Yirile 2:16 - Cebaara Bible 2010

¹⁶ Calipiigèlē kɔrɔsiin maa pye Madyan sáriga-wòlow ma. A bele bee pan ba lɔ̀ʔɔ kóo bi yaweeri yagbaaya nyìn bi be tóow yaweeyiligēle kaan ge gbaa.

Yirile 2:16 Iomraidhean Croise

Sélimɛ 14:18

Mɛlikizedɛki wi lè Salɛmi fànʔafɔw, ní i nyɛ sáriga-wòloo Kolocɔlɔɔ ma wi nyɛ lè Pe Myɛ Nyúngo na, a woro pan ní yaliire ní n fàra dùvɛɛn na.

Sélimɛ 24:11

A wi ga sáà nan kɔ̀lɔ́w na wi pye lè kěgi bee kàdoʔo ma, a wi fàlibaayi pye a yi tìgi n kpùmɔnɔ kɔ̀lɔ́w nyɔ́ɔ na cângwɔɔgi nyɔ́ɔ na, lǎli ni cébèle yirigi n ba ni kóori lè.

Sélimɛ 24:13

Mii wi wee kɔ̀lɔ́w taana, kěgi syɛ̀ɛnnɛ piibéle be lè pìcaabèle, pe i yirigi n ba ni lǒgi kóori.

Sélimɛ 29:2

A wi sáà yiri kɔ̀lɔ́ na sìnbirigi ni. Yaweeyiligēle gboogéle taanri si i nyɛ wi taana wozinɛgéle ní. Níì cán kɔ̀lɔ́w bee na pe da ni yaweeri kaangi a ti i gbo. Kàdɛnɛgee si pe da tɛ́ʔɛ n kɔ̀lɔ́w tɔ́n lè, ki maa kpɔ́ʔɔ.

Sélimɛ 41:45

A Faraɔnw mɛ́ʔɛ le Zyozɛfu na ni wi yiri Safinati-Payeneya, níì Asinati kaan wi ma wi pye wi cɔɔ̀. Poti-Fera wi da pye lè Ɔn kěgi sáriga-wòloo, woro pyà wi pye Asinati. A Zyozɛfu yiri n sáà Ezyipiti tári myɛ nyaari.

Yirile 18:1

Gee myɛ Kolocɔlɔɔ kpéʔele Mowizi ní Isirayɛli ye ma lè, pe lè wi syɛ́ɛnbèle, Madyan ye sáriga-wòlow Zyeturo maa gee bee lóʔo. Zyeturo wi nyɛ Mowizi céw tóo. Wi maa gi lóʔo Yawe n Isirayɛli ye yirige Ezyipiti ni.

Yirile 18:12

A Mowizi céw tóo Zyeturo sáriga-sórigoo wòlo, n fàra sárigawaa nikwɔɔ na Kolocɔlɔɔ ma. A Aarɔn ní Isirayɛli wolɛɛbèle myɛ pan n baa pínɛ n lìi ní Mowizi céw tóo ní Kolocɔlɔɔ yɛ́ʔɛ ma.

Yirile 3:1

Mowizi maa pye ni wi céw tóo Zyeturo yaweeyiligèle nàʔá, Zyeturo wi pye lè Madyan sáriga-wòlow. A wi yaweeyiligèle kɔ́ri n fala ní ge ní fìími tára maʔama na, Kolocɔlɔɔ nyanbelegi ma ki lè Horebi.

1 Samyɛli 9:11

A pe ga ni lúru ni syée kěgi ma, a be fàra ní pìcaala ní, bele pe da yiri ni syée sa lɔ̀ʔɔ kóo lè. A pe be pye: «Nɛɛ naa lé kanyaaw nyɛ?»