Yirile 24:1 - Cebaara Bible 2010

¹ A Kolocɔlɔɔ gi joo Mowizi ma níì wi pye: «Lúgu naa mɔ tiimaa, mii Yawe ma nyanbelegi na, mɔ ní Aarɔn, ní Nadabi, ní Abihu, n fàra Isirayɛli wólɛɛbèle togoye taanri ní kpɔrigɔ na. Yele a ba kòro léelige si too bi yɛ́ɛyi cíbele.

Yirile 24:1 Iomraidhean Croise

1 Cányi kèlē 6:3

Kehati jáabèle si i nyɛ: Amirami, ní Yisehari, ní Heburɔn, ní Uzyɛli.

Yirile 1:5

Syɛ́ɛnbèle bele be yiri Zyakɔbi ni lè, pe nyɔ́ɔgi n pye togoye taanri ní kpɔrigɔ. Zyozɛfu si na, woro maa pye yaà n kwɔ́ɔ Ezyipiti ni.

Yirile 19:20

Yawe maa tìgi n baa tɛ́ɛn Sinayii nyanbelegi na, níì Mowizi yeri, a wi lúgu yaà.

Yirile 19:24

A Yawe wi pye: «Tìgi maa syée, koro kàdoʔo ma mɔ a ní lúgu naa, Aarɔn si pínɛ lúgu ní mɔ ní. Kàjáa sáriga-wòlobèle ní syɛ́ɛnmi a kɔ́ jo poro a tìn bi lúgu naa mii Yawe ma í, jàngó mii a kɔ́ pèle nyúnyo pùuni pe kabigi ni í.»

Yirile 19:9

Lǎli bee ni a Yawe gi joo Mowizi ma níì wi pye: «Wéle, mii a pan mɔ ma fàfaanwɔʔɔ ni, koro ga pye mii ga ba ni nyuu ní mɔ ní, Isirayɛli ye í da mii joomi lúro, koro ga pye be tága mɔ na làla o làla.» A Mowizi syɛ́ɛnbèle syɛ́ɛnrɛ joo n tɛ̀ɛn Yawe na.

Yirile 20:21

Syɛ́ɛnbèle maa canʔana n yére, á Mowizi nùuni fàfaangi na, gee ni Kolocɔlɔɔ pye lè.

Yirile 24:15

A Mowizi lúgu nyanbelegi na, á fàfaangi nyanbelegi tɔ́n.

Yirile 24:2

Mowizi nibin wi a nùuni mii Yawe na. Wozanbèle ga yɛlɛ bi nùuni naa í. Syɛ́ɛnmi ga wɔ́ɔ̀ yɛlɛ bi lúgu ní wi ní í.»

Yirile 24:9

A Mowizi lúgu nyanbelegi na, woro ní Aarɔn, ní Nadabi, ní Abihu, n fàra Isirayɛli wólɛɛbèle pèle togoye taanri ní kpɔrigɔ na.

Yirile 28:1

«Mɔ si na, ki n yɛlɛ mi mɔ senyɛnw Aarɔn ní wi jáabèle yirige Isirayɛli ye níngi ni mi nùuni miyɛɛ na, koro ga pye waa sáriga-wòlori fáli kpéʔele mii ma. Gee bee n jo Aarɔn, ní wi jáabèle be lè Nadabi, ní Abihu, ní Eleyazari, ní Itamari.

Yirile 3:5

A wi jo: «Mɔ a kɔ́ nùuni nɛɛ naa í. Mɔ taʔalayi wòlo mɔ tɔ́lɔyi na. Níì cán tɛ́ɛgi ni mɔ yére lè gee, ki tári i nyɛ tɛɛcànga.»

Yirile 34:2

Ki n yɛlɛ mɔ í pye wozamagagwɔɔɔ ní nyǐngi nyɔ́ɔ na pɛɛn pɛɛn, mí lúgu Sinayii nyanbelegi na nyǐngi nyɔ́ɔ na, mi sa yére nɛɛ bee mii yɛ́ʔɛ ma ki ǹjogi ni téw.

Yirile 6:23

A Aarɔn Elisyeba láa wi cɔɔ̀, wi pye lè Aminadabi pìíw, ní i nyɛ Nakisyɔn senyɛnnɛ̀. A Elisyeba Nadabi, ní Abihu, ní Eleyazari, ní Itamari see Aarɔn ma.

Ezekyɛli 8:11

Isirayɛli kpáagi wolɛɛbèle pèle togoye taanri ní kpɔrigɔ, poro bele nínge ni Syafan jáaw Yaazanya da pye lè, pe maa pye woyérebéle ní yasunyi bee yɛ́ʔɛ ma, pe myɛ nibin nibin si i nyɛ ní nùndaanni yasorigogo yalegéle ní kɔ́yi ni, á nùndanʔa yasorigogo fafaankpɔʔɔ si i yìrigí.

Córolo 11:16

A Yawe gi joo Mowizi ma níì wi pye: «Nànbēle togoye taanri ní kpɔrigɔ kpóʔoro Isirayɛli wólɛɛbèle ni mii ma, bele mɔ cán lè pe i nyɛ wolɛɛbèlē, ní syɛ́ɛnmi kùndigibéle. Mi pan ní be ní Syɛ́ɛnmi Tɛɛfaraga fànikpaʔa kpaaweele ma, pe ba yére yaà ní mɔ ní.

Luki 10:1

Koro kàdoʔo ma a Kàfɔw níì syɛ̀ɛnnɛ togoye taanri ní kpɔrigɔ ní siin nyɛ́nɛ n wòlo, tɛ́ɛyee myɛ ni, ní kěyi myɛ ma woro tiimaa a kári lè, a wi bele bee tun siin-ziin paa syée yaà woro yɛ́ʔɛ na,

Luki 10:17

A togoye taanri ní kpɔrigɔ ní siinw lúru n pan ní fundaanra ní n baa wi pye: «Kàfɔw, àlí màdebèle n sa ni lúro wolo ma mɔ mɛ́ɛgi yerile báriga ni.»

Làlwaw Kaanziin 1:15

Lǎli bee ni bele be pye yele syɛɛnfeleyi nyúngo na lè, poro bele be pye lè sícilibēle, ní mɛ́ɛtaanya fɔ̀ɔlɔ, a mii be láa n télege yele nyúngi na a be pye saala kagunɔ kagunɔw kùndigibéle, ní dabata-daw kùndigibéle, ní togoye siin ní kpɔrigɔ kpɔrigɔw kùndigibéle, ní kɛɛ-gɛɛw kùndigibéle, ní kɔ̀rɔsiifɔɔlɔ, yele syɛɛnfeleyi ni.