Yirile 18:1 - Cebaara Bible 2010

¹ Gee myɛ Kolocɔlɔɔ kpéʔele Mowizi ní Isirayɛli ye ma lè, pe lè wi syɛ́ɛnbèle, Madyan ye sáriga-wòlow Zyeturo maa gee bee lóʔo. Zyeturo wi nyɛ Mowizi céw tóo. Wi maa gi lóʔo Yawe n Isirayɛli ye yirige Ezyipiti ni.

Yirile 18:1 Iomraidhean Croise

Ŋúnuyi 105:43

Wi n wi syɛ́ɛnbèle yirige yaà ní fundaangbɔɔrɔ ní, wi syɛɛnnyɛnɛ-wòlobèle, ní fundaanra yákpogéle ní.

Ŋúnuyi 105:5

Ye sɔ̀ngi ye taa bìngaari kèlē na wi kpéʔele lè, ní wi kakpolo-kpèleyi, ní wi nyɔ́ɔgi kútiicerio na,

Ŋúnuyi 106:2

Wìí syɔ́ɔn wi a gbǎn Yawe séew kapyegèlē kéele joo? Wìí wi a gbǎn wi sòololi kèlē myɛ joo bi tɛ̀ɛn?

Ŋúnuyi 34:2

Mii a ra bariga kaangi Yawe ma làrigèle myɛ ni. Wi sòololi a tée fɔ̀n mii nyɔ́ɔgi na í.

Ŋúnuyi 44:1

Ŋúnuŋùúbèle kùndigi wóʔo. Kore jáabèle wóʔo. Tamana ŋúnugo.

Ŋúnuyi 78:4

wolo a gi làriga be pìíbèle na í, wolo a ra Yawe kpɔ̀ʔɔrɔli kèlē nyuu bele ma be yìrigí wolo kàdoʔo ma lè, bi wɔ́ɔ ra wi séew ní wi kakpoloyi kéele nyuu, yee wi kpéʔele lè.

Yirile 2:16

Calipiigèlē kɔrɔsiin maa pye Madyan sáriga-wòlow ma. A bele bee pan ba lɔ̀ʔɔ kóo bi yaweeri yagbaaya nyìn bi be tóow yaweeyiligēle kaan ge gbaa.

Yirile 2:18

A pe lúru n pan be tóow Erewuyɛli ma, a wi baa be pye: «Mɛ̀ɛ́ gi pye á yele wári n pan nya níjanʔa?»

Yirile 2:21

A Mowizi fɔ̀lɔ n tɛ́ɛn nǎnw bee tɛ́ʔɛ ni. A wi wi pìíw Sefora kaan Mowizi ma wi cɔɔ̀.

Yirile 3:1

Mowizi maa pye ni wi céw tóo Zyeturo yaweeyiligèle nàʔá, Zyeturo wi pye lè Madyan sáriga-wòlow. A wi yaweeyiligèle kɔ́ri n fala ní ge ní fìími tára maʔama na, Kolocɔlɔɔ nyanbelegi ma ki lè Horebi.

Yirile 4:18

A Mowizi lúru n pan wi céw tóo ma wi lè Zyeturo, n baa wi pye: «Ki yaʔa mii í lúru kári mii senyɛnbèle ma, pe yaà lè Ezyipiti ni, bi sa gi wéle kapye pe sèʔé i yaà sìi na.» A Zyeturo Mowizi pye: «Da syée yɛɛ̀nyinge na.»

Yirile 6:6

Koro na ki n yɛlɛ mi gi joo Isirayɛli ye ma, mí be pye: ‹Mii wi nyɛ Yawe, mii a yele syɔɔ faligbanw ma, woro wee Ezyipiti ye taʔa yele na lè. Mii a yele yirige púlori fáli ni woro wee be taʔa yele na lè. Mii a yele syɔɔ mii kɔ́gi fànʔa báriga ni ní kútiiw kakpologéle báriga ni.

