Yirile 20:3 - Cebaara Bible 2010

³ Ki ga yɛlɛ kolocɔlɔwaa í ní kɔ́ pye mɔ ma mii yɛ́ʔɛ ma í.

Yirile 20:3 Iomraidhean Croise

Làlwaw Kaanziin 5:7

Ki ga yɛlɛ kolocɔlɔwaa í ní kɔ́ pye mɔ ma mii yɛ́ʔɛ ma í.

Matye 4:10

A Zyezu wi yari: «Núngo mii taana, Sutana. Níì cán ki n sɛ́bɛ níì jo: ‹Maa mɔ Kafɔw Kolocɔlɔɔ kpɔ̀ʔɔrɔ́ máā woro nibin fáliw kpéʔele.› »

Ŋúnuyi 81:9

Mii syɛɛnfelegi, ki n yɛlɛ mi lóʔo! Mii a mɔ sàmi. Isirayɛli, ki maa yɛlɛ mɔ í da lúro mii ma!

Ezayi 46:9

Ye sɔ̀ngi ye taa booma kasɔ̀lɔgwɔɔgèle na. Níì cán mii wi nyɛ Kolocɔlɔɔ, wàa o nyɛ àmɛɛ mii nyɛ lè í, Kolocɔlɔwee wi lè wàa o nyɛ wi felege í.

Làlwaw Kaanziin 6:5

Ki n yɛlɛ mi Yawe mɔ Kolocɔlɔw kéele yaʔa li mɔ dɛ́nɛ ní mɔ zɔnw myɛ ní, ní mɔ fúngi myɛ, ní mɔ bárigaw myɛ ní.

Zyeremii 25:6

Yele a kɔ́ yeyɛɛ bwɔɔ kolocɔlɔbèle pèle na bàā kpɔ̀ʔɔrɔli kpéʔele be ma í, sáā tíri bàā tuun pe yɛʔɛ̀ ma í. Yele a kɔ́ mii fúngi tanʔa ní yele kɔ́yi fáli ní í, koro ga pye mii a kapeʔe faala kpéʔele yele na í,

Làlwaw Kaanziin 6:14

Yele a kɔ́ yeyɛɛ daʔa kolocɔlɔbèle pèle nikwɔɔlɔ na í, syɛɛnfeleyi yi yele màʔa lè yoro kolocɔlɔbèle pèle í.

Zyeremii 35:15

Mii n mii falipyebèle myɛ tun yele ma, pe lè kanyaajoobèle, mii n be tun yele ma sìnyére ni pe ba gi joo yele ma si jo: Yele myɛ nibin nibin n yɛlɛ bi láʔa yele kobeeyi na sáā maa. Ye yele nàʔami fàli, yele a kɔ́ yeyɛɛ bwɔɔ kolocɔlɔbèle pèle na bàā kpɔ̀ʔɔrɔli kpéʔele be ma í, ye kòro kánmi bee na tári ni mii kaan yele ma lè, ní yele tóolɛɛbèle ma lè wɔ́ɔgēle. Kàjáa yele ga líiyi cáan í, yele ga lóʔo mii ma í.

1 Korɛnti ye 8:6

koro ní ki myɛ ní wolo má, Kolocɔlɔɔ i nyɛ nibin, woro wi nyɛ wolo Tóow, woro wee má yáriri myɛ yìri lè, wolo i nyɛ woro wòolo, Kàfɔw wɔ́ɔ i nyɛ nibin, woro wi nyɛ Zyezu Kirisi, woro wee báriga ni yáriri myɛ nyɛ lè n fàra wolo myɛ na.

Tɛ̀ɛnnɛ 19:10

A mii fala n too wi taana jàngó bi wi kpɔ̀ʔɔrɔ, a wi mii pye: «Tíi, mɔ a kɔ́ koro kpéʔele í! Níì cán mii i nyɛ mɔ ní mɔ senyɛnbèle púlonyɛnwaa, poro bele má Zyezu séeraw nyɛ lè. Da Kolocɔlɔɔ kpɔ̀ʔɔrɔ́! Zyezu séeraw wi nyɛ kanyaajoori joolo nyúngo.»

