4 ‹Gee mii kpéʔele Ezyipiti na lè, ní kánmee na mii yele láa n pan mii tɛ́ʔɛ ma lè àmɛɛ nyɔɔdàdaga gi pìibēle lée gi fókaanyi na lè, yele tiimaa n gee bee nyaa.
Kàjáa bele be wéle Yawe ma lè, bele bee fànʔa i kàragí wovɔngɔ ní. Pe i yìrigí fókaanya na àmɛɛ nyɔ́ɔbèle nyɛ lè. Pe i fé, pe o fɔ̀rɔgí í. Pe i táanri pe bárigaw o kwóo í.
Pe wɔʔɔyi myɛ ni, wi ga wàa faala tun wi ba be syɔɔ í, kàjáa wi yɛ́ɛgi ki be syɔɔ. Wi tàmagi, ní wi nyinidaari báriga ni wi tiimaw be nyúnyi syɔɔ. Wi n be dɛ̀ɛmɛ níì be láa booma cányi myɛ ni.
Wo myɛ o nyɛ tofɔlɔ nibin wòolo ì? Kolocɔlɔɔ nibin ban wi wo faan ì? Nyàʔá si na wo woyɛɛ jànváa, ní i joogaanni kálagi, lee Kolocɔlɔɔ da kpéʔele ní wolo tóolɛɛbèle ní lè?
Yawe yele Kolocɔlɔw wi syée yele yɛ́ɛgi na lè, woro tiimaa wi a kapɛɛnni kpúmɔn kaan yele ma, bi yɛlɛ ní gee myɛ ní wi kpéʔele yele ma lè yele nyɛ́nɛ na, Ezyipiti ni,
ní fìími tára ni, beè yele gi nyaa lè a Yawe yele Kolocɔlɔw yele láa àmɛɛ nàɔn wi jaà lée lè, n sɔ̀lɔ yele tɛɛsɔ̀lɔyi myɛ ni fwɔɔ n taa a yele baa nan tɛ́ɛgi naa na.›
A Mowizi Isirayɛli ye myɛw yeri ní baa be pye: «Yele n gi nyaa, gee myɛ Yawe kpéʔele yele nyɛ́nɛ na lè Ezyipiti tári ni, Faraɔnw, ní wi syɛɛnkpolobèle myɛ, ní wi tári myɛ na lè,
«Ki n yɛlɛ mɔ í tɛ́nɛ miyɛɛ còganmi cán, máā mɔ fúngi kɔ̀rɔsíi gbanʔama mɔ siiw canya myɛ ni, koro ga pye kérigèle gele mɔ nyapiigèle nyaa lè, mɔ a kɔ́ fɛ̀ʔɛ ge na í, ke a kɔ́ yiri mɔ fúngi ni í. Ge tɛ̀ɛn mɔ piibèle, ní mɔ piinyanbiiyi na.
Yele si n gi nyaa gee myɛ Yawe yele Kolocɔlɔw kpéʔele syɛɛnfeleyi naa myɛ na lè yele kéeli na. Níì cán Yawe yele Kolocɔlɔw wi kapɛɛnni kpúmɔn n kaan yele ma.
A Kolocɔlɔɔ nyɔɔ̀ dàdaga fókaanya siin kaan céw ma koro ga pye wi yìri bàā syée wi tɛɛkòrogi ma fìími tára ni, jàngó wi léeli wàbigi na, pe a sa ra wi nyɔ́ɔgi caa nɛɛ bee bi ba taa yɛ̀ʔɛlɛ taanri ní tíla.