ɔ lè sìi na tári na, pé wɔ́ɔ ra be jáabèle tama di na.›

Jàbɔbèle 4:11

Hebɛɛri wi pye lè Kenii ye wów, woro maa wàli n láʔa Kenii ye wozanbèle na pe lè Hobabi yòdaʔayi, Hobabi wi pye lè Mowizi céw tóo. A wi kári fwɔɔ n sáà wi fànikpaagi kóri Saanayimi syɛni tíigi láara ni Kedɛsyi taana.

1 Samyɛli 16:11

Koro kàdoʔo ma a Samyɛli Izayi pye: «Mɔ nanbiigèle lé ge kwɔ́ɔ gele?» A wi wi yari: «Wobili li kòro, li si i yaà ni yaweeyiligèle nàʔá.» A Samyɛli Izayi pye: «Tun be sa wi yeri, níì cán wolo a tɛ́ɛn í fwɔɔ bi taa wi nan naa.»