Yirile 24:4 - Cebaara Bible 2010

⁴ A Mowizi Yawe syɛ́ɛnri myɛ sɛ́bɛ. Koro kàdoʔo ma a wi sɔ̀li n yìri n sáriga-wòlo-yafanʔa faan nyanbelegi tìgimɛ ni, n fàra gàángéle kɛɛ ní siin na n yɛlɛ ní Isirayɛli syɛɛnfeleyi kɛɛ ní siin nyɔ́ɔ ní.

Yirile 24:4 Iomraidhean Croise

Sélimɛ 12:7

A Yawe wiyɛɛ dɛ̀ɛn Abirami na níì wi pye: «Mii a tári naa kaan mɔ yodaʔagi ma.» Tɛ́ɛgee ni Yawe wiyɛɛ dɛ̀ɛn Abirami na lè, a Abirami sáriga-wòlo-yafanʔa faan Yawe ma tɛ́ɛgi bee ni.

Sélimɛ 28:18

A Zyakɔbi sɔ̀li n yìri nyǐngi nyɔ́ɔ na níì kàdɛnɛgi láa, gee na wi da nyǔngi taʔa lè n gi yérige gàánna níì sìnmɛ wo ki ǹjogi ni.

Sélimɛ 28:22

Kàdɛnɛgi naa mii yìrige n yérige lè gee gàánna, ki a pye Kolocɔlɔɔ kpaʔa. Yáriree myɛ wi ga kaan mii ma lè, mii a di yáʔaw wòlo bi kaan wi ma.»

Sélimɛ 31:45

A Zyakɔbi kàdɛnɛgɛ láa n yérige n gi pye gàánna.

1 Fànʔafɔbèle 11:30

Burogbɔɔ-fɔngi gi pye Ahiya na lè, a wi gi cò n sulugu n pye tɛɛyɛ kɛɛ ní siin,

1 Fànʔafɔbèle 18:31

Elii maa kàdɛnɛyɛ kɛɛ ní siin láa n yɛlɛ ní Zyakɔbi jáabèle nyɔ́ɔ ní, pe lè syɛɛnfeleyi kɛɛ ní siin. Woro wee má Yawe da gi joo lè níì jo: «Mɔ mɛ́ɛgi a pye Isirayɛli.»

Ɛsidirasi 6:17

A be náapɛʔɛlɛ dabata, ní bàpɔɔlɔ sirakele, ní bàpiigéle saala siin wòlo sáriga Kolocɔlɔɔ kpɔ̀ʔɔrɔlɔ kpáagi bee kàlifaala kéele na, níì sikepɔɔlɔ kɛɛ ní siin wòlo sáriga Isirayɛli ye myɛw kapeele kéele na, n yɛlɛ ní Isirayɛli syɛ́ɛnfeleyi nyɔ́ɔ ní.

Nehemii 10:1

Gee bee myɛ kéele na, a wolo tɔ̀nɔ n nyɔɔfaliga kpéʔele, gee wolo sɛ́bɛ lè, a wolo kùndigibèle, ní Levii ye pe lè wolo wóbèle, ní wolo sáriga-wòlobèle be fɛ̀ɛ́bèle taʔa sɛ́bɛw bee na.

Yirile 17:14

A Yawe gi joo Mowizi ma níì wi pye: «Ki n yɛlɛ mi gee naa sɛ́bɛ sɛ́bɛw ni ki pye sɔ̀ngudaara kéele, mi gi joo mi tɛ̀ɛn Zyozuwe na, mí wi pye mii n jo mii a ba Amalɛki syɛɛnfelegi kwɔ́ɔ bi yirige péw dulunyanw ni, syɔɔn faala a ní be kéeli sɔ̀ngí taa í.»

Yirile 17:15

A Mowizi sáriga-wòlo-yafanʔa faan níì gi mɛ́ɛgi le ni gi yiri: Yawe wi nyɛ mii káfaliw.

Yirile 21:1

«Làlwaw kèlē mɔ a tɛ̀ɛn be na lè, koro ge nyɛ gele naa.