Kɔlɔsi ye 2:18

Syɔ́ɔnwee wi caa lè bi wiyɛɛ dɛ̀ɛn màabyeo ní i nyɛ̀ʔɛni tundunbéle kpɔ̀ʔɔrɔ́, yele a kɔ́ syɔ́ɔnw bee félege yaʔa wi yele kaan yele í bɔ̀nɔ í. Wi n wiyɛɛ daʔa wi kanyaagèle na ní i wiyɛɛ gbɔ́ʔɔgi gbanzan, wi sɔ̀nguri i nyɛ céri kèlē na.

Filipikaʔa ye 3:19

Pe kwɔ́ɔmi a ba pye kálagila. Pe fícarigèle ge nyɛ pe kolocɔlɔw. Kérigèle ke da yɛlɛ bi pye be na lè fɛ̀ɛrɛ kèlē, gele bee i nyɛ be ma kpɔɔmɔ kéele. Pe sɔ̀nguri tɔ̀nɔ́ i nyɛ dulunyanw kèlē na.

Efɛzi ye 5:5

Ki n yɛlɛ ye gee naa cán gbanʔama bi cán ceyuuo, ní nànyuuo, ní kanɔnʔɔbyeo, ní fungbɔʔɔfɔlɔ wi lè yasunzuɔn, bele bee wàa faala a Kirisi ní Kolocɔlɔɔ fǎngi kɔ́rigɔ lìi í.

Ezayi 26:4

Ye yeyɛɛ daʔa Yawe na gi kòro nya làla o làla. Níì cán Yawe, Yawe wi nyɛ bàngwɔɔ Fálagi.

Yirile 15:11

Ee Yawe, wìí wi nyɛ mɔ félege kolocɔlɔbèle nínge ni? Wìí wi sín n foro àmɛɛ mɔ nyɛ lè? Wìí wi nyɛ mɔ félege, wee wi nyɛ lè wojaɔn ní n foro, ní i nyɛ fyáara yáriga, níì yɛlɛ ní kpɔ̀ʔɔrɔlɔ ní, ní i kakpoloyo kpéʔele?

Yirile 20:23

Yele ga yɛlɛ bi kolocɔlɔbèle pèle nikwɔɔlɔ sámaga ní wálifiio, wàlá ní tɛɛ̀ ní bi yaʔa yeyɛɛ ma bi fàra mii na í.

Ezayi 44:8

Yele a kɔ́ ra fɛ̀ɛgí í, yele a kɔ́ ra cɛ̀lɛ́ í. Mii ga gi joo n tɛ̀ɛn mɔ na làridɔɔnnɔ ni a mɔ gi lóʔo ì? Yele i nyɛ mii séerabéle. A wàa ní i nyɛ lé Kolocɔlɔɔ kapye mii ban í? Fálagaa nikwɔɔ ní o yaà í, mii ga níì kàa cán í.»

Ezayi 43:10

Yawe n jo: «Yele ye nyɛ mii séerabèle, ní mii falipyew ní, wee mii nyɛ́nɛ n wòlo lè, koro ga pye yele í mii cán si tága mii na, si gi cán bi cán mii wii. Wàa faala da sámaga yaà n pye Kolocɔlɔɔ mii yɛ́ʔɛ ma í, wàa si a ní wɔ́ɔ pye yaà mii kàdoʔo ma í.

Ŋúnuyi 73:25

Wìí wi ní i yaà mii ma nyɛ̀ʔɛni na kapye mɔ ban í? Yafyɛn kéele ga níì mii dɛ́nɛ tári na í, kapye mɔ ban í.

Ŋúnuyi 29:2

Yaa Yawe mɛ́ɛgi nìjanra kaangi wi ma! Yaa tíri yaa tuun Yawe yɛ́ʔɛ ma ní fèreri yacanvororo ní yeyɛɛ na!

Tɛ̀ɛnnɛ 22:9

A wi si mii pye: «Tíi, mɔ a kɔ́ koro kpéʔele í! Mii i nyɛ mɔ ní mɔ senyɛnbèle púlonyɛnnɛ, poro bele be nyɛ lè kanyaajoobèle, n fàra bele na be sɛ́bɛw naa syɛ́ɛnrɛ kɔn ní i di kpéʔele lè. Da Kolocɔlɔɔ kpɔ̀ʔɔrɔ́!»

