Yirile 24:3 - Cebaara Bible 2010

³ A Mowizi sáà Yawe syɛ́ɛnri bee myɛ joo Isirayɛli syɛ́ɛnbèle ma n fàra wi tundunri myɛ na. A syɛ́ɛnbèle myɛ pínɛ n bɛ̀ɛ nibin na níì gi joo Mowizi ma níì jo: «Syɛ́ɛnree Yawe joo lè, wolo a ti myɛ foro.»

Yirile 24:3 Iomraidhean Croise

2 Cányi kèlē 15:14

Pe n kàli Yawe ma ní yákpogbɔɔlɔ, ní yákpowáara ní, n fàra búrubèle, ní tòmaayi wìimɛ na.

2 Cányi kèlē 15:15

A Zyuda ye myɛw fundaanra kpéʔele kàligi bee kéele na, níì cán pe maa gi kpéʔele ní be fúnyi myɛ ní. Pe maa ni Yawe caa àmɛɛ gi tɔ̀nɔ n be dɛ́nɛ lè, a wi gi yaʔa a be woro nyaa. A Yawe ŋɔ́ndaala kaan be ma kàbanyi myɛ na.

Ŋúnuyi 50:5

«Ye mii syɛɛncanbèle kpóʔoro mii ma, poro bele be joogaanna kpéʔele ní mii ní lè ní sáriga-wòlori ní!»

Yirile 19:8

A syɛ́ɛnmi myɛ bìnɛw gi joo níì jo: «Gee Yawe joo lè, wolo a ra gi kpéʔele.» A Mowizi sáà syɛ́ɛnbèle syɛɛnlurugoro joo Yawe ma.

Yirile 24:2

Mowizi nibin wi a nùuni mii Yawe na. Wozanbèle ga yɛlɛ bi nùuni naa í. Syɛ́ɛnmi ga wɔ́ɔ̀ yɛlɛ bi lúgu ní wi ní í.»

Yirile 24:7

A wi joogaanni sɛ́bɛ láa n wi syɛ́ɛnri wéle n joo syɛ́ɛnbèle ma. A be jo: «Gee myɛ Yawe joo lè, wolo a gi kpéʔele foro sáā lúro wi ma.»

Zyeremii 11:4

toro dee mii sɛ́bɛ n kaan yele tóolɛɛbèle ma lè lǎli ni mii be yirige lè tunweeli ni, li lè Ezyipiti tári, níì be pye: Ye mii jóomi lóʔo, yáā gi kpéʔele bi yɛlɛ ní gee myɛ ní mii nyuu ni gbàngí yele ma lè.› Lǎli bee ni yele a pye mii syɛ́ɛnbèle, mii si pye yele Kolocɔlɔw.

Zyeremii 34:13

«Yawe wi lè Isirayɛli ye Kolocɔlɔw, wi n jo: ‹Mii n joogaanna kpéʔele ní yele tóolɛɛbèle ní, cángee na mii be yirige Ezyipiti tári ni lè, púlori kpaʔa ni, níì be pye:

Agizye 2:5

«N yɛlɛ ní syɛ́ɛnri ní mii da joo yele ma lè yele làriyirili ni Ezyipiti ni, á mii pǐli si i nyɛ yele níngi ni, yele a kɔ́ ra fɛ̀ɛgí í.»

Malasyii 2:10

Wo myɛ o nyɛ tofɔlɔ nibin wòolo ì? Kolocɔlɔɔ nibin ban wi wo faan ì? Nyàʔá si na wo woyɛɛ jànváa, ní i joogaanni kálagi, lee Kolocɔlɔɔ da kpéʔele ní wolo tóolɛɛbèle ní lè?

Làlwaw Kaanziin 11:1

«Yawe mɔ Kolocɔlɔw kéele yaʔa li mɔ dɛ́nɛ, mí wi kajoogèle, ní wi làlwaw kèlē, ní wi tundunri, ní wi kajoodɛɛngèle cò làla o làla.

Làlwaw Kaanziin 4:1

«Tɔ́ɔliw ni, Isirayɛli, làlwaw kèlē ní kajoodɛɛngèle lóʔo, gele na mii a mɔ tama lè, máā ge kpéʔele, jàngó yele í kòro sìi na si jée tári ni bi di syɔɔ taa, dee Yawe yele tóolɛɛbèle Kolocɔlɔɔ kaan yele ma lè.

Làlwaw Kaanziin 4:45

Kajoogèle, ní làlwa kérigèle, ní tundunri naa Mowizi joo Isirayɛli ye ma pe yirili kàdoʔo ma Ezyipiti ni.

Làlwaw Kaanziin 4:5

Ye wéle, mii n yele tama làlwaw kèlē, ní kajoodɛɛngèle na, àmɛɛ Yawe mii Kolocɔlɔw gi joo n gbàn mii ma lè, koro ga pye táree ni yele a jée lè bi di pye yele wóro, yele í da kérigèle bee kpéʔele di ni.

Làlwaw Kaanziin 5:1

A Mowizi Isirayɛli ye myɛ yeri ní baa be pye: «Isirayɛli ye, làlwaw kèlē ní tundunri mii nyuu ni nii yele líiweegèle ni lè níjanʔa, ye di tama, ye di sámaga ye cò, yáā di kpéʔele.

Làlwaw Kaanziin 5:31

Mɔ si na, kòro nɛɛ naa ní mii ní, mii si kajoodɛɛngèle myɛ, ní làlwaw kèlē, ní tundunri joo mɔ ma, dee na mɔ a be tama lè pe sa ra kpéʔele tári ni, dee mii a kaan be ma lè di pye pe worò.›

Làlwaw Kaanziin 6:1

«Kajoodɛɛngèle ní làlwaw kèlē ní tundunri di nyɛ dee naa, dee Yawe yele Kolocɔlɔw joo n gbàn níì jo mii í yele tama di na lè, koro ga pye táree ma yele syée bi sa di syɔɔ di pye yele wóro lè, yele í da di kpéʔele tári bee ni.

Zyozuwe 24:21

A syɛ́ɛnmi Zyozuwe yari: «Eʔe, Yawe má wolo a tɔ̀nɔ́ da báara.»

Zyozuwe 24:22

A Zyozuwe syɛ́ɛnmi pye: «Yele i nyɛ yeyɛɛ séerabéle, ncan yele ye gi nyɛ́nɛ n wòlo bàā báara Yawe ma.» A be jo: «Wolo i nyɛ gi séerabéle.»

Zyozuwe 24:24

A syɛ́ɛnmi Zyozuwe pye: «Yawe wolo Kolocɔlɔw má wolo a ra báara, sáā wi jóomi lúro.»