Yirile 2:6 - Cebaara Bible 2010

⁶ A wi si baa li múgu n wéle n pyà nyaa li ni, wi maa pye nànbile, a li i nyaan. A wi nyínimi wi taa. A wi jo: «Heburubèle pìiwaa mɔ nyaa wee naa.»

Yirile 2:6 Iomraidhean Croise

1 Fànʔafɔbèle 8:50

Kapeegèle mɔ syɛ́ɛnbèle kpéʔele mɔ na lè, ní kérigèle gele myɛ na be kolo mɔ ma lè, ge kùsulugi syɔɔ, mí gi yaʔa pe nyínimi í be còvɔbèle taa, koro ga pye poro í nyinimɛ taa be na.

Nehemii 1:11

Ee! Kàfɔw, koro na ki n yɛlɛ mi mɔ líiyi cáan mí mɔ falipyew nyɛ́ɛrigɛ lóʔo, ní mɔ falipyebèle bele be caa bàā fɛ̀ɛgí mɔ mɛ́ɛgi na lè, poro nyɛ́ɛrigi. Mii i mɔ nyɛ́ɛri, mɔ falipyew yaʔa wi kataanna taa níjanʔa, mí gi yaʔa nǎnw naa í nyɔɔ wi na.» Mii si maa pye lǎli bee ni fànʔafɔw yagbaʔa kaanfɔlɔ.

Ŋúnuyi 106:46

níì gi yaʔa bele pe be cò n kári púlori na lè, a poro myɛ nyinimɛ taa be na.

Yirile 1:22

Lǎli bee ni a Faraɔnw syɛ́ɛnri naa joo n gbàn wi syɛ́ɛnbèle myɛ ma níì jo: «Nànbile o nànbile pe ga see lè, ki n yɛlɛ ye sa li wáa Niili cábigi ni, yáā calipiigèle myɛ yaari sìi na.»

Yirile 2:5

A Faraɔnw jáa si kɔ́ɔ̀ tìgi Niili cábigi ma bi sa wéli. Wi pìcaanyɛnbèle be pye ní wi ní lè a poro si sa ni nyaari ni máari Niili cábigi nyɔ́ɔ na. A wi kɔ́ɔ̀ wéle n gbòóli nyaa yaà nyɛ́nɛri nínge ni, a wi wi falipyecew tun wi sa li láa waa maa.

Yirile 2:7

Lǎli bee ni a pìíw yɛʔɛfɔlɔ baa gi joo Faraɔnw jáa ma níì wi pye: «Mii í sa Heburubèle céwaa yeri lé bi pan wi ba ra pìíw naa kaangi waa ŋɔri mɔ ma?»

Kàseegèle 21:1

Fànʔafɔw fúngo i nyɛ Yawe kɔ́gi ni àmɛɛ lɔ̀ʔɔ nyɛ, gee gi fóo lè, wi i gi kàragí ni tórogi kàbangee ma ki wi dɛ́nɛ lè.

Zyeremii 34:9

Wi n jo syɔɔn o syɔɔn í wi pulonàɔn ní wi pulocaà yaʔa waa syée, pe lè Heburubèle, wàa faala si a ní kɔ́ wi Zyefu-senyɛnnɛ cò bi yaʔa púlori fáli ni í.

Kapyegèle 7:21

Lǎli ni be wi yirige n yaʔa kàfugi na lè, Faraɔnw jáa, wi lè céw, a woro sáà wi láa n baa kpéʔele wi tiimaa pyà.

1 Pyɛri 3:8

Koro myɛ kàdoʔo ma ki n yɛlɛ ye myɛ sɔ̀ngurɔ í pye sèjira, yé pye fungo nibin na. Senyɛnnɛgi tàmaga n yɛlɛ gi pye yele ni, yáā nyinimɛ taagi yeyɛɛ na, yáā màama kpéʔele yeyɛɛ ma.