Yirile 16:4 - Cebaara Bible 2010

⁴ A Yawe gi joo Mowizi ma níì jo: «Wéle, mii a ra yaliiri yìrigí nyɛ̀ʔɛni na bàā ŋuu naa yele ma àmɛɛ zàʔá nyɛ lè. Syɛ́ɛnbèle a ra yirigi bàā di koli canʔa o canʔa bi yɛlɛ ní be lìiganmi ní. Mii a be sɛʔɛ wéle koro ga pye bi gi cán kapye pe a ra táanri mii làlwaw na, wàlá kapye pe a ra táanri wi na í.

Yirile 16:4 Iomraidhean Croise

Nehemii 11:23

Níì cán fànʔafɔw maa yarigaa joo n ceri ŋùuvɔbèle kéele na, ní gee gi yɛlɛ paa kpéʔele lè canʔa o canʔa.

Nehemii 9:15

Mɔ n búru yìrige yaà nyɛ̀ʔɛni na n kaan be ma lǎli ni kateegi be jáa lè, níì lɔ̀ʔɔ yirige fálaga ni n kaan be ma lǎli ni lògbaagi be jáa lè, níì be pye pe jée tári ni pe di syɔɔ be taa, dee kéele na mɔ da kàli níì jo mɔ a di kaan be ma lè.

Nehemii 9:20

Mɔ n mɔ Piicanni kaan be ma bi be cìlige, mɔ ga mɔ mánɛw láʔa be nyɔ́ɔyi na í, níì lǒgi kaan be ma lǎli ni lògbaagi be jáa lè.

Ŋúnuyi 105:40

Pe n wi nyɛ́ɛri a wi gbàrisɛɛyɛ tórigo be ma. Wi n nyɛ̀ʔɛni yaliire kaan be ma, a be lìi n tín.

Ŋúnuyi 78:23

Wi si n tundunro joo fàfaanyi ma ǹjogi ni, wi n nyɛ̀ʔɛni kpaaweegéle múgu.

Yirile 15:25

A Mowizi yákpoli wáa Yawe kurugo, a Yawe tiicerigaa félege tɛ̀ɛn wi na. A wi gee bee wáa lǒgi ni, a lǒgi kàri n tɛ́nɛ. Tɛ́ɛgi bee ni Yawe làlwabéle télege ní wɔ́ɔ̀ tundunro joo be ma. Nɛɛ bee wi wɔ́ɔ̀ be sɛʔɛ n wéle.

Yirile 16:15

A Isirayɛli ye i di wéle, ní i gi nyuu peyɛɛ ma níì jo: «Nyàʔá gi gee naa?» Níì cán pe da di félegi cán í. A Mowizi be pye: «Yaliiree Yawe kaan yele ma yele í da líi lè, toro dii.

Kàseegèle 30:8

Námaraw ní jànvaaw léeli mii na. Mɔ a kɔ́ fóomi wàlá taali yaʔa li nan mii na í, lìíli li a mii yɛlɛ lè, da loro kaangi mii ma,

Matye 6:11

Yaliiri mɔ kaangi wolo ma lè canʔa o canʔa, mi níjanʔa wóri kaan wolo ma.

Luki 11:3

Yaliiree ti a gbǎn wolo yɛlɛ lè, maa dee bee kaangi wolo ma canʔa o canʔa.

1 Korɛnti ye 10:3

Pe myɛ n lìi lìinijanni na, lee li da yìri Kolocɔlɔɔ ma lè,

Làlwaw Kaanziin 8:16

Wi n mánɛw kaan mɔ ma fìími tára ni lìile, woro wee wi lè mɔ tóolɛɛyi da wi cán í, jàngó woro í mɔ tìrige táàma si mɔ sɛʔɛ wéle, si gi kàdogi pye mɔ ma fundaanra.

Làlwaw Kaanziin 8:2

Sɔ̀ngi mi taa kólogi myɛ na, gee Yawe mɔ Kolocɔlɔw mɔ kɔ́ri a mɔ tánʔa lè yɛ́ɛgèle naa togoye siin fúngo ni fìími tára ni, koro ga pye wi mɔ tìrige táàma si mɔ sɛʔɛ wéle, bi gi cán gee ki da pye yaà mɔ zɔnw na lè, kapye mɔ a woro kajoodɛɛngèle cò wàlá mɔ a ge cò í.

Zyozuwe 24:15

Kapye yele o caa bàā báara Yawe ma í, wee má yele a ra báara lè, ye wee bee nyɛ́nɛ ye wòlo níjanʔa, gee bee n jo kolocɔlɔbèle bele má yele tóolɛɛbèle da ni báara lè cábigi jeligɔgee na, wàlá Amɔri ye tári ni yele tɛ́ɛn lè, poro kolocɔlɔbèle. Mii ní mii kpáagi wòolo si na, Yawe má wolo a ra báara.»