Yirile 2:11 - Cebaara Bible 2010

¹¹ A Mowizi ga baa lɛɛ, cangaa a wi kári sa wi senyɛnbèle wéle, ní sáà pe faligbanw nyaa, níì wéle n Ezyipiti ye wówaa nyaa wi i Heburuwaa kpúmɔn, wi lè woro senyɛnwaa.

Yirile 2:11 Iomraidhean Croise

Yirile 1:11

Lǎli bee ni a be fala n pɔ́rɔtɔɔ-fáli kùndigibéle nyɛ́nɛ n wòlo n télege be nyúngi na, jàngó bele bee í pɔrɔtɔɔri fáli gbàn be na gbanʔama. Kánmi bee na be kèye siin faan Faraɔnw ma a yi pye wi lɔ́ri tɛɛkɔnyɔ. Kěyi bee yi nyɛ Pitɔmi, ní Aramisɛsi.

Yirile 3:7

A Yawe jo: «Mii syɛ́ɛnbèle bele be nyɛ lè Ezyipiti ni, fɔ̀rɔgee gi nyɛ be na lè, mii n gee bee nyaa, ní àmɛɛ be sùpiigèle wáa be wɔʔɔfɔbèle kɔ́yɔ ni lè, mii n gee bee lóʔo. Níì cán mii n tɔ̀nɔ n be wɔʔɔyi kèlē cán.

Yirile 5:14

Pɔ́rɔtɔɔri fáli kùndigibéle Faraɔnw da télege lè, poro maa Isirayɛli syɛ́ɛnbèle pèle kpéʔele fáliw kùndigibèle pèle, a pe i bele bee kpúmɔn níì be pye: «Mɛ̀ɛ́ gi nyɛ yele si ga jùfaaw nyɔ́ɔ kpúmɔn n taa cànʔaniw ní níjanʔa í, n yɛlɛ ní nyɔ́ɔgee ní ki da tɛ̀ɛn yele na lè?»

Yirile 5:4

A Ezyipiti fànʔafɔw be pye: «Mowizi, mɔ ní Aarɔn, nyàʔá na yele syɛ́ɛnbèle láari be fáliw na? Yaa syée yele fáliw kurugo.»

Yirile 5:5

A Faraɔnw jo: «Tɔ́ɔliw ni syɛ́ɛnmi pi baa nɛʔɛ bee tári ni, yele si be fáliw yérige.»

Yirile 5:9

Ye fáliw gbàn syɛ́ɛnbèle naa na, jàngó fali í pye be ma paa kpéʔele, koro ga pye pe a ní kɔ́ yákirii yaʔa jànvaa syɛ́ɛnraa na bàā lúro í.»

Yirile 6:6

Koro na ki n yɛlɛ mi gi joo Isirayɛli ye ma, mí be pye: ‹Mii wi nyɛ Yawe, mii a yele syɔɔ faligbanw ma, woro wee Ezyipiti ye taʔa yele na lè. Mii a yele yirige púlori fáli ni woro wee be taʔa yele na lè. Mii a yele syɔɔ mii kɔ́gi fànʔa báriga ni ní kútiiw kakpologéle báriga ni.

Yirile 6:7

Mii a yele láa yele í pye mii syɛ́ɛnbèle, mii si pye yele Kolocɔlɔw. Yele a gi cán bi cán mii wi nyɛ Yawe yele Kolocɔlɔw, wee wi yele yirigi lè Ezyipiti ye faligbanw ni.

Ezayi 58:6

Súnleganmee bi mii dɛ́nɛ lè, poro bi nyɛ bee naa: Bi péemi nyɔ̀ʔɔdiriye cɛnɛ, bi zúuw yapwɔɔrɔ sánʔana, bele na wɔʔɔgi gbàn lè, bi bele bee yirige yaʔa wɔ́rɔbéle, bi zúubèle féleye myɛ cɛnɛ.

Matye 11:28

Yaa maa mii ma yele bele myɛ ye fɔ̀rɔgí lè, àmɛɛ yele túgori líbe lè, mii a ba ŋɔ́ndaali kaan yele ma.

Luki 4:18

«Kàfɔw Pìle i nyɛ mii ni, níì cán wi n mii télege níì fǎngi kaan mii ma mii í da Syɛɛnjóocǎnri nyuu foomɔfɔbèle ma. Wi n mii tun níì jo mii í sa ra wɔ́rɔdi kéele nyuu púlobèle ma, si wɔ́ɔ ra fúunbèle paʔala kéele nyuu fúunbèle ma, sáā fɔ̀rɔyi fɔ̀ɔlɔ yirigi fɔ̀rɔyi ni,