Yirile 24:7

A wi joogaanni sɛ́bɛ láa n wi syɛ́ɛnri wéle n joo syɛ́ɛnbèle ma. A be jo: «Gee myɛ Yawe joo lè, wolo a gi kpéʔele foro sáā lúro wi ma.»

Yirile 28:21

Kàdɛɛngèle a pye Isirayɛli jáabèle mɛ́ɛyɛ na. Ke a pye kɛɛ ní siin bi yɛlɛ ní be mɛ́ɛyi ní. Syɛɛnfeleyi kɛɛ ní siin mɛ́ɛyɛ a kánʔana wòlo ke myɛ nibin nibin na mɛ́ɛyɛ fɛɛ yáriya sámagaganma na.

Yirile 34:27

A Yawe gi joo Mowizi ma níì wi pye: «Ki n yɛlɛ mi syɛ́ɛnri naa sɛ́bɛ. Níì cán joogaanni mii kpéʔele ní mɔ ní Isirayɛli ye ní lè, mii n li kpéʔele n yɛlɛ ní di ní.»

Ezayi 19:19

Cángi bee na sáriga-wòlo-yafanʔa a pye Yawe ma Ezyipiti tári nínge ni, ní kàdɛnɛgɛ gàánnaa Yawe ma láʔagologi nyɔ́ɔ na.

Levii ye sáriga-wòlori 24:5

«Míivɔɔnimɔ láa mi búrubéle kɛɛ ní siin sámaga, búru o búru a pye míivɔɔnimɔ cúlobéle kɔrɔni.

Córolo 17:2

«Ki joo Eleyazari ma, wi lè sáriga-wòlow Aarɔn jáaw, mí wi pye wi naàniganw yalegéle yirige náagi ni, wí náagi wo léelige, níì cán ke i nyɛ yacanya.

Luki 22:30

Koro ga pye yele í da líi sáā gbo mii tàbaliw na mii fǎngi ni. Yele a tɛ́ɛn fàngorigēle na bi pye Isirayɛli syɛɛnfeleyi kɛɛ ní siin kútiijoobéle.»

Galasi ye 2:9

Zyaki, ní Sefasi, ní Zyan be nyɛ lè mɔ a jo kpaʔa tiipɔɔlɔ bɛɛ, lǎli ni pe gi cán lè ncan Kolocɔlɔɔ wi kpɔ́ʔɔri kaan mii ma, a be be kàliige kɔ́yi le wolo ma, mii ní Barinabasi ní, a koro pye fɛ̀ɛ n wolo pínɛnyɛnnɛgi tɛ̀ɛn, níì jo wolo í da syée syɛɛnfeleyi ma, poro sáā syée kɛ́nɛw fɔ̀ɔlɔ ma.

Làlwaw Kaanziin 31:9

A Mowizi làlwaw bee sɛ́bɛ, níì wi kaan sáriga-wòlobèle ma pe lè Levii jáabèle, poro bele be pye lè Yawe joogaanni kásu tugofɔɔlɔ, ní wɔ́ɔ̀ wi kaan Isirayɛli wólɛɛbèle myɛ ma.

Zyozuwe 4:20

Kàdɛnɛyee kɛɛ ní siin pe da láa Zyuridɛnw ni lè, a Zyozuwe yoro taʔala yiyɛɛ na yaà Giiligali ni.

Zyozuwe 4:5

A Zyozuwe baa be pye: «Yaa syée ye sa kàdɛnɛyɛ nibin nibin láa Yawe yele Kolocɔlɔw joogaanna kásu yɛ́ʔɛ ma Zyuridɛnw nínge ni ye taʔala yele fókaannyunyi na bi yɛlɛ ní Isirayɛli ye syɛɛnfeleyi nyɔ́ɔ ní,

Tɛ̀ɛnnɛ 21:14

Kěgi tò kàpɔɔn kàdɛnɛyɛ maa pye kɛɛ ní siin, á be Bàpili pìitunbéle kɛɛ ní siin mɛ́ɛyɛ sɛ́bɛ yi na.