Yirile 26:1 - Cebaara Bible 2010

¹ «Ki n yɛlɛ mi kpɔ̀ʔɔrɔli fànikpaʔa sámaga mii ma ní fànitɔnɔyɔ kɛɛ ní. Ki sámaga ní lɛn fànifɛɛlɛfɛɛlɛɔ ní wee be sára lè, ní kɔ́luruna céri fàni, ní fàninyɛɛnw, ní fàninyɛɛn-telew ní. Mí syerubɛnbéle sámaga yaà bi yɛlɛ ní kacánmi fálipyeganma ní.

Yirile 26:1 Iomraidhean Croise

2 Samyɛli 7:2

a wi kanyaajoow Natan pye: «Mɔ mi wéle, mii wi wee wodɛ́ɛɔn ní sɛdiri tíire kpaʔa ni, Kolocɔlɔɔ kásuw si i nyɛ fànikpaʔa ni.»

1 Fànʔafɔbèle 6:29

Wi maa be pye a be syerubɛnbéle, ní sɛʔɛwara, ní fílɛɛriw wi cabara lè, woro niwiriye kánʔana n wòlo kpáagi gunbiiye myɛ na fungo ma ní kàdoʔo ma.

1 Cányi kèlē 17:1

Lǎli ni Davidi baa jée wi kpáagi ni lè a wi kanyaajoow Natan pye: «Wéle mii i nyɛ wodɛ́ɛɔn ní sɛdiri tíire kpaʔa ni á Yawe joogaanni kásu si i nyɛ fànikpaʔa faniya láara ni.»

1 Cányi kèlē 21:29

Yawe kpɔ̀ʔɔrɔli fànikpaʔa Mowizi da sámaga lè fìími tára ni, n fàra sáriga-sórigow sáriga-wòlo-yafanʔa na, toro n pye Gabaɔn sáriga-wòlo-tɛ́ɛgi ni lǎli bee ni.

Yirile 25:18

Mí tɛɛ̀ syerubɛnbéle siin sámaga, tɛɛ̀ mɔ a kpúmɔn bi be sámaga be pye kapeegèle kùsulugo tɛ́ʔɛ láʔagéle siin na.

Yirile 25:4

ní kɔ́luruna céri fàni, ní fàninyɛɛnw, ní fàninyɛɛn-tèlew, ní lɛn fàni fɛɛlɛfɛɛlɛw, n fàra sike-síiri na,

Yirile 25:8

Pé tɛɛcànga sámaga mii ma jàngó mii í kòro be níngi ni.

Yirile 26:2

Fàniyi myɛ nibin nibin tɔnɔganma a pye mɛ́tiribéle kɛɛ ní sicɛrɛ-jɛrɛ, yi kpóloganmi si pye mɛ́tiribéle siin-ziin. Fàniyi myɛ tímanaganma a pye sèjira.

Yirile 26:31

Ki n yɛlɛ mi fànipariɔ sámaga ní kɔ́luruna cére fàni, ní fàninyɛɛɔn, ní fàninyɛɛn-tèleo ní, n fàra lɛn fànifɛɛlɛfɛɛlɛɔ na, wee be sára lè. Pé syerubɛnbéle sámaga wi na bi yɛlɛ ní kacánmi fálipyeganma ní.

Yirile 26:36

Mí fànikpaagi tɛɛ̀jeele kpaaweetɔn-fàni sámaga ní kɔ́luruna cére fàni, ní fàninyɛɛɔn, ní fàninyɛɛn-tèleo ní, n fàra lɛn fànifɛɛlɛfɛɛlɛɔ na, wee be sára lè.

Yirile 31:7

Koro gi nyɛ Syɛ́ɛnmi Tɛɛfaraga fànikpaʔa, ní Séeraw kásu, ní kapeegèle kùsulugo tɛ́ʔɛ ki a pye lè wi ǹjogi ni, ní fànikpaagi yayigelere myɛw,

Yirile 35:11

Koro gi nyɛ tɛɛkòrojǎngi, ní gi fànikpaagi, ní gi yatɔngi, ní gi yakparagèle, ní gi tiikpakpaayi, ní gi tiipalagèle, ní gi gàángèle, ní ge yataʔayi,

Yirile 35:35

Wi n be nyìn cánni na koro ga pye pe gbǎn ra yatanri fáli, ní kacánmi fáli myɛ kpéʔele, bàā fàniw súu, si wɔ́ɔ ra kɔ́luruna céri fàni, ní wonyɛɛnw, ní wonyɛɛntelew, ní lɛn fànifɛɛlɛfɛɛlɛw tíin, bi wɔ́ɔ ra fali féleyi myɛ kpéʔele, sáā falifɔɔn sélegi.

