Yirile 2:3 - Cebaara Bible 2010

³ Koro kàdoʔo ma àmɛɛ ki baa pye lè wi a ní gbǎn wi làriga í, a wi gbòolo láa, lee be tìin ní lònyɔɔ nyàā ní lè níì tári kùraa tɛ́ʔɛ n li pɔ̀li, níì li màra ní tiige kuro ní, níì pìíw le li ni ní sáà li tɛ́ʔɛ Niili cábigi nyɔ́ɔ na nyɛ́nɛri nínge ni.

Yirile 2:3 Iomraidhean Croise

Sélimɛ 11:3

A be gi joo peyɛɛ ma níì jo: «Ye kàwáa wo còfáa kpúmɔn wó wi sórigo náagi ni!» A còfáaw pye be ma kàdɛnɛyi sìndɛʔɛ ni, a be i faanri. A tári kùro pye be ma póori.

Sélimɛ 14:10

Kùro wéeye si maa pye Sidiimi jǐnlɔgi myɛ ni. A Sodɔmi ní Gomɔri fànʔafɔbèle fàn n sáà too yi ni. Bele be kòro woweebèlē ní lè, a poro fàn n lúgu nyanbelegi na.

Sélimɛ 6:14

Ki n yɛlɛ mɔ í kɔ́rɔkpɔʔɔ sámaga miyɛɛ wóʔo ní gofɛɛri tíire ní, mí kɔ́rɔkpɔɔgi bee tíla tíla kpaafunyo mí tári kùraa tɛ́ʔɛ mi gi pɔ̀li fúngi, ní kàdogi na.

Yirile 1:22

Lǎli bee ni a Faraɔnw syɛ́ɛnri naa joo n gbàn wi syɛ́ɛnbèle myɛ ma níì jo: «Nànbile o nànbile pe ga see lè, ki n yɛlɛ ye sa li wáa Niili cábigi ni, yáā calipiigèle myɛ yaari sìi na.»

Ezayi 18:2

Mɔ wee wi tundungbolobéle tórogi lè sólomi lɔ̀ʔɔ na, lònyɔɔw nyàā kɔ́rɔbéle ni, be syée lǒyi ǹjoyo ni lè! Yaa syée, yele tundun-jólogobèle, syɛɛnfelegi ma, gee syɛ̀ɛnnɛ be tɔnɔ lè, á be céri wɔlɔgɔ, syɛ́ɛnbèle ma, be nyɛ lè fyáara yáriya nlaa be nyɛ beè lè, séekpɔɔɔ syɛɛnfelege gii, gee gi yáriri myɛ tɔ́nʔɔnɔ lè, koro gee tára cábiya palapala lè.

Ezayi 19:6

Cábiyi núngo a ra yirigi, Ezyipiti cábiyi a tìgi bi waʔa. Nyɛ́nɛri ní lònyɔɔw nyàā a fána.

Ezayi 35:7

Tári di sórogi lè ti a kàri bi pye lòkpɔʔɔ, lògbaalaagi tára a kàri bi pye pùnweegéle. Tɛ́ɛgee ni gbàáyi sìnɛ́ lè, nyɛ́nɛri, ní lònyɔɔw nyàā a pye yaà.

Matye 2:13

Sícilibèle kárila kadoʔo ma, a Kàfɔw tundunwaa wiyɛɛ dɛ̀ɛn Zyozɛfu na ŋúnɔgɔ na níì wi pye: «Yìri mi pìíw láa ní wi nɔ́ɔw ní, maa fyàalá Ezyipiti ma, mi sa kòro yaà bi taa mii í kɔ́ mɔ pye mɔ í lúru da maa. Níì cán Herodi a kɔ́ ra pìíw caa da máari jàngó bi wi kpóo.»

Matye 2:16

A Herodi ga gi nyaa sícilibèle n woro fáana, a wi fúngi tɔ̀nɔ n tanʔa gbanʔama. A wi tun níì jo pe sa Bɛtilehɛmi kěgi nànbiigéle ní gi tɛ́nɛmi wòʔolo myɛ kpóo, gele ge nyɛ lè ke ga kɔ́ɔ̀ sɔ̀lɔ yɛ̀ʔɛlɛ siin-ziin na í, bi yɛlɛ ní lǎli ní lee wi sámaga n yíbe lè sícilibèle ma.

Kapyegèle 7:19

A fànʔafɔw bee wolo felegefɔ-nyɛ́nbèle jànváa, níì fǎngi gbàn wolo tóolɛɛbèle na, níì be kɔ́ri paa be sàánnyɛɛngèle yaari kàfugi na koro ga pye ke a kɔ́ sìi taa í.