1 Korɛnti ye 8:4

Gee mii a joo lè káari káala kéele na, dee be kúu yasunyi na lè koro gi nyɛ wolo n gi cán yasungo o nyɛ yafyɛn dulunyanw ni í, kolocɔlɔwaa nikwɔɔ ní o beè Kolocɔlɔw nibin kàdoʔo ma í.

Yirile 32:8

Kólogee kéele mii da joo n gbàn be ma lè, pe n wàli kelekele n yiri gi ni. Pe n náapiige sámaga ní tɛɛ̀ ní, wee be gbàla lè, ní i gi kpɔ̀ʔɔrɔ́ níì sáriga wòlo gi ma, ní i gi nyuu níì jo: ‹Isirayɛli, mɔ kolocɔlɔw wéle wee, woro wee wi mɔ yirige lè Ezyipiti tári ni.› »

Yirile 34:14

Mɔ a kɔ́ tìgi bi too kolocɔlɔwaa yɛ́ʔɛ ma bi wi kpɔ̀ʔɔrɔ í. Níì cán Yawe mɛ́ɛgi gi nyɛ Yejaʔa. Wi i nyɛ yejaʔa Kolocɔlɔɔ.

Ezayi 42:8

Mii wi nyɛ Yawe, koro gi nyɛ mii mɛ́ɛgi. Mii a tée mii nìjangbɔɔri kaan wàa nikwɔɔ ma í, wàlá bi mii kpɔ́ɔmi kaan yasunyo ma í.

Zyeremii 7:9

Nyàʔá! Yele i yúu ní wɔ́ɔ i syɛ́ɛnbèle kúu, ní i nyɛ kanɔnʔɔbyebèlē, ní i jànvaa kàliyi kɛ̀ɛ́, ní i nùndaanni yáriga sórogi Baali ma, níì yeyɛɛ daʔa kolocɔlɔbèle pèle nikwɔɔlɔ na, bele be lè yele ga be cán í!

Oze sɛ́bɛw 13:4

«Mii si na, mii wi nyɛ Yawe mɔ Kolocɔlɔw, n séli yaà Ezyipiti tári ni. Mɔ ga kolocɔlɔwaa nikwɔɔ cán kapye mii ban í, syɔɔfɔwaa ní o yaà mii kàdoʔo ma í.

Yirile 22:19

Syɔ́ɔnwee wi sáriga wóo lè kolocɔlɔbèle pèle nikwɔɔlɔ ma, kapye Yawe nibin ma ban í, pe a wi kálagi bi yirige yaà.

Yirile 23:24

Mɔ a kɔ́ ra tuun be kolocɔlɔbèle yɛ́ʔɛ ma í wàlá bàā be kpɔ̀ʔɔrɔ́ í. Mɔ a kɔ́ ra syɛɛnfeleyi bee kakpéʔelegéle tɛ́ɛlɛ í. Mɔ a be kolocɔlɔbèle kpúmɔn cáan, mí be yasungaangèle jabagi.

Jàbɔbèle 6:10

Mii n yele pye: Mii wi nyɛ Yawe yele Kolocɔlɔw, Amɔri ye tári ni yele baa tɛ́ɛn lè, yele a kɔ́ ra fɛ̀ɛgí be kolocɔlɔbèle na í. Kàjáa yele ga mii jóomi lóʔo í.› »

1 Fànʔafɔbèle 11:4

Lǎli ni Salomɔn baa lɛɛ lè, a wi cébèle wi fúngi kàriga n taʔa kolocɔlɔbèle pèle nikwɔɔlɔ na. Yawe wi Kolocɔlɔw kéele ga níì pye wi fúngi ni n foro àmɛɛ wi tóow Davidi fúngi da pye lè í.

Ŋúnuyi 81:10

Kolocɔlɔwaa nikwɔɔ ga yɛlɛ wi nyaa mɔ ma í! Mɔ a kɔ́ ra táraa nikwɔɔ wòolo kolocɔlɔwaa kpɔ̀ʔɔrɔ́ í!

Danyɛli 3:18

Alí n caà koro lɛɛlɛ fɔ̀n yaà, ee fànʔafɔw, ki n yɛlɛ mi gi cán wolo a fɔ̀lɔ́ da mɔ kolocɔlɔbèle fáli kpéʔele í, tɛ́ɛw ǹdevanʔa mɔ yérige lè, wolo a wɔ́ɔ fɔ̀lɔ́ gi kpɔ̀ʔɔrɔ í.»