Zyeremii 33:9

Kěgi naa a pye mii ma fundaanra yáriga bi pye sòololo, ní fèrere yáriga, tári syɛɛnfeleye myɛ nínge ni, yoro yee yi a kacǎngèle myɛ kéele lóʔo, gele mii kpéʔele be na lè. Fyáari a tɔ̀nɔ́ be cò paa cɛ̀lɛ́, kacǎnyi myɛ, ní ŋɔ́ndaali myɛ kéele na mii kaangi be ma lè.›

Zakarii 8:23

Yawe wi lè Nyɛ̀ʔɛni Sùlasiibéle Kafɔlɔɔ, wi n jo: «Cányi bee ni, nànbēle kɛɛ a yiri tári syɛɛnfeleye syɛɛnfelere myɛ joofɔɔlɔ ni bi pan ba Zyefunàɔn nibin cò wi buronyɔɔw na, si jo: ‹Wolo a kári ní yele ní, níì cán wolo n gi lóʔo Kolocɔlɔɔ i nyɛ ní yele ní.› »

Córolo 10:29

A Mowizi gi joo Hobabi ma wi lè Erewuyɛli jáaw, Madyan ye wów, wi pye lè Mowizi céw tóo, níì wi pye: «Wolo i syée tɛ́ɛgi ma, gee kéele na Yawe da gi joo lè níì jo: ‹Mii a gi kaan yele ma.› Da maa ní wolo ní, wolo a kacànna kpéʔele mɔ na. Níì cán Yawe n nyɔ́ɔgi fàli bi kacànna kpéʔele Isirayɛli na.»

Kapyegèle 14:27

Lǎli ni be nan yaà lè, a be Egiliziw kpóʔoro, kérigèle gele Kolocɔlɔɔ kpéʔele lè poro ma, ní àmɛɛ wi tágali kólogo múgu syɛɛnfeleyi ma lè, a be gee bee myɛ joo n tɛ̀ɛn be na.

Kapyegèle 15:12

A syɛ́ɛnmi myɛ pyèri ní i lúro Barinabasi ní Pɔli ma, fɛ̀ɛ́bèle ní kakpoloyi poro gbàn n kpéʔele lè syɛɛnfeleyi nínge ni Kolocɔlɔɔ bárigaw ni, a be gee bee myɛ joo n tɛ̀ɛn be na.

Wɔrɔmi ye 15:18

Ye gi cán mii a tée mii nyúngi waʔa si keelaa joo í, kapye Kirisi ga li kpéʔele mii kɔ́yi ni syɛɛnjóori, ní kapyegèle báriga ni í, jàngó syɛɛnfeleyi í da lúro Kolocɔlɔɔ ma.

Zyozuwe 2:10

Níì cán wolo n gi lóʔo lǎli ni yele yiri Ezyipiti ni lè, a Yawe baa Nyɛ́nɛri solomɔ lɔ́ʔɔ ceri yele yɛ́ʔɛ ma, ní wɔ́ɔ̀ gi lóʔo, gee yele kpéʔele Amɔri ye fànʔafɔbèle siin na, pe lè Sihɔn ní Ogi, poro bele be pye fǎngi na Zyuridɛn jeligɔgee na lè, àmɛɛ yele be kálagi n kwɔ́ɔ lè.

Zyozuwe 9:9

A be wi yari: «Mɔ púlobèle n yìri táleeli-tèlere ma n pan Yawe mɔ Kolocɔlɔw mɛ́ʔɛ lóʔolo kéele na. Níì cán wolo n wi kéeli lóʔo, ní wɔ́ɔ̀ gi lóʔo gee myɛ wi kpéʔele Ezyipiti ni lè,

Jàbɔbèle 1:16

Kenii ye be pye lè Mowizi céw tóo yòdaʔaya, a poro yiri Sɛʔɛtiiri kàʔa ni n pínɛ n kári ní Zyuda yòdaʔayi ní Zyuda fìími tára ma Aradi wòrogulo kàbangi na. A be sáà tɛ́ɛn yaà beè ní syɛ́ɛnbèle ní.

Jàbɔbèle 4:11

Hebɛɛri wi pye lè Kenii ye wów, woro maa wàli n láʔa Kenii ye wozanbèle na pe lè Hobabi yòdaʔayi, Hobabi wi pye lè Mowizi céw tóo. A wi kári fwɔɔ n sáà wi fànikpaagi kóri Saanayimi syɛni tíigi láara ni Kedɛsyi taana.