Yirile 35:6

ní kɔ́luruna céri fàni, ní fàninyɛɛnw, ní fàninyɛɛn-tèlew, ní lɛn fàni fɛ́ɛlɛfɛɛlɛw, n fàra sike-síiri na,

Yirile 36:35

A be fànipariw sámaga ní kɔ́luruna cére fàni, ní fàninyɛɛɔn, ní fàninyɛɛn-tèleo, ní lɛn fànifɛɛlɛfɛɛlɛɔ ní, wee be sára lè, níì syerubɛnbéle sámaga fànipariw na n yɛlɛ ní kacánmi fálipyeganma ní.

Yirile 39:3

A be tɛɛ̀ yafabi-fabiya sámaga níì yi cɛnɛ mɛɛngéle, níì ge foro foro kɔ́luruna céri fàni, ní fàninyɛɛnw, ní fàninyɛɛn-tèlew, ní lɛn fànifɛɛlɛfɛɛlɛw ni, wee be sára lè. Ki maa sámaga n yɛlɛ ní kacánmi fáli pyeganma ní.

Yirile 40:2

«Yɛ́ɛli yézelige cânzelige na, ki n yɛlɛ mi kpɔ̀ʔɔrɔli fànikpaʔa kóri, ki lè Syɛ́ɛnmi Tɛɛfaraga fànikpaʔa.

Córolo 3:25

Syɛ́ɛnmi Tɛɛfaraga fànikpaʔa yárira ti da kàlifáa Gerisyɔn yòdaʔayi wòolo ma lè, toro di nyɛ kpɔ̀ʔɔrɔli fànikpaʔa, ní fànikpaagi, ní yatɔnri, ní Syɛ́ɛnmi Tɛɛfaraga fànikpaʔa kpaaweetɔn-fàni,

Córolo 4:25

Pe a ra kpɔ̀ʔɔrɔli fànikpaʔa ní Syɛ́ɛnmi Tɛɛfaraga fànikpaʔa faniya tugu, ní gi yatɔngi, n fàra dofɛn sáligi na be taari gi na lè, n fàra syɛ́ɛnmi tɛɛfaraga fànikpaʔa kpaaweetɔn-fàni na,

Zyan 1:14

Syɛ́ɛnri bee maa baa kàri syɔɔn n tɛ́ɛn wolo níngi ni, a wolo wi nìjangbɔɔri sámaga n nyaa, nìjangbɔɔri bee i nyɛ Jaafɔw wóro, dee Tofɔw Kolocɔlɔɔ kaan lè wi Pìinibingi ma, àmɛɛ wi yìri yaà woro ma lè. Kpɔ́ʔɔri ní kányɛɛgi saʔa maa tɔ̀nɔ n pye wi ma.

Zyan 2:21

Kàjáa kpɔ̀ʔɔrɔli kpaʔa kéele wi joo lè, wi tiimaa céri kéele wi da joo ànbée.

Heburubèle 8:2

Wi i báara ní Kolocɔlɔɔ kpɔ̀ʔɔrɔli fànikpaʔa yacanra ní, ki lè kányɛɛgi wóʔo, gee Kàfɔw sámaga lè, syɔɔn wozamagaga ban í.

Heburubèle 9:2

Níì cán pe maa Kolocɔlɔɔ kpɔ̀ʔɔrɔli fànikpaʔa sámaga, ní i funzeligi mɛ́ʔɛ yiri Tɛɛcǎngi. Fètindaʔali ní tàbaliw maa pye gi ni, n fàra búruw na be kaan Kolocɔlɔɔ ma lè.

Heburubèle 9:9

Fànikpaagi bee kéele maa pye fòto bi tɔ́ɔliw naa kéele tɛ̀ɛn. Ki kɔ́rɔw wi nyɛ yakaanyi ní sárigaw be kaangi lè Kolocɔlɔɔ ma, dee bee a gbǎn Kolocɔlɔɔ kpɔ̀ʔɔrɔfɔw fúngo sín bi foro í.

Tɛ̀ɛnnɛ 19:8

A be burogo kaan wi ma, lɛn fànifɛɛlɛfɛɛlɛɔ wóʔo, a wi le, gee gi fílige lè kere kere.» Lɛn fànifɛɛlɛfɛɛlɛw wi nyɛ Kolocɔlɔɔ syɛɛncanbèle kasinbyere.

Tɛ̀ɛnnɛ 21:3

A mii yákpogbɔɔlɔ lóʔo fàngoli ni a li jo: «Wéle, Kolocɔlɔɔ tɛɛkòrogi i nyɛ syɛ́ɛnbèle nínge ni! Wi a kòro ní be ní, pe a pye wi syɛ́ɛnbèle, Kolocɔlɔɔ tiimaa a pye ní be ní, si pye be Kolocɔlɔw.